الموضوع: ايه اقل عربيه في استهلاك البنزين؟

يبقى هو سبب عدم الانتشار هو القانون ده فعلا وبس!
لأن ستروين فعلا كانت منزله ال AX فى حدود سنة 97 وتبعتها سانج يونج وفيات بونتو ودلوقت البيجو.
اما سبب عدم الانتشار علشان بنستورد الديزل مالهاش دعوة طبعا. المستهلك ماله ومال الديزل جاى منين. المهم سعره كام. وده لوحده دافع لانتشار السيارات الديزل.
بس يبدو ان الناس متعوده على العربيات البنزين فمبتحاولش تغير. وخاصة بعد المحاولتين بتوع ستروين وفيات اللى مانجحوش.
نتمنى ان البيجو تغير الفكرة دى عند الناس وخاصة ان بديلها البنزين فارق فى السعر تمام لأنها اعلى من 1600!.

بصراحه هتكون نقله جديده في مصر لو الموضوع ده نجح. بس اللي مش قادر افهمه ازاي المحركات الديزل الـ HDI هتشتغل بالديزل اللي عندنا!! انا قعدت فتره في المغرب.. و هناك معظم العربيات ديزل.. بس الديزل هناك نوعه راقي جدا... دا حتى فيه منه سوبر و ده اللي بتشتغل بيه محركات الديزل الحديثه.

المشاركة الأصلية كتبت بواسطة Nile Heart

البيجو ال 407 الديزل هى كمان 1600 سىسى

لآن الجمرك لا يفرق فى السعه اللتريه بين البنزين والديزل
هما نزلوها ديزل عشان يغروا الناس برخص سعره

هى ال407 اقل حاجة فيها فى البنزين 1800 وعلشان كده جمركها عالى. وهما لقوها فرصة ان نزل منها موتور ديزل 1600 علشان يفرق فى الجمرك وجابوها. هى مشكلتهم بس انهم يقنعوا الناس بالديزل، لأنه واضح ان فكره الناس عن الديزل من ايام العربيات المرسيدس الجاز (اللى هى كانت ديزل برضه بس من جيل قديم)
المحركات الديزل فى ال10 سنين اللى فاتو اتطورت لدرجة انها سبقت البنزين، وخاصة ان عزمها اقوى من نظيرها البنزين بالضعف مثلا وعمرها برضه اطول من البنزبن. لدرجه ان كذا عربية من المصنفة سيارات سبور بينزل منها موتور ديزل

ال407 ال 2000 سىسى بنزين سعرها يبدأ ب 350 الف للمانيوال
وال 1600 الديزل الفول اوبشن ب 198 الف. واضح طبعا فرق الجمرك الجميل

المشاركة الأصلية كتبت بواسطة م/محمد

ايه حكايه البونتو الديزل دي؟انا اول مره اسمع عنها

هى كانت نزلت من سنتين ثلاثة كده لما نزلوا الموديل الحالى (مش الجراند بوتوبتاع المعرض) وكانت نازلة ب3 محركات
منهم واحد 1300 ديزل. بس واضح انها ماحدش اقتنع بانه يجربها وخاصة انها كانت اغلى من البنزين بحوالى 8000 جنيه.
المهم وانا براجع محركات البونتو دلوقت اخدت بالى من حاجة: :roll:
فيه سيارات كتير دلوقت بتنزل من المصنع علشان تشتغل بالغاز الطبيعى اساسا وبيكون فيها تنك بنزين احتياطى حوالى 10 لتر.
ليه مافيش شركة تفكر تجيبهم بدل ماللى عايز يستخدم الغاز يجيب عربية بنزين ويحولها غاز فى ورشة والموال ده.
اظن ان موضوع زى ده كان الاوقع انهم يفكروا فيه ايام اختيار تاكسى العاصمة!

المهم وانا براجع محركات البونتو دلوقت اخدت بالى من حاجة: :roll:
فيه سيارات كتير دلوقت بتنزل من المصنع علشان تشتغل بالغاز الطبيعى اساسا وبيكون فيها تنك بنزين احتياطى حوالى 10 لتر.
ليه مافيش شركة تفكر تجيبهم بدل ماللى عايز يستخدم الغاز يجيب عربية بنزين ويحولها غاز فى ورشة والموال ده.
اظن ان موضوع زى ده كان الاوقع انهم يفكروا فيه ايام اختيار تاكسى العاصمه

مش بيجيبو العربيه مجهزه من الأول لأن محطات الغاز عندنا بترفض تمون العربيات بالغاز إلا اذاكانت هي من اجرى عمليه التحويل من بنزين لغاز!!

المشاركة الأصلية كتبت بواسطة Ahmed Hassan

مش بيجيبو العربيه مجهزه من الأول لأن محطات الغاز عندنا بترفض تمون العربيات بالغاز إلا اذاكانت هي من اجرى عمليه التحويل من بنزين لغاز!!

ده ايه التخلف ده :twisted:
يعنى هما حايحولوها احسن من لما المصنع اصلا ينزلها غاز :?: :shock: :roll: