السر في تفوق تكييف السيارات اليابانية

**buksh** · 10-03-2014 04:14 PM

طب على كده بقى انا العربية اللى هجيبها شانا 1300 فان التكييف 2 قطعة
هيبقى نظامها ايه
على الكلام ده لو شغلت التكييف على 2 العربية مش هتتحرك ولا ايه ؟؟
نرجو الافادة

**borio1704** · 10-03-2014 04:28 PM

المشاركة الأصلية كتبت بواسطة buksh

طب على كده بقى انا العربية اللى هجيبها شانا 1300 فان التكييف 2 قطعة
هيبقى نظامها ايه
على الكلام ده لو شغلت التكييف على 2 العربية مش هتتحرك ولا ايه ؟؟
نرجو الافادة

نصيحة مني... جرب قبل ما تشتري لو تقدر

التكييف في عربية فان أكيد هياخد من قدرة العربية جامد.. ده لو كان التكييف محسوب صح على أساس حجم الهوا اللي هيتبرد (حجم الصالون الداخلي)

إنما لو كان محطوط تكييف أضعف من المطلوب.. فكل اللي هتاخده من التكييف هو هوا ساقع لطيف

على فكرة... موضوع اختلاف سحب العربية مع تغيير سرعة التكييف يعتمد على حسب نوع الكمبريسور اللي متركب

بمعنى إن فيه كمبريسورات بتشتغل بقوة واحدة.. سواء كنت مشغل 1 أو 4... وفيه كمبريسورات تانية بتختلف.. والتانية دي متقدمة وغالية شوية... ما أتوقعش إنها تكون راكبة في عربية فان صيني... مع احترامي لكل العربيات الصيني اللي شايف فيها مستقبل السيارات في العالم.

...

**hilal** · 10-03-2014 06:23 PM

المشكلة في الاوبل فيكترا ان مواسير التبريد بجوار فرن الشكمان تماما
وهو السبب الرئيسي في ضعف التكييف البارد ، ولذلك قمت بعزل مواسير التبريد ولكن التحسن غير ملحوظ
وتجربتك تستحق الدراسة
تحياتي للشرح العبقري والتحليل المبدع

**walaaeldeen** · 10-03-2014 06:38 PM

السلام عليكم
الله يفتحها عليك ويعطيك العافيه
والله المستعان

**Ahmed_Gallant** · 10-03-2014 08:27 PM

السلام عليكم
شرح وافى واكثر من رائع اهنيك عليه
انا معايا عربيتين واحده اوروبى وواحده يابانى وفعلا نظام التكييف مختلف ودوره الميه فى العربيه الفلولكس دايره على طول وفى ايام الحر بعانى لانها مفيهاش تكييف اصلا دفايه بس وبلاحظ ان اول ما افتح الدفايه لو العربيه سخنه الاقى الهوا طلع سخن على طول بمعنى ان السربنتينه اصلا سخنه مش مستنيه الميه تدخلها
بعكس الهوندا عليها محبس واصل على الدوره وواصل جوا العربيه على مفتاح السخن والبارد والحركه بتاعته ميكانيكيه واير بيفتح بوبابه وبيقفلها مع ان باقى زراير التكييف كهربا مش واير دى العربيه الهوندا اكورد 90
انا كل اللى مخوفنى انى القفل الدوره ان الميه من الوقفه تكون صدا(ميه الحنفيه) وتبوظ السربنتبنه لانها مش معمول حساب انها تتقفل فترات طويله بعكس اليابانى اللى عملين حسابهم تتقفل طول الصيف ولو هجيب ميه هيبو مفيش مشكله من وقفتها جوه السربنتبنه ولا ايه ؟؟؟

**borio1704** · 10-03-2014 08:52 PM

المشاركة الأصلية كتبت بواسطة Ahmed_Gallant

السلام عليكم
شرح وافى واكثر من رائع اهنيك عليه
انا معايا عربيتين واحده اوروبى وواحده يابانى وفعلا نظام التكييف مختلف ودوره الميه فى العربيه الفلولكس دايره على طول وفى ايام الحر بعانى لانها مفيهاش تكييف اصلا دفايه بس وبلاحظ ان اول ما افتح الدفايه لو العربيه سخنه الاقى الهوا طلع سخن على طول بمعنى ان السربنتينه اصلا سخنه مش مستنيه الميه تدخلها
بعكس الهوندا عليها محبس واصل على الدوره وواصل جوا العربيه على مفتاح السخن والبارد والحركه بتاعته ميكانيكيه واير بيفتح بوبابه وبيقفلها مع ان باقى زراير التكييف كهربا مش واير دى العربيه الهوندا اكورد 90
انا كل اللى مخوفنى انى القفل الدوره ان الميه من الوقفه تكون صدا(ميه الحنفيه) وتبوظ السربنتبنه لانها مش معمول حساب انها تتقفل فترات طويله بعكس اليابانى اللى عملين حسابهم تتقفل طول الصيف ولو هجيب ميه هيبو مفيش مشكله من وقفتها جوه السربنتبنه ولا ايه ؟؟؟

مية الرادياتير لازم تبقى مية ملونة لإنها بتمنع الصدا .. ده غير الغرض الأساسي منها اللي هو منع التجمد (طبعا في أوروبا وأمريكا)

ونصيحة مني... غير مية التبريد في الاتنين (الهوندا والفولكس) علشان حاجة تانية خالص... علشان ثرموستات الكوعة

لو عايز تعرف معلومات عن السبب... ادخل على الموضوع ده:
http://www.nilemotors.net/Nile/328708-a.html

...

**abou-yahia** · 10-03-2014 08:58 PM

المشاركة الأصلية كتبت بواسطة borio1704

مية الرادياتير لازم تبقى مية ملونة لإنها بتمنع الصدا .. ده غير الغرض الأساسي منها اللي هو منع التجمد (طبعا في أوروبا وأمريكا)

ونصيحة مني... غير مية التبريد في الاتنين (الهوندا والفولكس) علشان حاجة تانية خالص... علشان ثرموستات الكوعة

لو عايز تعرف معلومات عن السبب... ادخل على الموصضوع ده:
http://www.nilemotors.net/nile/328708-a.html

...

اضيف المياه الحمراء درجه غليانها 120 درجه عكس المياه العاديه

-

الموضوع: السر في تفوق تكييف السيارات اليابانية

LinkBack

أدوات الموضوع

عرض

-

-

-

-

-

-

-

المواضيع المتشابهه

شارك برأيك ، هل تفوقت السيارات الكورية علي السيارات اليابانية؟

تكييف اللانوس تفوق بجدارة على تكييف ال rb

خرافة السر..قراءة تحليلية لكتاب السر وقانون الجذب

السيارات الألمانية فى الصدارة و السيارات اليابانية فى تراجع من حيث الإعتمادية

دروس في تعلم صيانة واصلاح تكييف السيارات اليابانية ؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة