شرح مبسط و سلس
شكرا جزيلا
و صدقني في الأجواء السخنة بعد ال 50 كل التكييفات بتركن على جنب
:)
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
طبعا... أكيد السؤال ده ناس كتير سألته.. وأعتقد إن ناس كتير كمان معتقدة إن السر في الكمبريسور الياباني القوي
أبداً... الموضوع وبكل بساطة.... اليابانيين أذكى وعمليين أكتر
مبدأ اليابانيين في كل شغلهم... ليه تكلكعها ما دام ممكن تعملها بكل بساطة
مش هطول عليكم... الفرق كلوا في حتة محبس صغير محطوط على خط المية السخنة اللي بيدخل على الدفاية
اسمه محبس التحكم في الدفاية ... أو Heater Control Valve
نشرح أكتر
بالنسبة لأنظمة التكييف المتعارف عليها في معظم السيارات... النظام التقليدي الموجود من زمان وفي أغلب العربيات الرخيصة نسبيا هو أشبه ما يكون بخلاط المياه في الحمام...
لإن الهوايات اللي بيطلع منها هوا التكييف/الدفاية موحدة على النظامين... بمعنى إن الخلط بيحصل في وحده التوزيع اللي بتوزع الهواء على فتحات التكييف وتخلط السخن مع الساقع.
ده نظام تبريد الموتور اللي بناخد منه وصلة مية سخنة للدفاية
وده نظام التكييف المعروف
بيبقى فيه وَحدة فيها سربنتينة التكييف وسربنتينة الدفاية في حجرة واحدة ... علشان تخلط الهوا الساقع اللي جاي من التلاجة مع الهوا السخن اللي جاي من الدفاية
... والتحكم في درجة الحرارة بيبقى بطريقة من اتنين:
الطريقة الأولى
الطريقة المستخدمة في معظم السيارات الأوروبية (وربما الأمريكية): الدفاية متوصلة بشكل مستمر
ولما نشغل التكييف بنتحكم في درجة الحرارة عن طريق بوابة مخصوصة
في الحالة دي... الهوا الساقع بتاع التكييف متأثر دايما بهوا سخن جاي من الدفاية
الطريقة التانية
مستخدمة في السيارات اليابانية والكورية (ما عدا الدايو/شيفروليه لإن التكنولوجيا بتاعتها متاخدة من أوبل)، وفيها مية الدفاية عليها محبس بيتحكم في دخول المية السخنة إلى الدفاية، ولما بنحرك مؤشر الحرارة بنفتح سكة للمية السخنة إنها تدخل وتبدأ تدفي.
زي كده:
في الحالة دي الدفاية ما بتأثرش على أداء التكييف إلا لو شغلناها...
الموضوع هنا عامل بالضبط زي خلاط الحمام ... لو عايز مية ساقعة شغل الساقع واقفل السخن... ولو عايز مية سخنة شغل السخن واقفل الساقع... ولو عايز حاجة في الوسط.. افتح الاتنين واضبط زي ما انت عايز
النظام ده فعال أكتر بدون شك
إنما في النظام الأولاني (الأوروبي).. الموضوع عامل زي ما يكون الخلاط فيه حنفية السخن بتسرب وعايزة جلدة :)، أو ممكن نعتبره زي النوع التاني من خلاطات الحمام...
وده منطقي لإن الجو عندهم ساقع طول السنة...
يعني بالنسبالنا... ممكن فعلا لما نمنع المية السخنة من دخول الدفاية.. التكييف هيسقع أكتر... بس هنفقد ميزة الدفاية... خصوصا إن فيه مناطق في مصر والخليج بتعاني من البرودة في الشتا.
لو مش مصدق.. انزل اسكندرية في فبراير... أو الكويت في يناير!!!
بس المفروض إن النظام ده يتغير في الدول الحارة زي مصر ودول الخليج... إنما مشكلة الأوروبيين إنهم لسه شايفين إن نظامهم كويس... وما دام مش حاسين بالمشكلة يبقى عمرهم ما هيصلحوها.
عموما... الناس اللي عايزة تلغي السخن من دورة التكييف بتاعها .. بدل ما تلغيه تماما تقدر تاخد نفس الفكرة وتنفذها في العربية.. بمجرد تركيب محبس يدوي يمنع دخول المية السخنة للدفاية.
فكرة بسيطة وعملية جدا جدا.
...
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
رقم العضوية : 63536
تاريخ التسجيل : 27Feb2010
المشاركات : 790
النوع : ذكر
الاقامة : 6th of October
السيارة: 2014 Kia Cerato
السيارة[2]: Mazda 6 Ultra
دراجة بخارية: No
الحالة :
شرح مبسط و سلس
شكرا جزيلا
و صدقني في الأجواء السخنة بعد ال 50 كل التكييفات بتركن على جنب
:)
"سبحان الله وبحمده عدد خلقه ، سبحان الله وبحمده رضا نفسه ، سبحان الله وبحمده زنة عرشه ، سبحان الله وبحمده مداد كلماته"
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
شرح رائع وقلم مبدع
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
جميل جدا , و عشان كده ناس كتير راكبة عربيات اوروبي بتروح جايبة من الآخر و لاغية السخن
و عشان كده العربية الاوروبي لما بتفتح الهوا بس (لا ساقع ولا سخن) بتجيب هوا دافي
بس هل من تعديل يظبط القصة دي ؟ غير الغاء السخن
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
متهيألي نقدر نعدل عن طريق تركيب محبس يدوي على الخرطوم بتاع الدفاية اللي خارج من الموتور وداخل على صدر العربية
محبس بسيط زي ده:
أو ده
المحابس دي موجود عند محلات لوازم السباكة وسعرها رخيص
بالطريقة دي نقدر نلغي السخن بشكل مؤقت .. بس بحيث نبقى قادرين نرجعه تاني من غير ما نروح لميكانيكي ولا نحتاج لحد تاني..
فلما الصيف يدخل.. اقفل المحبس واستمتع بالتكييف القوي
ولما الشتا ييجي.. افتح المحبس وشغل الدفاية تاني.
...
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
رقم العضوية : 48866
تاريخ التسجيل : 05Oct2009
المشاركات : 514
النوع : ذكر
الاقامة : القاهره
السيارة: was sunny s.s.2010
السيارة[2]: FLUENCE H.L.2014
دراجة بخارية: لاتوجد
الحالة :
جزاك الله خيرا
كالعادة دااائما .. السهل الممتنع
شكرا لك على العرض المبسط والمعلومات المفيدة
وتقبل تحياتى ،،،
#ff0000
رقم العضوية : 149997
تاريخ التسجيل : 13Oct2013
المشاركات : 1,235
النوع : ذكر
الاقامة : الهرم
السيارة: Toyota corolla 2013 A/T
السيارة[2]: Nissan sunny 2003 A/T
الحالة :
ممتاز
george yousef سابقا
رقم العضوية : 13298
تاريخ التسجيل : 20Jun2008
المشاركات : 1,113
النوع : ذكر
الاقامة : Cairo
السيارة: corolla 2009 MMT
السيارة[2]: Ford Escort
دراجة بخارية: no
الحالة :
قبل كل شئ شكرًا على مجهودك والتقرير
بس انا بصراحة مش مقتنع ان فى شركة هتخلط الساقع على السخن لان دة هيدمر درجة الحرارة الساعقة جوة العربية
انت عندك فى العربية زرار بيدخل شوية هواء فريش من خارج السيارة عشان الأكسجين جوة العربية بس طبعا كلنا قافلين الزرار دة عشان نحافظ على شوية السقعة اللى فى التكيف
انا طبعا مش عارف لية الياباني أقوى من الاوربى فى التكييف بس انا حاسس انها فرق مواتيير وفرق أوزان العربيات
يعنى الماتور الاوربى ١٦٠٠ سى سى يادوبك على آد العربية الاوربى اللى هى أصلا تقيلة فى الوزن مقارنة بالياباني
بدليل ان المرسيدس وال ب م فى الخليج ال ٣٠٠٠ سى سي تكيفها تلاجة بمعنى الكلمة
قال سبحانه:
﴿ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ)
صدق الله العظيم
رقم العضوية : 149487
تاريخ التسجيل : 02Oct2013
المشاركات : 10,977
النوع : ذكر
الاقامة : DAMANHOUR , ALEX
السيارة: ♥-♥-♥-♥-♥-♥-♥-♥
السيارة[2]: O---P---T---R---A
دراجة بخارية: ♥♥♥-._.-♥♥♥
الحالة :
شرح وافى جدا
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
لو حضرتك شفت أي عربية ياباني وبصيت على خرطوم المية اللي داخل على صدر العربية.. هتلاقيه متوصل على مرحلتين وفيه جزء معدني أو بلاستيكي طالع منه وصلة ميكانيكية بتتحرك لما تغير درجة الحرارة من داخل العربية...
طبعا.. محدش بيلاحظ الكلام ده ﻹنه بيبقى قاعد جوه ومش شايف إيه اللي بيحصل
في العربيات الأوروبية.. غالبا بتلاقي الخرطوم ده متوصل بشكل مباشر بدون أي توصيلات أخرى في الوسط. ( يا ريت لو حد عنده عربية أوروبية فيها محبس يقول لنا عشان نصحح المعلومة )
اللي بيحصل جوه إن وحدة الخلط بتبقى فيها بوابة داخلية بتوزع الهوا السخن والهوا البارد حسب درجة الحرارة المطلوبة
شوف الصورة دي وركز فيها كويس
مفيش حاجة جوه وحدة الخلط بتتحكم في كمية المية السخنة.. مجرد تحكم في توجيه الهوا البارد أو الهوا الساخن..
ده حتى بالطريقة المشروحة في الرسم ده.. ما تقدرش تاخد هوا بارد من مخارج الهوا السفلية
الأستاذ تامر.محمد قال حاجة مهمة: "عشان كده العربية الاوروبي لما بتفتح الهوا بس (لا ساقع ولا سخن) بتجيب هوا دافي"
تقدر حضرتك تفسر لنا الكلام ده بيحصل ليه؟؟... وليه لما وصلة السخن بتتلغي التكييف بيبقى أحسن؟؟
بالنسبة للمرسيدس والBMW فدول تقدر تعتبرهم حالة خاصة.. ومع ذلك حضرتك ربطت أداء المكيف بسعة الموتور اللي فوق 3000 سي سي
الياباني والكوري حاليا تكييفهم ممتاز حتى لو الموتور 1600 أو أقل أحيانا.
...
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
المفضلات