الموضوع: مساعده في شقه في اسكندريه

يا باشا برج العرب ايه طيب و لما يبقي عندي عيال اوديهم مدارس فين و اجيب خدمات فين برج العرب مستقبل اه لكن انك تعيش فيها دلةقت يبقي بتنكد علي نفسك

هههه ده كان زمان حضرتك تقدر تروح عبى هناك دلوقتي تتفرج على المدينه ..واحكم انته انا معاك من كام سنه مكنتش تنفع بس ليا صديق عايش فيها من 10 سنين وعياله فمدارس وفي دروس والدنيا ماشية والتشوفو طبعا بس لو عجبتك ابقى ادعيلي

طيب يا باشا في رايك ما دام الدنيا هناك حلوه كده ليه لسه الناس عندها اصرار تتكدس في وسط البلد و تدفع 600 و 700 الف في شقق في شوارع عرضها اقل من 4 متر و عمارات 18 دور او الكمومباوندز بتاعه سموحه اللي كلها في حتت مقطوعه و تطلع براها تلاقي نفسك في الخلا مننكرش ان الكموبماوند جوه حلو بس اطلع بره السور و اتفرج انت فين تلافي نفسك في الخلا ليه الناس مصره تروح هناك و تسيب برج العرب و الكينج مريوط

المشاركة الأصلية كتبت بواسطة mmohamed15

طيب يا باشا في رايك ما دام الدنيا هناك حلوه كده ليه لسه الناس عندها اصرار تتكدس في وسط البلد و تدفع 600 و 700 الف في شقق في شوارع عرضها اقل من 4 متر و عمارات 18 دور او الكمومباوندز بتاعه سموحه اللي كلها في حتت مقطوعه و تطلع براها تلاقي نفسك في الخلا مننكرش ان الكموبماوند جوه حلو بس اطلع بره السور و اتفرج انت فين تلافي نفسك في الخلا ليه الناس مصره تروح هناك و تسيب برج العرب و الكينج مريوط

خلاص اليناسبك انا برتاح للبرج اكتر ..

متشكر يا باشا و لما هنوي هبقي ابعتلك علي الخاص و نتفق

بالنسبه للأستاذ مصطفي مهران انا تقريبا بدأت اقتنع بأقتراحك ان محرم بك انسب مكان بس فين انضف حته فيها و ياريت تكون هاديه ياريت حضرتك توصفلي ا دور فين بالظبظ

انا لسه شارى شقه قريب فى اسكندريه وحاحاول انقلك تجربتى.
بتدور على مكان محترم وراقى وقريب من وسط البلد ويكون سهل تروح منه للعجمى.
أقتراح محرم بيه كويس طبعا وفيه اماكن كويسه .
بس انا افضلك سموحه وحتلاقى اماكن كويسه وراقيه وهاديه.
شوف كدا فى منطقه جامعه فاروس الأسعار هناك الى حد ما مقبوله.
وبردو من سموحه تقدر تطلع على الزراعى ومنه للدولى وبعدين للعجمى.
لو ليك خبره فى شراء الشقق يبقى اطمن على تراخيص العماره بنفسك فى المحافظه وكدا.
لو مش ليك زى حالاتى يبقى تجيب محامى معاك وهو يطملك على كل حاجه.
طبعا لازم تدور كتير وتحط كم شقه فى دماغك وتعمل دراسه جدوى عن احسنهم .
وبعدين تصلى استخاره و ربنا يوفقك للى فيه الخير.