انا مقتنع بحكاية التفتيح دية جدا بس هو فيه سؤال بسيط .انا كنت زمان لما بجرى بالعربية و احرق عليها (التفتيح) كنت لما افكر امشى على سرعة هادية تانى الاقى العربية بتسقف و كان تفسير معظم اصحابى ان دة عشان الموتور متفتح.بمعنى انى لو معود العربية انها تنقل من التانى الى التالت على 40 كم مثلا. بعد التفتيح بتنقل من التانى الى التالت على 60كم مع ثبات الار بى ام.
وانا من فترة كنت مسافر و كان بقالى اكتر من سنة العربية مجريتش على طريق سريع .المهم انى قرصت عليها بس شوية شوية .يعنى فى الاول العربية كان اخرها 130 كم على الخامس و اخر دواسة البنزين .فبدأت اقرص على النقلة شوية لحد لما جابت 160كم بس بعد اكتر من ساعة عشان محملش اوى على العربية.المهم ان اللى حصل بعد كدة كان غريب و هو ان العربية و انا راجع بيها من السفرية كانت بتتلكك عشان تجرى و ان 160 كم كانت بتجيبهم بسهولة تامة .و الاغرب بقى انى كنت حاسس ان العربيه بقت انعم بكتير جدا و صوتها اهدى بطريقة ملحوظة حتى العفشة كانت افضل.
المفضلات