الموضوع: نيسان سنترا

المشاركة الأصلية كتبت بواسطة mohamed.hany

بص حضرتك ,
ممكن تكون حضرتك شفت العربية 20 مرة و ركبتها 20 مرة زي مبتقول, يعني تعرف كل كبيرة و صغيرة عنها و فصصتها 20 حتة و متعرفش ان العربية ارتفاعها اتعدل ؟ طب ازاي يعني ؟؟
بالنسبة للتقفيل لو بالشكل و النظر فدي حاجة نسبية انا ممكن اشوف بلاستيك او جلد يعجبني و ممكن ميعجبش حد تاني لانها حاجة بتختلف من شخص للتاني و الدليل ان ناس كتير عاجبهم جدا التابلوه بخاماته و لو بنتكلم صح عشان تعرف التقفيل حلو ولا لأ يبقي تستني علي العربية كام سنة و تشوف بقي التزييق و الحاجات بتفتح من بعضها و الكلام ده كله .
طب اقولك معلومة تانية انا كان معايا كورولا 2011 اللي هي تقفيل ياباني 100% و بعتها و جبت 2014 و عارف تقفيل الاتنين و مش هقولك شغتها 20 مرة لأ ده و لا 1000 مرة .
عموما العربية معايا من اول منزلت و سافرت بيها كذا مرة و كنا 5 في العربية و زي الفل ولا في اي مشكلة , و لعلم حضرتك كورولا 2014 ابعادها و مساحتها الداخلية اكبر و اوسع في الطول و العرض الداخلي عن الموديل اللي قبليه اللي كان معايا برضو سبحان الله و كنت بسافر 5 في العربية و الناس مستريحة , اعتقد دي اجابة علي سؤال حضرتك اللي هو "ابقي تعالي قول واسعة ولا لأ" طب مدام حضرتك شايف الكورولا ضيقة امال حضرتك هتقول ايه عن وسع الاسترا و الفوكاس !!! طبعا هتقول انهم اوسع بكتيير من الكورولا صح ؟ وياريت برضو تقولي رايك في الشنطة بتاعتهم .
و بالنسبة للمقارنة مع الفلوانس فهي اقل واحدة فيهم عشان مفيهاش عوامل امان اساسية زى ال esp و ال trc والفلوانس واخدة 4 نجوم فقط في عوامل الامان ال euroncap مقارنة ب 5 نجوم للكورولا .
بالنسبة للكورولا فهي تتفوق ان فيها 7 ايرباج مقابل 4 للاسترا و الفوكاس ده غير الاوتوبارك طبعا لو حضرتك تعرفه .
بالنسبة للستروين c5 هو حضرتك عايش في مصر ؟ و لو عايش في مصر شفتها كام مرة من ساعة منزلت في الشارع ؟ ولو شغتها ياترا صاحبها عامل ايه مع التوكيل ؟ و لو حب يبيعها ممكن يعمل ايه ؟
بالنسبة للارتفاع برضو معلومة حضرتك متعرفهاش من ال 20 مرة اللي شفت فيهم العربية و سالت عليها ان الكورولا في اسيا و اقصد بيها النسخ الخليجية و الروسية بتنزل بارتفاع اعلي 2 سم من اللي بتنزل فيه في مصر , يعني هما مخترعوش كل اللي عملوه انهم غيرو العفشة باللي بتنزل في الموديل ده اللي متجرب و معروف ابعاده و ثباته وده اجابة علي كلام حضرتك "متسق مع التصميم العام للسيارة لأن الإتزان و الكلام ده ما فيهوش هزار"
تقبل تحياتي و شكرا لسعة صدرك

أشكرك على المعلومات، انا شفتها ال 20 مرة اول ما نزلت و بعدين صرفت نظر، مش دى العربية اللى يتدفع فيها 185 او 210 بصراحة

طبعا هى اوسع من الفوكاس و الأسترا و ده برضه سبب انصرافى عنهم لأنى محتاج عربية واسعة و مش لاقى حاليا غير الفلوانس و ال ، c5
انا كان قصدى الفينيش و التصميم الداخلى مش الوسع

اوافقك جزئيا فى موضوع ال سى 5 و إنتشارها و لكن العربية ما شاء الله لا توجد بها مشاكل و شكلا و موضوعا افضل من الكورولا، اكيد انت تعرف انها فئة اعلى من الكورولا. و على فكرة السى 5 بدأت تنتشر على استحياء و ممكن اتجنن و اعملها و اجيبها :-)

المشاركة الأصلية كتبت بواسطة mohamed.hany

انا كلمت واحد من السيلز في المعرض دلوقتي و قالي الاتي :

العربية هتزل في خلال 3 شهور العربيىة تايلاندي و ليست ياباني
الموتور 1600 سي سي 118 حصان و 5400 نيوتن
هتنزل فئة واحدة فقط
السعر مش محدد و لكن هيتراوح مبين 160 الي 180 الف .
هتنزل 2 ايرباج فقط
abs - ebd -bas
حساسات ركن خلفية
مفتاح بصمة
مخرج تكييف خلفي
جنوط مقاس 16
فوانيس شبورة
فوانيس ليد

اللي احبطني زي مبقول لحضراتكم انها بتنزل برة فيها 6 ايرباج و esp و trc .
في مصر شايلين كماليات كتيرة عشان ينزلو السعر زي :
Esp
trc
2 ايرباج فقط
تكييف بكر مش تاتش
تكييف عادي مش ديوال زون
مفيش مرايات ضم
مفيش مرايات تعتيم
مفيش hac نظام المساعدة في المرتفعات
مفيش follow me home
مفيش حساسات مطر
مفيش حساسات ضوء
مفيش مثبت سرعة
مفيش كاسيت تاتش
مفيش كراسي جلد
مفيش كاميرا خلفية

للاسف انا كنت حاطت امل علي العربية دي تنزل بنفس الكماليات ووسائل الامان اللي بتنزل بيها برة او في الخليج .
و بعد البحث لقيت نتايجها مخيبة في اختبارات الامان و السلامة iihs بنتيجة poor في ال small overlap test رغم ان معظم العربيات في فئتها واخدة marginal ! شوفو اللينك ده:
vehicle details

أنا كنت أيضا حاطط أمل ينزلوا الفئتين بتوعها العادية و الهاى لاين
المفروض يكون السعر 155 - 160 لا أكثر اذا ارادوا لها ان تبيع. ما زالت أفضل من الرابيد الأوتو اللى نازلة ب 155 من غير و لا أيرباج للسواق حتى!! بس الفلوانس اعتقد ستكون خيار افضل فى النطاق السعرى ده

المشاركة الأصلية كتبت بواسطة zangry

اصل ده طبيعي ومتوقع اذا كانت القشقاي اللى بـ190 الف بتنزل بـ2 ايرباج ومفيش esp !! معرفش ازاى عربية ارتفاعها عالي كده يجبوها من غيره وبره بتنزل اساسي esp و6 ايرباج

السنترا تقدر تقول عليها صني بس علي انضف :d

فعلا القشقاى فى انحلترا 6 ايرباج و esp، ما فيش فايدة فى استهبال الشركات فى مصر

المشاركة الأصلية كتبت بواسطة Mohamed.Hany

انا اول مرة اعرف معلومة ان القشقاي بدون esp
اللي اغرب ان في مصر النيسان جوك juke بتنزل فيها esp و القشقاي مفيهاش !

امال لو قولتلك ان الجوك بتنزل بـ4 ايرباج كمان :d مش 2 بس زي القشقاي

المشاركة الأصلية كتبت بواسطة khaled_afandy

فعلا القشقاى فى انحلترا 6 ايرباج و esp، ما فيش فايدة فى استهبال الشركات فى مصر

+1

بالنسبه للآخ العزيز اللى بيتكلم عن أختبار التصادم .. حضرتك ممكن تخش على اليوتيوب وتشوف أختبارات التصاده لسيارات أعلى بكثير من السنترا زى المكسيما والكامرى والاكورد والالنترا والسيراتو بالمره وشوف بنفسك الموضوع أكيد ليه مقاييس تانيه وأكيد حضرتك مش سايق دولاب مصفح يعمل تصادم لاقدر الله بالمنظر ده وتطلع العربيه بعدها صاغ سليم وأكيد حضرتك بتمشى على الطريق الصحراوى وغيره من الطرق الجميله بتاعت بلدنا وبتشوف العربيات اللى عامله حوادث من كل شكل ولون وكل الماركات اللى بتحظى بثقه وتقدير الجميع وفى النهايه دى كلها أمور بتاعت ربنا سبحانه وتعالى بعنى ممكن حضرتك تكون سايق قطر وربنا اللى عاوزه هيكون وربنا يكتبلك السلامه فى كل خطوه .. أما بالنسبه لموضوع كماليات السياره فى الخليج فموضوع السته ايرباج ده مش صحيح والعربيه فى الخليج بقالها سنتين وعامله نجاح جامد جدا لأنها بتعتبر من السيارات الاقتصاديه والعمليه وفئه وسط بين الصنى زالالتيما وممكن حضرتك تشوف اللينك ده وتقولنا رأيك وأسف على الاطاله
Nissan Sentra - نيسان سنترا - YouTube

المشاركة الأصلية كتبت بواسطة mohamed.hany

انا قتلت الموضوع بحثا في الاربع عربيات دول و بقول لحضرتك الفلوانس و الكوروﻻ حجمهم زي بعض بالمللي و ده بمقارنتهم في نفس المعرض و كمان العربيتين جنب بعض يعني خد كلامي ثقة و كمان متصدقش ان الفلوانس شنطتها 530 لتر خالص لان ده كلام غير صحيح. انا اقدر اقولك اني عملت دكتوراه في الكوروﻻ و الفلوانس و يمكن اعرف تفاصيلهم اكتر من السيلز بتوع العربيتين.
لو الكوروﻻ ميدفعش فيها 185 الف امال ايه اللي يدفع فيه بمنتهي الحيادية و نتناقش ؟ مع التحفظ ان كل العربيات سعرها غالي, انا كلامي علي الوضع الراهن ؟
هل حضرتك شايف ان مواصفات الفلوانس و عوامل الامان اعلي من الكوروﻻ ، ياراجل دي مفيهاش esp حتي في الهاي لاين و بينزل في الكوروﻻ من المانيوال :

كورولا x فلوانس :

فى الكورولا الهاى لاين هتكسب الاتى عن الفلوانس هاى لاين

1. عدد 7 ايرباج مقابل 6 في الفلوانس
2.نظام الثبات الالكتروني esp
3. Trc للثبات
4.كاسيت تاتش فى الكورولا وبه نافيجيشن في الكاسيت الجديد
5.خط ضوء ازرق تحت التابلوه كحلية
6.كاميرا خلفية
7.حساسات ركن امامية و جانبية
8.اوتوبارك ,خاصية الركن التلقائي
9.قوة الموتور علي الاقل في الطلعة تحت 60 كم اقولى, بموتور 122 حصان مقابل 115
10.خاصية الاوامر الصوتية و التعرف علي الصوت voice recognition
11.سبورت موود بالفتيس
12.تابلوه لونين اسود في بيج
13.نظام ايكو لتوفير البنزين مع امكانية التحكم به
14.سخانات مرايات بزرار منفصل
15.كاوتش بريدجستون v سرعة 240 كم/س مقابل 210 كم/س للفلوانس قوة احتمال اعلي
16.استبن نفس المقاس و جنط سبور مش حديد بعكس الفلوانس
17.حساسات لضغط الاطارات مع امكانية تعديل رقم التحذير
18. وزن العربية 1300 كج مقابل 1258 للفلوانس
19. الوسع الداخلي اوسع سنة بسيطة عن الفلوانس خصوصا في الخلف لاتساع شنطتها.

20. الكورولا 5 نجوم في اختبارات الامان و التصادم euroncap مقابل 4 نجوم للفلوانس

فى الفلوانس هاى لاين هتكسب الاتى عن الكورولا هاى لاين

1.وحدات رفع للاربعة زجاج مع الكارت الذكى او بصمة اكرة الابواب فى الفلوانس و بتقفل الاربع زجاج مع بعض و كمان بتضم المرايات و بتقفل فتحة السقف و الكاسيت و الاضواء.
2.مفيش غير زجاج السائق فى الكورولا هاى لاين اللى بيشتغل طلوع و نزول لمسة واحدة و ده موجود فى الاربعة زجاج فى الفلوانس مع خاصية أمان الأطفال anti pinch و هى نزول الزجاج لأسفل فى حالة اصطدامه بعائق موجوده فى الاربعة زجاج و فتحة السقف.
3.ضم و فتح المرايات مع الغلق و الفتح و الكارت الذكى او تشغيل السيارة .
4.زينون في الفلوانس فقط ويجتمعو الاتنين(كورولا و فلوانس) بضبط مستمر اتوماتيكى للارتفاع باربع حساسات و بخاخات تنظيف.
5.فتحة سقف فتح و امالة و غلق مع البصمة و الكارت
6.٣ ستائر مدمجة داخل الابواب و الزجاج الخلفى
7.مخرج تكييف خلفى
8.مخرج ١٢ فولت خلفى للركاب الخلفيين
9. شنطة490 لتر فى الفلوانس مقابل 470 لتر
10.حلية شكمان من النيكل كروم
11.تانك بنزين سعة ٦٠ لتر فى الفلوانس مقابل ٥٥ لتر فى الكورولا
12. 8way audio

ما شاء الله على المعلومات، فعلا هو خيار صعب جدا، كده حتخلينى افكر تانى :-)
فعلا عندك حق، فى النطاف السعرى ده الكورولا كويسة مقارنة بالسوق، بس مش عارف ليه بأحس السوبارو الأمبريزا افضل فى الخامات ، بس العربية طبعا ليست اعتمادبة كمعجزة التويوتا حبيبة الملايين الكورولا، و الفلوانس افخم شكلا فى رأيى و دى مسألة اذواق.