ايه هو اجمد مطب اكلته وعلي سرعه كام

**Dream286** · 01-10-2008 03:11 PM

يعني الواحد يقول ايه غير حسبي الله ونعم الوكيل
المطبات في العالم كله بتتحط بشكل واحنا بشكل تاني
اكتشف المطبات في بلدك !
يعني لا اشارة ولا اي حاجة توضح ولا حتى المطب محطوط سليم
وفي اماكن بيكون فيها مطبات النهاردة وبكره لا والعكس
وانت وحظك
مفيش حد في مصر كلها الا واكل تلات اربع مطبات في حياته ميتنسوش
غير طبعا المطبات الكتييييييييير اللي الواحد بيكتشفها بالوحي كدة
وسبحان الله لما يجي مسئول
كأن الشوارع بقت من حرير !

**sss** · 01-10-2008 05:53 PM

انا الحمد لله اكتر واحد باكل مطبات على الطرق السريعة في بلدنا العزيزة
لكن الحمد لله انا سواقتي هادية و العملية بتعدي على خير
بس المرة اللي اترعبت فيها كانت على طريق المحلة -طنطا لان كان معايا اهلي كلهم و كنت لسه متعلم السواقة من شهور
اللي حصل ان احنا كنا رجعين بليل من المحلة و اللي عارف الطريق ده عارف كم المطبات المحترمة اللي عليه
بعد يجي "عشرين" مطب زهقت فبقيت اطلع من كل مطب عاوز اشد بالعربية عشان اوصل وكان من حظي مطب محترم محطوط بعد احد القرى اللي على الطريق" ملحوظة القرية فيها مطبين لوحدها" وخدته على 60او 70 والعربية اترزعت رزعة محترمة
المهم ان امي واخواتي فضلوا ساكتين من الخضة و بعدين لقيت امي بتسالني" انت مأخدتش بالك من المطب ولا ايه؟؟؟؟؟"

**Sharky** · 01-10-2008 09:50 PM

فيه مطب بره الرحاب عند الرحاب قبل البوابة و بعد مقابلة ملاك رينو و الحمدلله خدته على 60 كم
الخساير : كان فيه كاوتش ملحوم بعد المطب دا ركنت العربية و لقيت بعد كده الكاوتش على الأرض لإن اللحام فك

**شاهين - بنز** · 01-10-2008 10:06 PM

أنا كنت على 120 كم طريق كده في مدينة نصر عند الأزهر بشاهين
طبعا أنا إترزعت ساعتها رزعة محترمة في السقف والنضارة طارت وبعد الهبوط من الهواء مسكت الدركسيون جامد عشان متفلتش يمين ولا شمال
ومكانش في أيت أضرار

**ahmedsrs** · 02-10-2008 03:16 AM

مطب بلدى يعنى معمول من الطوب والردم الأهالى عملوه بالجهود الذاتية على طريق الزقازيق ميت غمر بعربية 127 الخسائر شرخ بالقنطرة الخلفية

**pointer** · 02-10-2008 03:30 AM

المشاركة الأصلية كتبت بواسطة Nile_Storm

هو المطب الغبي اللي في مدينه نصر في الطريق للربوه و لبسناه بالترتيب
كريبتون اكس بالباليو وهو داس بنزين و العربيه طارت
سومو بالفكترا
انا بالفيرنا و احنا الاتنين فرملنا و لبسناه سوا علي 90 كده

الحمد لله مفيش تلفيات لحد
عربيه كريبتون عاليه ماشاء لله محكتش
عربيه سومو وقفت كويس بالايه بي اس
انا خدته بزاويه فمحكتش الحمد لله

انهي مطب فيهم يا كبير ههههههه ده الشارع كله مطبات

**bee** · 02-10-2008 03:56 AM

واضح كده ان طريق المنصورة دمياط ده ممتاززززززززززززز
سبعين مطب ايه بس الي اتشالوا لو الكلام ده صحيح يبقى 70 من اصل 140

انا اكلت مطب اول رمضان ع الطريق ده كنت ماشي 120 ولما كبست فرامل وصلت 100 وكلته وانا شايل رجلي من على الفرامل ..
والحمد لله ال 205 عفشتها كويسة الحمد والشكر لله مفيش خساير ..
بس قبلها ع الطريق وانا خارج من بورسعيد الفبرة بتاعت الداير اليمين قدام اتكسرت وطارت الحمد له على كل شئ

عموما يعني احسن حل فعلا في طريق المنصورة ده الواحد يمشي ورا عربية اجره 7 راكب حافظين المطبات صممممممم

**MMamdouh** · 02-10-2008 04:55 AM

كان اخر مطب فى سلسلة المطبات اللى فى طريق الحى العاشر فى اتجاة انبى (الكلام دة زمان لان معظم ان لم يكن كل المطبات دى اتشالت)

السرعة كانت 60 كيلو و دخلت فى المطب بكل سرعتى لانى لم اتوقع ان الشارع فيه 18 مطب ورا بعض و خصوصا ان الحتة دى كانت مش منورة

العربية طارت فى الهواء (4 عجلات) و اترزعت

الخسائر: لا شىء و الحمد لله

MMamdouh