اقتباس المشاركة الأصلية كتبت بواسطة S A M A مشاهدة المشاركة
ههههههههههههههههههههههههه ههه
كان امتى مهرجان السياحة ده ولا سمعت عنه :-)
وبعدين انت اللى غلطان عشان انت لو متابع جيد لنايل موتورز احنا كنا منزلين تعديلات الطريق وبالفيديو كمان
أهلاً أهلاً مدام سما ... منورة الموضوع والله ِ .
المهرجان ده كان أمبارح السبت ... وأتجمعت كل المسيرات في نادي كده على البحر أمام مكتبة الاسكندرية ... وكانو مشغلين اغاني وطنية وكده ... بس شوفتوا أزاي ... أذا أنتم أهو أسكندرانين وأبناء البلد ومسمعتوش حاجة عن المهرجان ... ايشش حال بقه الجماعة الاجانب والسياح ... ده والله ِ ياريتني صورتلكم المهرجان فيديو وأوريكم أزاي الناس متحمسة يحسسوك كده أن الجماعه الخوجات قاعدين على الشط الناحية التانية في اليونان شايفينهم فكده يكونوا بيشجعوا السياحة :)

ثم سياحة أيه


ده كل الشواطئ عندكم خلاص بحح
حتى بير مسعووووود ... بير مسعود لقيتهم رادمين البير بصخور وعملين سور هناك من الشبك والسلك الشائك ومكتوب منتجع بير مسعود سعر الفرد 12 جنية !!!

يانهر أزرق يا جدعاااااااااان ... النهردة بقيت أمنيت أي مواطن يبل رجلية بس بموج البحر ... او حتى يدفن صوابع رجلو في الرملة بتاع ربنا ببلاش ... معدش في الكلام ده كلو بتذاكر ... عاوز تبل رجلك في الرملة في تذكرة وكرسي وشمسية ساعتك ومنيمم اتشارج !!!

طيب زمان على أيامنا كنت بشوف في ناس بينزلوا بالليل في المية علشان ينتحروا... يفضل يعوم ويعوم ويخش جوا عند البراميل لغايت مايغرق ويموت وينتحر ... فهل يعقل على اخر الزمن ان حتى الي رايح ينتحر ناخود منو تذكرة ياربي ... يعني هيبقى موت وخراب ديار ههه ... وفي النهاية تقولولي سياحة !!

عشنا وشفنا أن الشواطئ الطبيعية بتاعت ربناااا تبقى رفاهية وحكر علي معاه فلوس ... أما الفقير الغلبان الي زي حلاتي علشان يبل رجليه في الميه لازم يدفع تذكرة حتى لو بالليل ... وحتى صخرة بير مسعود الي عليها ذكريات الشباب والحاضر والماضي تبقى منتجع والدخول للفرد 12 جنية منيم اتشارج وياريت نقول منتج سياحي او حاجة مزار راقي إلا هما كام طربيزة بلاستيك على كام كرسي أبيض من التوحيد والنور وسور شائك وهيا كده بقت منتجع والدخول ب 12 جنية قال !

@@@@@@

اما بخصوص موضع بتاع خريطة التعديلات لافيني بالموضوع ده ارجوكي ... حاكم ده انا لسه عندي شغل كتير الايام الي جايه في اسكندرية وبصراحة معدش فيا لا صحة ولا قلب ولا حتى مرارة فقعهالي بتاع الادا الكحلي منو لله هههه :) علشان ارجع الف تالت ساعات ادور على الطريق الصحراوي من تاني

@@@@@@@
وتقبلي أسمــــا
تحــــــياتي