تجربه سيراتو ٢٠١٤ جنط ١٧ و جنط ١٦

**devil_storm** · 23-02-2014 02:42 AM

بعد تجربه سيراتو ٢٠١٤ جنط ١٧ و جنط ١٦ الفرق بينهم في نعومه العفشه غير محسوس انا كنت فاكر ان فرق الجنط من ١٧ الي ١٦ حيفرق جامد في النعومه لكن بالتجربه محستش بفرق ملموس او يمكن الفرق بسيط جدا ... معرفش ليه الناس هنا في المنتدي كانت محسساني ان العربيه حتفرق جامد في النعومه
انا قلت افيد الاعضاء بنتيجه التجربه للافاده العامه

**ayam7** · 23-02-2014 02:49 AM

سؤال يا استاذ devil_storm اخبار نقلات الفتيس على السرعات البطيئة وفى الزحمة

**amgomaa** · 23-02-2014 03:20 AM

المشاركة الأصلية كتبت بواسطة devil_storm

بعد تجربه سيراتو ٢٠١٤ جنط ١٧ و جنط ١٦ الفرق بينهم في نعومه العفشه غير محسوس انا كنت فاكر ان فرق الجنط من ١٧ الي ١٦ حيفرق جامد في النعومه لكن بالتجربه محستش بفرق ملموس او يمكن الفرق بسيط جدا ... معرفش ليه الناس هنا في المنتدي كانت محسساني ان العربيه حتفرق جامد في النعومه
انا قلت افيد الاعضاء بنتيجه التجربه للافاده العامه

مشكور علي نقل التجربة وبالفعل السيراتو الجديده مختلفة تماما عن سابقتها للافضل بس هل العربيه بدأت تنتشر لانى ابتديت اشوفها كتير عن الاول السؤال طبعا عن القاهرة لانى غير مقيم بها الان

Sent from my GT-S5282 using Forum Runner

**hossam_elwani** · 23-02-2014 03:25 AM

الفرق كان فى الموديل القديم

بس هل بشكل عام العفشه ناعمه

دلوقتى العربيه بدات تنتشر بالفعل

**devil_storm** · 23-02-2014 12:57 PM

المشاركة الأصلية كتبت بواسطة ayam7

سؤال يا استاذ devil_storm اخبار نقلات الفتيس على السرعات البطيئة وفى الزحمة

النقلات ناعما جدا و غير محسوسه نهائي و مفيش اي ناتشه علي جميع السرعات

المشاركة الأصلية كتبت بواسطة hossam_elwani

الفرق كان فى الموديل القديم

بس هل بشكل عام العفشه ناعمه

دلوقتى العربيه بدات تنتشر بالفعل

العفشه مقدرش اقول ناعما و لا اقدر اقول ناشفه هي متوسطه او تميل للنعومه و هي عموما نفس عفشه و احساس الالنترا الشكل الحالي بالضبط و الالنترا مرميا في كل حته فممكن تجربها بنفسك

اللي بيدي احساس ان السيراتو انعم من الالنترا الباور بتعها افضل بمراحل من باور الالنترا علي السرعات العاليه لما تحطه علي سبورت مود و علي السرعات الهاديا لما تحطه علي كمفو رت مود بيديك احساس خادع ان العربيه ناعما جدا جدا

لكن في الحقيقه الباور هو اللي ناعم جدا اما العفشه عاديا ذي ما قلت و هي نفس الالنترا تيبكال

**fddf512** · 23-02-2014 08:17 PM

انا معايا سيراتو هالين 2012 طبعا جنط 17 وطبعا العربيه ناشفه بس قبل ما اشتريها ركبت الانترا الشكل الجديد ولقيتها اه ناعمه ذس خفيفه قوي ولما تعدي جمبها عربيه تميل من الهوا وبتعد تتنطط من ورا كده بصراحه خوفتني فصرفت عنها نظر في حين او السيراتو مش كده خالص ومش علشان عربيتي يعني بس السؤال بقه هل السيراتو الجديدة نفس الانترا كده لو كده تبقى مش حلوه بردو نرجوا الافاده

**esam_ayad** · 23-02-2014 09:06 PM

العربيه فعلا مانقدرش نقول عليها ناعمه النعومه اللي الواحد متخيلها بس يكفي انك مش بتحس بحاجه وانت جواها يعني لو في طريق مكسر وزباله هو يادوب انك بتحس بهزهزة العربيه فقط لا غير وهي فعلا زي عفشة الإلنترا.
والله في بعض المطبات بستمتع وانا طالعا ونازلها وباخدها وانا مبسوط وطبعا مافيش حاجه اسمها عين القط نهائيا والعربيه بتعدي عليها ويادوب تسمع صوت فقط بدون اي احساس بيدخلك جوه العربيه.

لسه واحد زميلي معاه النترا 2012 راكب معايا وبقي مستغرب ان العربيه ناعمه زي عربيته اللي هي جنوط حديد مقاس 15

**devil_storm** · 23-02-2014 10:31 PM

انا عايز اقولكم التجربه تمت اذاي ... بدات بالسيراتو جنط ١٧ سوقتها لمسافه حوالي ٥ كم و عديت علي المطبات و انا مركز جدا في احساس المطبات بعدها نزلت من الجنط ١٧ ركبت اللي بجنط ١٦ و مشيت في نفس الشوارع و عديت علي نفس المطبات و بنفس السرعه و انا مركز جدا في احساس المطبات ... انا كنت فاكر ححس بفرق بقي و العربيه حتبقي ملبن بالجنط ١٦ لكن النتيجه اني من الصعب جدا اني احدد الجنط اللي انا سايقه ١٧ ولا ١٦ و العربيتن تقريبا احساسهم واحد في نفس المطبات

انا بقول التجربه علشان محدش يفكر انه ينعم العفشه زياده عن طريق تغير الجنط من ١٧ الي ١٦ لانه حيرمي فلوسه في الارض و حيبوظ شكل العربيه علي الفاضي

**amgomaa** · 23-02-2014 10:43 PM

المشاركة الأصلية كتبت بواسطة devil_storm

انا عايز اقولكم التجربه تمت اذاي ... بدات بالسيراتو جنط ١٧ سوقتها لمسافه حوالي ٥ كم و عديت علي المطبات و انا مركز جدا في احساس المطبات بعدها نزلت من الجنط ١٧ ركبت اللي بجنط ١٦ و مشيت في نفس الشوارع و عديت علي نفس المطبات و بنفس السرعه و انا مركز جدا في احساس المطبات ... انا كنت فاكر ححس بفرق بقي و العربيه حتبقي ملبن بالجنط ١٦ لكن النتيجه اني من الصعب جدا اني احدد الجنط اللي انا سايقه ١٧ ولا ١٦ و العربيتن تقريبا احساسهم واحد في نفس المطبات

انا بقول التجربه علشان محدش يفكر انه ينعم العفشه زياده عن طريق تغير الجنط من ١٧ الي ١٦ لانه حيرمي فلوسه في الارض و حيبوظ شكل العربيه علي الفاضي

انت عملت دكتوراه فى السيراتو الجديده شط شكرا لموضوعك اللي هبساعد اى حد عايز يشترى الشكل الجديد

Sent from my GT-S5282 using Forum Runner

**amgomaa** · 23-02-2014 10:43 PM

المشاركة الأصلية كتبت بواسطة devil_storm

انا عايز اقولكم التجربه تمت اذاي ... بدات بالسيراتو جنط ١٧ سوقتها لمسافه حوالي ٥ كم و عديت علي المطبات و انا مركز جدا في احساس المطبات بعدها نزلت من الجنط ١٧ ركبت اللي بجنط ١٦ و مشيت في نفس الشوارع و عديت علي نفس المطبات و بنفس السرعه و انا مركز جدا في احساس المطبات ... انا كنت فاكر ححس بفرق بقي و العربيه حتبقي ملبن بالجنط ١٦ لكن النتيجه اني من الصعب جدا اني احدد الجنط اللي انا سايقه ١٧ ولا ١٦ و العربيتن تقريبا احساسهم واحد في نفس المطبات

انا بقول التجربه علشان محدش يفكر انه ينعم العفشه زياده عن طريق تغير الجنط من ١٧ الي ١٦ لانه حيرمي فلوسه في الارض و حيبوظ شكل العربيه علي الفاضي

انت عملت دكتوراه فى السيراتو الجديده شكرا لموضوعك اللي هبساعد اى حد عايز يشترى الشكل الجديد

Sent from my GT-S5282 using Forum Runner

الموضوع: تجربه سيراتو ٢٠١٤ جنط ١٧ و جنط ١٦

LinkBack

أدوات الموضوع

عرض

تجربه سيراتو ٢٠١٤ جنط ١٧ و جنط ١٦ - انشر الموضوع فى :

-

-

-

المواضيع المتشابهه

كيا سيراتو ٢٠١٤ هاتشباك

سيراتو ٢٠١٤ وكيل ام خليجى

النترا ٢٠١٤ و لا سيراتو ٢٠١٤

النترا ٢٠١٤ و لا سيراتو ٢٠١٤

اسعار بعض قطع غيار سيراتو ٢٠١٤ من الوكيل

الكلمات الدلالية لهذا الموضوع

المفضلات

المفضلات

ضوابط المشاركة