الموضوع: هو الجواز حرا؟؟؟!!!!

المشاركة الأصلية كتبت بواسطة ahmedsamir235

الحقيقة موضوع الاختيار صعب للطرفين
بالنسبة للبنت الى عندها معايير او شروط او مواصفات عايزاها فى شريك حياتها ممكن تدور على المواصفات دى بكذا طريقة اولهم المعارف و الاصدقاء . او ..... عن طريق النت ( بعض المنتديات بتقدم الخدمة دى ) او .... لو هيا من النوع الى ليه نشاط دينى او بتحفظ قرأن مثلا او بتحضر دروس دينيه فى المساحد اغلب المساجد او الدروس بيبقى فيها اخت او اختين بتقوم بتوفيق الباحثين و الباحثات عن الطرف الاخر
بالنسبة للى الاخت dorla بتتكلم عنه فالموضوع مش سهل ان حد يفاتح حد فى موضوع ارتباط حتى لو كان ولد بس لو كانت بنت كمان يبقى صعب جدا
الاول لازم تسألى طرف تالت عن الشخص الى انتى ناويه تفاتحيه فى موضوع الارتباط و تعرفى اذا كان مرتبط او مضرب عن الزواج او عنده مشاكل اسريه بيرعى اخواته مثلا ...الخ
ثم تخلى طرف ثالت برضه او وسيط يحاول يقرب بينكم كأنها صدفه يعنى ...........
موضوع الارتباط و اختيار شريك الحياه صعب جدا وو محتاج تأنى و موضوع التقدم فى السن اكبر عامل بيسبب ضعط سواء على الولد او البنت فى موضوع الارتباط و بيخليهم بعض منهم يقدم تنازلات فى المواصفات الى كانت بيتمناها و فى اغلب الاحيان بينتهى الموضوع بالفشل لو تم الارتباط على غير اقتناع تام ....

الموضوع معقد جدا و هياخد وقت كبيير علشان تعرف ابعاده كلها بس انا معاك في نقطة ان الارتباط لو ابتدي بالتنازل او عدم الاقتناع بينتهي بالفشل علشان اللي هنتنازل عنه هينغص افكارنا و مش هنبطل تفكير فيه مع شئ من تذكير الطرف التاني بالتنازل اللي قدمناه في كل خلاف.
المشكله دي مش مشكلتي لوحدي دي مشكله جيل بحاله شباب خايف من تحمل المسئوليه و بنات بتدور علي ماديات مبالغ فيها
يارب اصلح حال الشباب و البنات ياااارب

المشاركة الأصلية كتبت بواسطة j a g u a r

الباليه ده عند صافيناز لمؤاخذه ..
وهيا البنت هاتستنى العدل ليه .. البنت بتبقى قاعده فى بيتها معززه مكرمه والعريس بيجيلها لغايه عندها ويتقدملها وهيا ليها حريه كامله فى الاختيار يبقى كده مش عدل ولو البنت معجبه بواحد زى ما الاعضاء قالو بيبقى تلميحات بينهم وبين بعض وبتتفهم ولو البنت ناجحه فى حياتها لازم يجيلها واحد ناجح وفى مستواها التعليمى والثقافى والاجتماعى والاخلاقى والدينى يبقى كده مش عدل بين الطرفين ولا انا غلطان فى حاجه .

الموضوع مش مقتصر علي ان في حد في وهي معجبه بيه انا بتكلم بشكل عام.
المصيبه بقي ان في بنات ناجحين جدا في حياتهم و شغلهم بس اللي بيجي بيكون في الغالب عايزها تتخلي عن كل دا و من غير سبب مقنع.
تعالي حضرتك عندنا الشغل و انت تشوف بعينك كميه البنات الناجحه في الشغل و لما تعرف اعمارهم و حكايتهم تتصدم و تعرف ان فعلا في حاجه غلط

المشاركة الأصلية كتبت بواسطة hmatchy

طيب فى الاول بس بلاش نقول مجتمع ذكورى وعادات وتقاليد والكلام ده علشان لو هنمشيها كده يبقى كده بقى هنتكلم فى الشقق و توضيبهاو الشبكه والفرح والفستان والكوافير و مصروف البيت و الفرش والحجات الكتير اللى نفس التقاليد بقت تفرضها على العريس ومن غير اى رحمه بظروفه او ظروف البلد
خلينى اسئلك يا دكتورة لورا يا ترا لو اديناكى الحق انك تروحى تخطبى مثلا شاب حسيتى فيه انو كويس ويصلح يكون شريك حياه
يا ترا هتقدرى تتحملى كام مره تترفضى مره بسبب ظروفك او بسبب ان وظيفتك مش ثابته او ان شكلك مش عاجب العريس او شخصيتك؟؟
انا اعتقد ان طبيعه البنت وعزه نفسها هيا اللى بتمنعها من المخاطره بكسره نفسها وكرامتها لو اخدت الخطوه دى و اتقابلت بالرفض
علشان كده الاهتمام والتلميح هما افضل وسيله بالنسبه للبنت وفى الاول والاخر ده نصيب ربنا

طول عمري اعرف ان القفه ام ودنين يشيلوها اتنين و زي ما في ناس عايزين شبكه و فرح و فستان و كوافير في ناس عندها استعداد تعمل بالنص كل حاجه.
وانت كام مرة اترفضت علشان سنك كبر و فرصك في الانجاب قلت و كام مرة اترفضت علشان مش ابيض و عنيك خضرا و شعرك اصفر
و اسفه جدا اعذرني في التعبير كام مرة اترفضت علشان مش مربرب و مالي مركزك و يمكن نفس الشخصيه تترفض علشان تخينه.
و كام مرة اترفضت علشان ناجح في شغلك و بتحبه و ممكن يككون شغل في حكومه يعني 6 ساعات بما يعادل 3 مكالمات تليفون اصل البيت عايزك و العيال محتاجينك.
و كام مرة اترفضت علشان عندك عربيه و خايفين تكون مدلع و مش هتعرف تشيل مسئولية بيت.

المشاركة الأصلية كتبت بواسطة j a g u a r

الحاجه الغلط دى انهم اكيد مش حلوين

و هما علشان مثلا من وجهه نظرك مش حلوين منفعش يتجوزوا دا مثلا يعني.
و علي فكرة فيهم بنات جميله بمعني الكلمه
مش الجمال و القبح هما المقياس