النهارده غيرت الزيت والفلتر

**إسلام شاهين** · 11-07-2007 10:43 PM

أخيرا وبعد مداولات ومحاورات وبالصدفه البحته وتقولش قدر ونصيب وأنا راجع البيت من الاوتوستراد لقيت بنزينة شل اللي بعد صقر قريش المهم اتكلت على الله وقمت داخل سألت على الفلتر لقيته ب 30 الأصلي ( على حسب كلامهم ) والزيت لقيت الالترا ب215 ( على كلامه بيقعد 15 ألف ) ( والمصري على كلامه بيقعد 10 آلاف ) و 5 جنيه غيار المهم غيرت بس في حاجه عايز اسال فيها :-
1- الراجل حط 3.25 ثلاثة كيلو وربع بس هو ده صح ولا غلط ؟
2- صوت الموتور هدي فعلا جدا جدا بعد الغيار طب ليه ؟
3- الزيت من الجركن كان خفيف ولما سالته قالي هو فيه خواص بتشتغل مع السخونيه !! برضه ده صح ولا غلط ؟
4- كان فيه نوعين الترا مصري ب 180 و مستورد ماليزي ب 215 ليه الفرق ده ؟ وهل فعلا الماليزي كويس ؟
ملحوظه :-الجركن كان لونه رمادي مش أزرق فهو كده الالترا ولا إيه بالضبط ؟؟؟؟؟؟؟؟

**NaderNabil** · 11-07-2007 11:14 PM

as far as i know there is no Egyptian shell oil!!
and last time i checked the ultra price it was less than 200

dont know though if my info. is right or wrong

**Santino** · 11-07-2007 11:52 PM

بالنسبة لكمية الزيت ف اللي يحدد الكمية حاجتين : كاتالوج العربية و مقياس الزيت في العربية ( الصبح قبل ما تدور العربية )
هو الزيت فعلاً خفيف , علشان كدة لازم يكون الموتور حالتة كويسة علشان مايهربش الزيت و بالتالي ينقص . لكن حكاية الخواص مع السخونة ف دي مأعرفهاش بصراحة , لكن عموماً الزيت المستورد ( Ultra ) ممتاز فعلاً .

أول مرة أسمع عن Shell Helix ULTRA مصري !!! يمكن ليه إسم تاني مش Ultra ؟؟؟

أنا أعرف إن الجركن الأصفر هو اللي مصري , و ده 3000 كيلو ,

آخر مرة غيرته ( Ultra )كان ب 195 غير الفلتر غير المصنعية .

**hamada2010** · 12-07-2007 12:27 AM

اعتقد ان الزيت الذى لا يوجد فيه اى شكوى هو MOBIL ONE

وارجو الا يقولو ا الا خوة انى شغال فى شركة موبيل

زى ما قالوا انى شغال فى توكيل مصريه

لما قلت رأيى بصراحة فى اللا نسر الخليجى

فى موضوع رأيسى

اسم الموضوع (انا مش فاهم حاجة)

**Dr Ahmed** · 12-07-2007 01:08 AM

المشاركة الأصلية كتبت بواسطة إسلام شاهين

أخيرا وبعد مداولات ومحاورات وبالصدفه البحته وتقولش قدر ونصيب وأنا راجع البيت من الاوتوستراد لقيت بنزينة شل اللي بعد صقر قريش المهم اتكلت على الله وقمت داخل سألت على الفلتر لقيته ب 30 الأصلي ( على حسب كلامهم ) والزيت لقيت الالترا ب215 ( على كلامه بيقعد 15 ألف ) ( والمصري على كلامه بيقعد 10 آلاف ) و 5 جنيه غيار المهم غيرت بس في حاجه عايز اسال فيها :-
1- الراجل حط 3.25 ثلاثة كيلو وربع بس هو ده صح ولا غلط ؟
2- صوت الموتور هدي فعلا جدا جدا بعد الغيار طب ليه ؟
؟؟؟؟؟؟؟؟

هى دى كمية الزيت المستخدمة: 3 كيلو للموتور وربع للفلتر والمقياس فيصل..

ثانيا: صوت الموتور فعلا بيوطى جدا مع تغيير الزيت والفلتر وهتحس بنعومة فوق العادى لعدة مئات من الكيلومترات ثم يعود الحال للدرجة العادية قبل التغيير

-سعرالفلتر فى التوكيل ومراكز الصيانة 45 جنيه لكن سمعت كتير ان فيه فلاتر يقال انها أصلية ب 35 جنيه ....ومش هتفرق.

بالنسبة لزمن تغيير الزيت أنا لا أظن أن هناك زيت يقعد 15 ألف ودى مخاطرة كبيرة لو كانت معلومة غلط يبقى 10 آلاف أضمن للموتور..

غير كده: مش عارف

**معاذ الشرباصى** · 12-07-2007 01:10 AM

فعلا يا استاذ اسلام

الزيت ده يا اما 10الاف او 6 شهور ايهم اقرب

**ahhany** · 12-07-2007 04:29 PM

انا حطيت زيت Emirates ، انا كنت بحطه لما كنت في دبي و كنت بغيره كل 10000 ، و ده أضمن حتى من موبيل وان أو غيره المصري

**جندى مجند** · 12-07-2007 08:53 PM

هو زيت امارات الـ 10000 سعره كام فى مصر؟

بالنسبة لخواص زيت هيلكس ألترا و كل الزيوت التخليقية عامةً فعلى حسب علمى الزيوت دى كلها بتبقى خفيفة و هى باردة على عكس الزيوت البترولية اللى بتبقى تقيلة و هى باردة ... الفكرة من كدة ان الزيت التخليقى بيعمل تزييت lubrication للعربية أسرع بكتير من الزيت العادى عند بدء الدوران و دة بيطول عمر المحرك عشان بيقلل التآكل اللى بيحصل عند بدء الدوران نتيجة عدم وصول الزيت لكل أجزاء الموتور فى حالة لو كان زيت بترولى.