مقارنة مبسطة للنيو سيراتو الخليجى فى مصر - اسعار ومواصفات

**said.d.y** · 17-02-2014 05:40 AM

المشاركة الأصلية كتبت بواسطة ابو ليلى

الف مبروك على العربية وشكرا على الموضوع الجميل وجزاك الله خيرا لافادة الاعضاء من زمان وانا بقول صعب جدا نعمل مقارنة فئات الخليجى والوكيل ..
الخليجى فى فئات كتير جدا وتملى بنصح للمقبلين على الشراء خليجى انه يحط المواصفات اللى عاوزها فى العربية ويروح يسال عليها اى كانت بلد المنشا ....
من زمان شائع جدا ان الخليجى السعودى انضف عربية وكانت على طول فيها زيادة الف واتنين ولكن بعد البحث وجد ان دول مجلس التعاون الخليجى بتشترط مواصفات معينة فى العربية علشان تدخل عندها ( ودى اللى بنحاول نعملها فى مصر )
واللى ينطبق عليه خليجى وبيكون نفس المواصفات الدول الاتية :
السعودية - الامارات - البحرين - قطر - عمان - الكويت ...
معنى كده ان دول بيطبقو المواصفات القياسية زى بعض ...
نيجى لنقطة ان البوية افضل او التكيف اشد بعد بحث طويل هنا فى المنتدى مع الاعضاء لم يثبت علميا صحة المعلومة دى..
كله واحد وكله راجع للمواصفات القياسية فى الاساس .
اما دول شرق اوسط ودى اقل فى المواصفات القياسية زى الاردن والعراق اليمن سوريا ...الخ
علشان كده تلاقى اعلى مواصفات وكماليات وسعر اقل اللى جى من شرق الاوسط ...
مرة زمان لقينا عربية بتاعة عضو جاب ال vin بتاعها من عند المعرض وبيقوله دى شرق اوسط بعد البحث عليها لقينها متصدرة لاثيوبيا ...اه والله
عربيتى انا شخصيا مكتوب على القايم انها وفقا للموصفات السعودية وبعد البحث اتضح انها متصدرة لعمان
فى النهاية الف مبروك مرة تانية بس انت مقلتش جبت ايه ؟

أولاً الله يبارك فى حضرتك،ثانياً اشكرك على التوضيح والاضافة ، وبالنسبة لموضوع التكييف والبوية طبعاً انا مرجعى فيهم للسؤال والاستفسار من المعارض وبعض المعارف، ومعرفش الكلام دى صح ولا لأ ، لاكن انا تجربتى مع تويوتا خليجى(سعودى) كان تكيفها ثلاجة وعلى اول درجة، ومكانتش مصفحة من تحت ،،، وموش عارف دى العادى بتاع التويوتا ولا دى ميزة فى الخليجى فقط؟؟؟؟؟؟؟؟؟؟؟؟؟؟؟؟؟

بالنسبة للفئة ال انا جبتها ، فالحمد لله ربنا كرمنى فى سيراتو خليجى (بس موديل 2013) مواصفاتها وكلها والحمد لله اصلية(فوجات/جنط 16/طارة ملتى بتحكم فى السى دى وبلوتوث وكمبيوتر رحلات/1ايرباج/2 مفتاح ريموت/كرسى السائق هيدروليك) بخلاف المواصفات الاساسية الاخرى زى الزجاج والسنتر والطارة التلسكوبى 4 اتجاهات وجهاز انذار،،،،،،،،،
ينقصها الفرامل abs وامبوليزر،،، وسعرها 142500جم (علشان موديل 2013)، موديل 2014 فى الفئة دى بتعمل من 147: 148 الف جم تقريباً.
لاكن الحقيقة انا مكنتش شايف انى ادفع اكتر من كدة فى السيراتو ( وكمان بالنسبة لى موش محتاج مواصفات اكتر من كدة - طبعاً كان افضل لو الفرامل abs وامبوليزر)علشان كدة مفرقش معايا الموديل او الخليجى، وانطباعى الاولى عنها الحمد لله هايل ، ادعو الله سبحانة وتعالى يرزقنى خيرها ويكفينى شرها.

**said.d.y** · 17-02-2014 07:47 PM

المشاركة الأصلية كتبت بواسطة tiggosaid

تقريباً 40000كم، بس موش عارف للسنة الواحدة ولا ال3 سنوات

انا سألت تربيل اية النهاردة وعرفت ان الضمان بيكون للسنة 20 الف كم، يعنى سنة 20 ولو 2 40 وهكدا حتى 5 سنوات.

**shifoo68** · 18-02-2014 11:17 AM

المشاركة الأصلية كتبت بواسطة temoon

فى فئه اعلى من الهاى لاين كمان عند اشرف جوده الى فى المعادى الى جنب مستشفى السلام الدولى والعربيه دى فيها مفتاح بصمه والشاشه الى بين العدادات الوان والكاسيت تاتش وفيها كاميرا خلفيه والكرسى كهربه كامل وفيه ميمورى كمان لوضع السواق ولما سالت عليها عرفت ان تمنها 200 الف جنيه بس بصراجه عجبتنى

دى حضرتك نفس العربية شوفتها عند سمير ربان هاى لاين ب 184000 فيها كل حاجة وبعدين مافيش فى السيراتو عربية ب 200000 لنها كتير عليها قوىىى وسعر الوكيل اعلى فئة 191000 وكمان لو السعر دة يبقى فى بدائل كتير واعتقد البدائل تكسب

**said.d.y** · 18-02-2014 08:53 PM

المشاركة الأصلية كتبت بواسطة dr_moustafa

انا عمل عندهم ضمان 3 سنوات / 60 الف كيلومتر ( أيهما أقرب)

كلام حضرتك مظبوط ، السنة ب20 الف كم

**mhmdabdo** · 04-03-2014 12:07 AM

سمير ريان معندوش غير واحجه بالمواصفات دي ب 167,5 لونها احمر وفيها نقره واضحه جدا في السقف
القرش 167 بس لون ابيض فقط
المصريه 167.5 لون ابيض وواحده فقط لون سيلفر
الملك معندوش خالص

**OmarEzzat93** · 11-03-2014 03:14 AM

الفئة اللى بتوازى EX FO فى الوكيل فيها aps و امبوليزر ولا لا

**Sameh.Soliman** · 15-03-2014 09:09 PM

مشكور اخوى على هذا الموضوع والذى افادنى كثيرا ولكن انا لسه راجع من هند المصريه فى المهندسين وقالى ان الخليجى 4 فئات 140 و 150 و 168 و 179 واكد انها سعودى او كويتى وقد قمت بتصوير ال vin من عربيه ووجدتها عراقى فاين اجد السيارة قبل الاخيرة بليدات وفتحه سقف بسعر 158
مع العلم ان القبل الاخيره عندة اللى ب 168 فتحه سقف وليدات وسينسورات و لاينقصها سوى التكييف الاتوماتيك و الكاميرا والفرش الجلد وميمورى الكرسى فهل هى مطابقه للفئة الثالثه التى اشرت اليها
وهل العراقى جيد ؟ وهل صادفت فى بحثك سيارات سعودى او كويتى وفين ؟؟

والف مبروك على عربيتك