الموضوع: استلمت الفلوينس الهاى لاين و مش مبسوط!!

والله الواحد عاجز عن شكركم ياجماعة على الاهتمام ده
انا رحت التوكيل النهارده. حطوا شوية شحم على المجراه بتاعة فتحة السقف و بقت بتقفل بدون مشاكل حتى الآن.
بالنسبة للزوايا، المهندس طلع جربها رجع قاللي فعلا العربية مش مظبوطة و قاللي أن ده ساعات بيحصل فى بعض العربيات لما بيجيبوها متشالة على ونش من القاهرة نتيجة انهم بيربطوا العربية على ظهر الونش باستخدام سلاسل ممكن تتسبب فى أن العربية تخلف زوايا ( مش مقتنع أوي بالرد ده) و قعد يحلف أن واحد شغال معاهم في التوكيل استلم عربيه و كانت فيها نفس المشكلة بالضبط. للأسف معندهومش ضبط زوايا فى توكيل أسيوط. عموما قاللي يا أما اخد العربية عند حد رشحهولى ( مش عايز اعمل كده لأن العربية لو متظبطتش ممكن يرجع يقوللى سوء استخدام) أو أنى اسيب العربية يعملها هو ( طبعا بصفة ودية) و الحل الأخير ده مدخلش دماغى برضو مادام كله حبى ودى. فى مقترح تالت وهو أنه يشحن العربية على القاهرة و يظبطوها هناك( بس قاللي أن ممكن برضه العربية ترجع مش مظبوطة بسبب الشحن على الونش يعنى كأننا ماعملناش حاجة).
بالنسبة لموضوع ال rpm، حطوا العربية على جهاز الأعطال و الجهاز طلع كل حاجة سليمة. لما قولتلهم انى مش مقتنع فتحولى رينو ميجان هاتشباك 2013 و شغلوها قدامى عشان نقارن بينهم لأنهم نفس العربية بالضبط فيما يتعلق بالموتور و الفتيس. المهم الميجان طلعت برضه ال rpm بتاعها بيفضل يتحرك مابين ال 750 و ال 1000 ولما بتشتغل التكيف برفع ل 1100 و بعدين ينزل ل 900 و أول ما ينطفى بفضل دقيقة ثابته على ال 900 و بعدين تنزل ل 750 . عربيتى بتعمل كده مع فارق أنها ساعات بتفضل معلقة على ال 900 و ساعات ال 1000 و مابتنزلش لل 750 غير لما بزود بنزين و اسيب. هل ده طبيعى؟؟؟ مع العمل أن العربيتين كانوا متسخنين كويس. رأيكم ايه؟؟ أشحنها على القاهرة؟ ولا ﻷ؟
أفيدونا ياخونا الله يبارك فيكم!