الموضوع: قبل الصيف - مولد كهرباء منزلى

المشاركة الأصلية كتبت بواسطة drmsadek1979

ياريت مكان الشراء والتليفون

بس ياباشا انا معيش والله كارت للمحل مفكرتش اطلب منه كارت لإن العنوان ميتوهش
هتركب القطر للمنصورة
تنزل فى محطة المنصورة وتخرج من الباب الرئيسى تتجة ناحية اليسار بحيث يكون السكة الحديد على شمالك والمحل اللى انا جايب منه ثالث شارع يمين وانته ماشى
هتتدخل الشارع هتلاقى المحل على بعد 10 متر على شمالك
والمنطقة دى كلها محلات بتبيع مولدات كهرباء واسعارهم كويسه
وانضف ماركه فى الصينى عن تجربة هما الماركتين دول لوتيان ولان توب
وخلى بالك
لوتيان بتكتب كده lutain وبيكون مكتوب عى التانك
وال لان توب الاصلية بيكون محفور على التانك مش مطبوع والشكمان بيكون عليه غطاء استانلس
والمكنة دى بالتحديد عندى من سنة وشغاله ميه ميه
هوه صحيح ملفها سبيكة يعنى المونيوم لكن والله عندى منها انا ونسيبى وشغاله معانا تمام وكلام الملف نحاس والمونيوم اشتغاله من التجار علشان البياعة
حسب الموجود عنده او اللى عنده منها كميه وعايز يسوقها
المهم اللى انا فهمته ان الاختلاف ما بين السبيكه والللى ملفه نحاس حسب خامه الصينى نفسه
يعنى من الاخر اذا كنت عايز تجيب هات ماركة من الماركتين دول وتوكل على الله ومتحطش فى دماغك ملف نحاس ولا المونيوم
على العموم اللان توب اللى عندى بتعوض الفارق بالدينمو الكبير
انا كنت شاريها ايام الازمة من سنة ب 2500 جنيه
وطبعا سالت عنها وانا بجيب لخالى لقيتها ب 1850 جنيه بدون مارش
max rate 2.5
mini rate 2.3
علشان كده انا جبت لخالى لوتيان علشان التانية
max rate 2.8
mini rate 2.5
وخالى كان حاطط فى دماغه نقطة ملف نحاس برده
ولو انى مش شايف لها اى تلاتين لازمه عن تجربه
ولو عايز تجيب اللان توب بتاعى الاصلية موجودهتنزل فى محطة المنصورة وتخرج من الباب الرئيسى تتجة ناحية اليسار بحيث يكون السكة الحديد على شمالك والمحل اللى انا جايب منه ثانى شارع يمين وانته ماشى