الموضوع: تركيب ساوند سيستم للانسر شارك؟

المشاركة الأصلية كتبت بواسطة Omar Gamal

حضرتك تنصح بأي ماركة؟ إن شاء الله قررت جي إم و صب و سماعتين في الخلف. و يا ريت لو تقولي على مكان محترم أجيب منه الحاجة بس ميكونش صيني و هل تفضل أركب في التوكيل ولا مش هتفرق؟ و معلش سؤالي الأخير، هو التخريم في الصاج عشان تركب السماعات دي مضر؟ خايف بس لا العربية تمسك بارومة بعد كده بسببها.

انا بحترم سوني لاني مجربها من زمان وصوتها نقي جدا
بيز سماعات سوني اضعف نسبيا من البيونيير والكيينود بس طالما هتركب صب يبقى مش فارق معاك بيز السماعات والافضل انك تفصل عنها البيز من الجي ام وتخلي البيز كله من الصب
فى محل محترم جدا فى اسكندريه وكيل لسوني وبيونيير وحاجته كلها اصليه وبيشحن لأي مكان فى الجمهوريه هبعتلك الجروب بتاعه على الفيس بوك وانت كلمه وشوف برضو اراء الناس
https://www.facebook.com/automarket.alexandria
التخريم فى الصاج صعب يعمل برومه لان المكان ده مابيتعرضش لحاجة تخليه يصدي وكان معايا قبل الشارك BMW E46 كنت فاتح مكان ل4 سماعات وصب وقعدت سنين معايا من غير برومه
نصيحه لو هتشتري سوني هات الجي ام ده
https://www.facebook.com/automarket....type=1&theater
والسماعات دي
https://www.facebook.com/automarket....type=3&theater
والصب اسأله على اخر موديل من سوني 12ّ بوصه وغالبا هيكون موديل XS-GTX121LB
التركيب عند اى مكان محترم وسيبك من التوكيل هياخد فلوس كتير على الفاضي

بالتوفيق

مساء الخير على الافاضل
لو تكرمتوا عاوز اركب سماعتين كينوود kfc hqr7100-600 watt
على سي دى بيونير..
سؤالى هو ايه رايكوا فى الموديل ده والاقى فين الفيتنامى
وهل محتاج لهم جي ام؟ ولو احتجت...وجبته كينوود او سونى ،اجيه كام وات؟
ولو جبتهم اربع سماعات.يبقى الجى ام كام وات ساعتها؟؟

العفو ياباشا , احلى حاجه فى المنتدى المحترم ده ان كل الناس بتخدم بعض
- اللينك اللى بعتهولك اوتوماركيت فى اسكندرية وكيل لسوني وبيونيير وكل شغله اصلي وبيشحن للقاهره والدفع عند الاستلام يعني تقدر تعاين الاول وبعدين تدفع انما المشوار مش مستاهل انك تسافر لمجرد الشراء
- فى السوني السماعات والصب فيتنامي والجي ام تايلاند
- انت قلقان من فكره القص للسماعات مع ان الفئات العالية زي ال gt بتنزل بسماعات كبيره والفتحه صغيره وتقدر تعزل المكان قبل ماتركب السماعات والفكره كلها ان السماعات البيضاوي صوتها اقوى بكتير من الدائري
- فى القاهره ماتعملتش غير مع السجان وده كان من زمان من اكتر من 10 سنين ومن وقتها وانا بوصل بنفسي وكلاريون اسمع عنه واكيد ناس محترفه
- للاسف ماعرفش مقاس سماعات الابواب بس طالما هتغيرهم اختار الاول مكان كويس يفك الفرش ويجيبلك انسب سماعات وهو يقرر ازاى هيوصلهم على الجي ام اهم حاجه يظبط الصوت الخارج من الجي ام عشان السماعات والتويترات ماتتحرقش وسهل اوي انك تخلى البيز من الصب بس لأن كل جنب فى الجي ام فيه تحكم فى الصوت

فى الاخر ممكن تاخد رأي اكتر من مكان قبل ماتبدأ وتشوف فروق الاسعار ولما تركب لازم تقولي الاخبار
وان شاء الله انا هكون فى مصر اخر الشهر واول ماهوصل الحاجه هعمل تقرير بيها وبالتوفيق

المشاركة الأصلية كتبت بواسطة emad_3

مساء الخير على الافاضل
لو تكرمتوا عاوز اركب سماعتين كينوود kfc hqr7100-600 watt
على سي دى بيونير..
سؤالى هو ايه رايكوا فى الموديل ده والاقى فين الفيتنامى
وهل محتاج لهم جي ام؟ ولو احتجت...وجبته كينوود او سونى ،اجيه كام وات؟
ولو جبتهم اربع سماعات.يبقى الجى ام كام وات ساعتها؟؟

اللى اعرفه ان السماعات دي كويسه جدا والجي ام هيفرق معاك فى الصوت كتير حتى لو صغير من 200 ل 300 وات ولو 4 سماعات الجي ام من 500 ل 600 وات كويس جدا عليهم طالما مفيش صب

انتوا خايفيين من القص ليه يا جماعة الصاج اللي ورا مبيخوشلوش مياه او شمس استحالة يصدي لوحده كده