يعنى إيه تفتيح الموتور؟؟؟

**blazer** · 07-10-2008 05:23 PM

المشاركة الأصلية كتبت بواسطة NoNaMe

انا مقولتش تطلع مخصوص , فى اى وقت ماشى على طريق مفتوح

لو لاحظت كلامى قلت قرص بعقل مش غشومية ومقولتش شغال قرص رايح جاى انا بقول جرب العربية .. فى فرق بين واحد بيعرف ازاى يتعامل مع عربيتة " ودة اللى اقصدة انك تجرب وتشوف" وبين واحد بيتغاشم وخلاص ودة ملناش دعوة بية

+999
يعنى فى مره لو مسافر مطروح ولا اسكندريه
ولوحدك فى العربيه على طريق وادى النطرون مثلا فى الفجر والطريق فاضى ومفيش رادار
تاخد العربيه اول تانى تالت رابع وتحرق على الغيارات براحه
هتلاقى نفسك جبت سرعه عاليه من غير اجهاد للعربيه
و تبقى فتحت الماتور

**MEDO80** · 07-10-2008 06:47 PM

طي ما هوا دا الي بيحصل لو دقتوا في كلامي بس مش علي الماشافات الكبيره لكن جوا البلد

**Mystique** · 07-10-2008 07:27 PM

أنا شدني قوي الموضوع وبعد ما قريته استفدت كتير من الناحية الميكانيكية اللي مكنتش اعرف تفاصيلها
أنا هقول عن تجربة شخصية بتأكد ان الشد ف بداية عمر الموتور ممكن تزود أداءه

أنا ووالدي صادف ان احنا جبنا عربيات زيرو ف نفس الفترة خلال اسبوع او 10 ايام يمكن..وبنعمل نفس الصيانات وبنغير الزيت ف نفس الوقت والكلام ده

أنا عربيتي 1100 وطريقة سواقتي جوة المدينة شد وقرص وفرملة وبعدين أقرص تاني عشان اعدي من حد وهكذا
وبعد ما عديت ال1000 كيلو طلعت بيها طلعات ع الصحراوي وصلت ل100 كم بكل سهولة وسرعة يعني يمكن ف خلال 13 او 14 ثانية
ووصلت لحد سرعة قصوى 170 كم لحد لما ال RPM ابتدا يقرب من الرد زون قلت هي اخرها كدة
كل ده بالرغم من انها 1100 سرعتها القصوى حسب الكتالوج 157 كم
واللي يشوفني بشد بيها ميقولش انها 1100 ابدا
والعربية اتعودت على القرص واستجابتها بقيت سريعة جدا لأي ضغطة بنزين

عربية والدي بقى هو قعد يحسس على الموتور فلما بركبها بحس سحبها مش زي بتاعتي..أوحش شوية يعني ال 100 كم ممكن تاخد فترة عقبال ما تجمعهم..ولو على الطريق هديت ورا عربية وبعدين حبيت اشد عشان اطلع مبتسحبش وبحسها فعلا مخنوقة
مع انها 1300

المشاركة الأصلية كتبت بواسطة MEDO80

اعتقد انك في جميع الاحوال لازم تقرص علي العربية شوية كل مدة علشان علي الاقل تنضف الموتور من رواسب الكربون الي بتتكون فية نتيجة city drive بس مش قرص وي يعني يعني مشوار طوالي علي ار بي ام عالي سنة
و ما يضرش لو قرصت علي العربية و هيا في مشوار طوالي شوية و ترجع تاني بدون ما الار بي ام يعلي منك قوي علشان عمر الموتور
لانة من الثابت ان الارب بي ام العالي بيحدث تاكل في الموتور و بيقصر عمره
و موضوع التفتيح دا علشان تستمتع باقصي خرج للموتور و يبقي سلس معاك ( علي ما اعتقد )

كلام ميدو انا كمان جربته..كل شهر كدة بطلع على الطريق السريع وبجيب سرعات واقرص على الموتور..لما برجع بيها جوة البلد بحسها كان كان في حاجة خانقاها واتفكت ويتزيد سرعتها واستجابتها

أنا بصراحة مع القرص على الموتور على قد حدود العربية من غير ما نضغط عليه زيادة عن اللزوم

وشكرا على التوبيك الجميل

**thegreatnileman** · 07-10-2008 10:57 PM

طيب بالنسبة للى معاه عربية اوتوماتيك يعمل ايه ولا ده يبوظ الفتيس الاوتوماتيك

**HARDD** · 08-10-2008 02:53 AM

طيب اية اقصى حد لل ار بى

**MMamdouh** · 08-10-2008 02:10 PM

حسب العربية

MMamdouh

**MMamdouh** · 09-10-2008 04:29 AM

مش موضوع اخرة... المهم المنطقة الحمراء فين و دة يبقى الحد الاقصى للفات الموتور بدون اتلاف الموتور

و غالبا العربيات الحديثة بيبقى فيها نظام لمنع زيادة اللفات عن الحد الاقصى حتى لو دوست الدواسة للارض

MMamdouh