الموضوع: هو الاستاذ احمد عاشور ( ashour ashour ) راح فين ...!!!!!!؟

من فتره كده ومنذ بدايه مشاركتى هنا فى المنتدى ووسطكم ووسط احسن ناس عرفتهم بجد استفدت كتير جدا جدا منكم كلكم ومن كل المرات اللى اختلفنا فيها مع بعض بسبب اختلاف الآراء واختلاف وجهات النظر واختلاف الطرق فى التعبير ( لان كل المواضيع مافيهاش مواجهه وجه لوجه فممكن تعبير الوش يختلف عن الكتابه والعكس صحيح ) اختلفت كتير مع أعضاء هنا وساعات بحس ان فيه ناس مش طايقه منى كلمه او مشاركه وفى ناس تحس انهم اخواتك ومستنيين اى حاجه منك عشان يعملولك شكر او اعجاب بالمشاركه حتى لو مش مفيده بالنسبالهم خالص ....! المهم من فتره كده ومن حوالي شهر او اكتر لقيت عضو قدير هنا وله مشاركات مفيده جدا جدا اسمه احمد عاشور ( ashour ashour ) لاقيته عمل موضوع عن مثبت السرعه وفى اخر الموضوع كتب انه مش هيشارك تانى لانه تقريبا حد زعله او فيه حاجه هنا فى المنتدى زهقته وهوه ماوضحش ..... انا بقى دلوقت عايز اسأل على حاجه اولا هو الاستاذ احمد عاشور راح فين ؟؟؟؟ ( على فكره اقسم بالله العظيم انا ماعرفه نهاءى وياريت اعرفه مش هسيبه ) ثانيا وده بالنسبالى الأهم هو لو مثلا انا زعلت كده مفيش حد هيعبرنى يعنى خلاص اكتب انى زعلان وامشى كده وخلاص بقى عادى ...؟؟؟ ياريت ياجماعه حد من اللى يعرف الاستاذ احمد عاشور يعرفنا هو فين وايه اللى مزعله وياريت يحاول يقنعه يرجع تانى ....... هذا وبالله التوفيق