..:: تقرير تركيب زينون على الفوج لايت للكورولا 2014 ::..

**miceg** · 21-02-2014 11:24 AM

رجاله كورولا قايمين بالواجب
ماشاء الله
ياجدعان انتو بتستغلو يعني إلاعتمادية وبتلعبو براحتكو
ماشي الله يسهلو
ده انا الصني بتاعتي معملش فيها كده :d

**abofandy** · 21-02-2014 11:32 AM

هههههههههههههه
بص يا صديقى العزيز
طالما انت عارف انت بتعمل اية خلاص متقلقش
لكن متبقاش عارف انت رايح فين وجاى مين وعمل بتخرب وخلاص هى القصة مش قصة انى بخرب او بلعب
لكن الفكره ان عارف بعمل اية وعايز اوصل لاية بدون ما ادمر او ابوظ بل بالعكس دة انا هكون احن واخف اية على حاجاتى وفلوسى ولا اية

مقولتيش بقى هنركبلك الزينون امتا . هههههه

**bassem.naguib** · 21-02-2014 12:03 PM

المشاركة الأصلية كتبت بواسطة iusef

الفيوزات يا باسم باشا في الكبوت في علبه الفيوزات الرئيسيه هتلاقيها علي جنب لوحدها وهتلاقي المشبك بتاعها وهتلاقي مكتوب جنبهم spare ولما تفكهم هتلاقيهم راكبين في بلاستك

حبيبي يا جو .. منحرمش منك .. وأوعى متجيش المقابلة حزعل منك جامد .

المشاركة الأصلية كتبت بواسطة abofandy

اهلا باسم باشا انت الى جامد ياباشا
وبالنسبة لموضوع ضرسك دة خليه يقع وانا موجود اهو على الاقل نستفيد منك يا باسم فى الكشف ولا حاجة

يعني عاوزني أجيلك 150 كيلو علشان ضرسي وكمان تغرمني الكشف .. ههههه

بص ياباسم باشا تفكيرك صح لازم نور الفوج يبقى ابيض بس انا فكرت فى حاجة وهى \

الاولى : كدة كدة هيتم تركيب نور ابيض بس لما سالت فى التوكيل مفيش اى لمبات موجودة فى التوكيل وخلصانه فلو كدة هجيبها من بره وسالتهم قالولى لا مش هينفع لو جبتها نركبها هنا فى التوكيل فى المحصلة واحد

ما علشان كدة كنت وفرت فلوس الزينون للفوانيس الكبيرة .. وركب في الفوجات لمبات بتدي نور أبيض عادي .. من غير زينون ده كان قصدي .. كنت استشير حبايبك الأول يا أخي قبل ماتتهور .. وأسمع وأوزن الكلام .. وبعد كدة قرر براحتك .

الثانية : فى نص شهر 3 القادم هيبقى فية معرض فورميلا ونازل لمبات جديدة من شركه اوسرام اسمها نايب بريكر انلميتد .. اللمبات دى بتراهن عليها شركه اوسرام وزادات كفاته اللمبة عن النيت برايكير بلاص فانا قولت اركبها ان شاء الله لما تنزل فى الفوج وهتبقى جميلة ومحترمه

تمام .. وده اللي ممكن أعمله .. بس بالنسبة للمبات دي واللمبات اللي أنت مركبها .. فيه سؤال جه في بالي دلوقتي .. هل اللمبات دي بتشع حرارة زيادة ميستحملهاش الفوج ؟! وممكن تلحق ضرر في فانوس الفوج لا قدر الله ؟

هل خامة سلك الضفيرة حتستحمل اللمبات دي (اللي من غير زينون) ولا حتبقى محتاجة كتاوت وتقويات للسلوك .

الثالثة : فى الفتره دى انا عايز اضاءة قولت خلاص اركب زينون ما انا كنت مركبه فى 2009 قبل كدة وقعد معايا سنتين وبدا الجهاز يهرتل واللممض تتحرق اركبهم ولو حصل الهرتله دى يبقى استفدت منه الفتره دى وابقى اركب اى لمبتين تانين عادييين مش زينون والموضوع مفيش اسهل من كدة فى التركيب مش قصة يعنى
كنت أصبر شوية يا أخي .. وأديك بتقول المعرض في نص الشهر القادم وكان الشغل كله يبقى مره واحدة .

بالنسبة للاسئلة بتاعتك علل .. افطن
1 + بالنسبة لموضوع التوصيلات ببساطة كبل الى جاى من البطارية او الضغيرة هيركب فى وصله الموديل او الجهاز بتاع الزينون .. والجهاز بتاع الزينون بيطلع منه وصله للمبه بس يعنى ببساطة
الموديل او الجهاز طالع منه سلكين واحد هيشبط فى كبل الضغيرة وكبل هيشبط فى اللمبه شكرا
بقولك اية ما تيجى نبطل رغى انا وانت واوريك صورة تقربلك القصة دى

يعني هل معنى كدة أن الموديول بيبقى فيه مكان تبات فيه الفيشة (اللي كانت راكبه في اللمبة) .. ما ممكن شكل الفيشة دي يختلف من عربية لعربية تانية وتحتاج لتعديل .. يا ريت توضيح للنقطة دي .

بالنسبة للسوال التانى
الفيوزات الاحتياطى موجودة فى كبوت العربية نحية اليمين على الجانب الايمين للبطارية فيها 4 فيوزات احتياطى انا اخدت منهم 2 فعايز ارجع الاحتياطى كامل العدد زى ما هو... فهمتنى ؟
أنا اللي كنت أقصده في سؤالي كمان هل الفيوزات الأحتياطي فيها كل أشكال الفيوزات (مربعة أو مستطيله) ومختلف القدرات .. على العموم حبقى أبص عليه في العربية .. متوجعش دماغك .
بالنسبة لموضوع الامبير الاجهزة كلها واحد الفرق فى قدرة الجهاز سواء كانت هيطلع ليك 55 او 35 وات
تمام

تسلم يا غالي على الرد

**abofandy** · 21-02-2014 12:13 PM

بالنسبة للمبات الى نازلة من اوسرام الله اعلم هتنزل امتا
وسعرها هيبىقى كام وبعدين انت لية محسسنى ان الموضوع عويص اوى وكبير او ان هفك الموتور مثلا دة مسمارين يا باسم الى هفكهم مش قصة يعنى واركب اللمبات لو عجبتنى اضائتها دى حاجة
الحاجة التانية اللمبات الى نازله من اوسرام نفس القدرة 55 وات الى راكبه فى الموديل العام الماضى والى المهندس محمد هانى مركبه بس الفرق فى اللمبات الجديدة انها قوة البياض بتاعها زادت شوية مش اكتر فمش محتاجة اى كتاوت ولا حاجة

بالنسبة لحرارة الزينون :
الزجاج بتاع الفوج لايت المانى اقصد الفانوس نفسة فبيستحمل الحراره متقلقش بدليل ان شوفت واحد فى التوكل مركبه عادى خالص ومفيش فية مشاكل يعنى التوكيل ضامن ان الزجاج بتاع الفانوس مش هسيتكسر او يتشرخ او يجراله حاجة فمتقلقش .. القلق لو ركب على فانوس صينى هتلاقى شهر وبيدا يشرخ ويتكسر انما الفانوس اليابانى او الالمانى انسى يا باسم

بالنسبة للموديول طالع منه سلكين : الفيشة بتاعة اللمبة الاصلية او الفيشة بتاع الضغيرة نتايه وبيدخل فية الطرفين بتوع سلك الموديول .. يعنى فيشة الضغيرة بيدخل فيها سلكين كبس كدة مش فيشة مقابل فيشة فهمتنى يعنى تركب على اى فيشة مش قضية

بالنسبة للفيزوات كلها واحد يا حبى .. كلها شكل واحد الاختلاف الوحيد هو اللون وكام امبير والصورة بتوضح كلامى الى محطوطة

**Yousef.Kamel** · 21-02-2014 12:31 PM

حضرتك طلعت دكتور فى الكهربه مبروك ياباشا رائع انتم السابقون وانشالله نحن -----

**abofandy** · 21-02-2014 03:38 PM

ان شاء الله ياباشا تعمله وتفرح بيه

**abofandy** · 21-02-2014 10:44 PM

ابو خليفة حبيب قلبى
الموضوع دة معمول هدية ليك وع شرفك ياباشا

بالنسبة للفيوز فهو 7.5 امبير وليس 5 امبير
بس انا ركبت الجهاز وركبت فيوز 7.5 امبير
وان شاء الله احاول اشوف فيوز بس يكون اصلى

وان شاء الله تركب زينون قريب
ومرسيى ع الكلام الجميل ودايما انا بحب اعمل الحاجة بنفسى

**bassem.naguib** · 22-02-2014 07:43 AM

المشاركة الأصلية كتبت بواسطة abofandy

بالنسبة للمبات الى نازلة من اوسرام الله اعلم هتنزل امتا
وسعرها هيبىقى كام وبعدين انت لية محسسنى ان الموضوع عويص اوى وكبير او ان هفك الموتور مثلا دة مسمارين يا باسم الى هفكهم مش قصة يعنى واركب اللمبات لو عجبتنى اضائتها دى حاجة
الحاجة التانية اللمبات الى نازله من اوسرام نفس القدرة 55 وات الى راكبه فى الموديل العام الماضى والى المهندس محمد هانى مركبه بس الفرق فى اللمبات الجديدة انها قوة البياض بتاعها زادت شوية مش اكتر فمش محتاجة اى كتاوت ولا حاجة

بالنسبة لحرارة الزينون :
الزجاج بتاع الفوج لايت المانى اقصد الفانوس نفسة فبيستحمل الحراره متقلقش بدليل ان شوفت واحد فى التوكل مركبه عادى خالص ومفيش فية مشاكل يعنى التوكيل ضامن ان الزجاج بتاع الفانوس مش هسيتكسر او يتشرخ او يجراله حاجة فمتقلقش .. القلق لو ركب على فانوس صينى هتلاقى شهر وبيدا يشرخ ويتكسر انما الفانوس اليابانى او الالمانى انسى يا باسم

بالنسبة للموديول طالع منه سلكين : الفيشة بتاعة اللمبة الاصلية او الفيشة بتاع الضغيرة نتايه وبيدخل فية الطرفين بتوع سلك الموديول .. يعنى فيشة الضغيرة بيدخل فيها سلكين كبس كدة مش فيشة مقابل فيشة فهمتنى يعنى تركب على اى فيشة مش قضية

بالنسبة للفيزوات كلها واحد يا حبى .. كلها شكل واحد الاختلاف الوحيد هو اللون وكام امبير والصورة بتوضح كلامى الى محطوطة

أنت راجل ميه الميه الميه الميه (بلهجة المنصورة)
عليا النعمة أسيادنا راضيين عليك يا شيخ .. دي القسم مبيحلاش إلا على مواضيعك يا جدع .. حتى اسأل .. اسأل .. اسأل اه اه اه .. محمد .. محمد هاني المنسق بتاع القسم يا جدع .

وأسمع سقفة لأبو فندي الدكتره

**abofandy** · 22-02-2014 07:38 PM

حبيبى قلبى يا باسم
اية الكلام الجامد دة .. يارب اكون استحقة يارب
ويارب النفع لكل الناس سواء عن طريقنا او اى مكان
وبرضة مشوفتش صور لعربيتك لحد دلوقتى .. ومتخفش من الحسد ههههههه