الموضوع: مشكلة عايزة خبير في دورة التبريد

ازيكم يا شباب
السيارة عندي فيها موضوع غريب ورجاءا تحملو الاطالة
السيارة ما بتسخنش خصوصا بعد ما خليت المراوح بتشتغل مع التشغيل على طول
بلف الحرارة مش موجود
الريداتير كويس
والمشكلة هي رغوة في فتحة الريداتير
والماء بيروح عالقربة
عملت جوانات والمخرطة عملت شغلهاو المشكلة استمرت
غيرت كذا غطا ريداتير واستمرت المشكلة
نضفت الريداتير واتاكدت منه وغيرت طرمبة ونفس المشكلة
كل حوالي 300 كيلو تقريبا الاقي القربة مليانة ماء
جبت سائل هنا بيقولو انه بيقفل اي مشكلة في السلندر اسمه repair seal او block seal
نضفت الدورة كاملة وحطيت المادة ومشيت نص ساعة بالسيارة ورجعت نضفت الدورة وحطيت ماء عادي واستمرت الرغوة وضغط خراطيم المياه
اخر ما زهقت الراجل قالي ركب غطى ريداتير اصلي من الوكالة
طبعا قبل الغطا كنت لما اضغط عالخراطيم او ادوس بنزين جامد اشوف فقاقيع هوا بتيجي جوه القربة
لما ركبت الغطا الاصلي بضغط لقيت القربة مستقرة
جربت حوالي 150 كيلو والقربة تمام التمام
لكن الخراطيم مكبوسة ومضغوطة
فجاة ببص لقيت القربة اتملت
فتحت غطا الريداتير لقيت رغوة بتيجي عند فتحة الريداتير ...
هل ده معناه ان راس الموتور فعلا لازم يتغير؟
او يتخرط تاني ويركب جوانات والكلام ده تاني.ولا ممكن يكون في مشكلة بسيطة غير الحاجات اللي انا غيرتها وصلحتها دي؟
ملاحظة الحرارة طول ما في ماء في الريداتير باقي مبترتفعش وغطا الزيت مفيش فيه طحينة والزيت مش بينقص
ملاحظة اخرى عداد الار بي ام مش مستقر بيتحرك بسيط تحسه بيهبط ويرجع يصعد تاني بس ده طبع السيارة من يوم ما اشتريتها..
رجاءا المساعدة لاني مخنوق من الموضوع ده جدا جدا