تجربه شد مع جيلي ايميجلراند

**amr83** · 08-03-2014 11:18 PM

امبارح و انا راجع علي الطريق و معايا 3 من اصحابي و ماشي هادي 90 / 100 و مش في دماغي شد ولا جري لاني ما بحبش السرعه و لقيت واحد جاي من ورايا بجيلي اميجراندو جاي حارق و قاعد يرعش و يزنق نفسه و عدي من يميني و كل عليا غرزه و الاهم من دا كله انه لوحده في العربيه
المهم اصحابي سخنوني و ازاي يعدي منك و شكلك وحش و من ده قلت ما بدهاش
سقط نقله من و قرصت علي التالت و جبته من يمينه , الزبون مكدبش خبر و قام حاااارق و جاي يجري حمبي , الطريق كان فاضي جريت معاه و عديدته بكتييير و الله العظيم من غير مبالغه و هو كل شويه يجي حارق و جيت اهدي علي مطب لقيته جاي جمبي و كله و انا باخد لمطب بالورب عشان العربيه محمله وما تحكش و طبعا البرنس كان سبق جبته و انا مش مصدق نفسي و عديته لحد 160 , انا اصلا مش مصدق ان النوبيرا 2003 محمله اربعه تطلع من عربيه 2014 و بعد ما النوبيرا رفعت راسي قدام اصحابي و علمت علي الزبون :0002014a:هديت و ارتاحت و سيبته بقي يكمل شد مع نفسه و كملت الطريق و مزاجي عنب , كان نفسي قاقوله عيب عليك يا برنس لما تبقي لوحدك و جاي تشد معايا و عربيتي محمله اربعه و كمان اجيبك و انا كمان مكنتش بحرق جامد علي المكنه , عاااااش يا نوبيرا

**Sherif Mandoor** · 08-03-2014 11:40 PM

طبعا النوبيرا موتور اقوى ثبات احسن

**J A G U A R** · 09-03-2014 01:11 AM

النوبيرا ماتورها قوى مفيش كلام

**insurancebroke** · 09-03-2014 01:53 AM

هوه ده الكلام الصح

**Hacker5** · 09-03-2014 02:44 AM

محركات دايو من المحركات المحترمة جدا

**svneleven** · 09-03-2014 03:20 AM

النوبيرا المانيوال أصلا جراية مع أن شكلها عربية تقيلة.

**MOSTAFA . AHMED** · 09-03-2014 09:56 AM

طيب انت بتتكلم في نوبيرا 2003 ربنا يباركلك فيها
انا بقى بعربيتي نوبيرا 1 98 وكنت لوحدي واكتر حاجة بتاع الايمجراند قدر يعملها معايا انه يوصل الفرق ما بينه وبيني عربية واحده ورغم الفرق ده مقدرش يحصلني وخلاني في الاخر ركنت على جنب وسألني العربية كام سي سي ومصدقش انها 1500 غير لما طلعتله الرخصة
وفي الاخر يقولك الصيني عربيات محترمة واهي احسن من الدايو ,,,,,,,,,,,,,, كلام فارغ