الموضوع: نيسان سنترا

المشاركة الأصلية كتبت بواسطة khaled_afandy

هى واسعة بالعافية و الا ايه، جرب تقعد 3 اشخاص كده فى الكنبة الخلفية و ابقى تعالى قول واسعة والا لأ، ايوه فيه مساحة للأقدام بس الكنبة نفسها ضيقة. تقفيلها تعبان جدا بصراحة بالمقارنة بسيارات أخرى فى نفس الفئة السعرية زى الأسترا و الفوكاس و الفلوانس. أذا اتكلمنا على الهاى لاين ام 210 يبقى قارن بالستروين c5 حتلاقى الكورولا تعبانة قوى بالنسبة لها، و شكرا على المعلومة بخصوص الإرتفاع بس أرجو ان يكون متسق مع التصميم العام للسيارة لأن الإتزان و الكلام ده ما فيهوش هزار.

[QUOTE=Meggieboy;3875475801]

المشاركة الأصلية كتبت بواسطة Mohamed.Hany

بالمثل يا هندسة الفيرنا و اللانوس يقطعوا الفلوانس و الكورولا تقطيعاً فى المبيعات و سعر اعادة بيعهم بتكسب فيه و بتبعهم بتليفون صغير و مفهمش اعطال.....اظن حضرتك فاهم كلامى...هذا مقياس السوق مش مقياس الركوب
فيه ناس بتجيب تليفون سمارت ب 7000 جنيه تفتكر بيفكروا فى مشاكله و تهنيجه المتكرر واعتماديته عامله ازاى و مبيعاته اد ايه و بطاريته اللى بتخلص بعد نص يوم و يا ترى لما هيبيعوه مستعمل هيجيب كام؟ اكيد لأ...هذا النوع من الناس بينظر للجانب الاخر من الصورة و هو روعة التطبيقات و الوجاهة الاجتماعية و شياكة التليفون، روعة الشاشة و الصوت و هكذا
و الا فتليفون نوكياقديم هيؤدى غرض المكالمات و هيحيب تمنه و زيادة وقت البيع و الكل هيتهافت عليه علشان فنلندى
و لولا اختلاف الأذواق لبارت السلع
تحياتى

اتفق معاك، و عايز ازود حاجة انى لما كنت بقارن بين الكورولا(اللى هيا بالنسبالى ماركة محترمة) و الفلوانس لقيت ان ١٩٠ الف يجيبو فلوانس فيها ٦ ايرباجز و يجيبو كورولا ٢ ايرباج، و اكيد الايرباجز اهم عامل امان، للعلم انا كان معايا بى ام ٢٠٠٥ فيها esp و اهميته لا تقارن باليرباجز، كورولا فى الفئة الاخيرة فيها ٧ ايرباجز بس كتير اوى اوى البلغ، فرق زيادة عن الفلوانس ب ٣٠ الف، و اظن ان الفروض ان الفءة الاخيرة اللى فى الكورولا ( اللى ب ٢١٥) تتقارن بالفئة الأخيرة للفلوانس ( اللى ب ٢٠٠ الف)
لو موضوع ال esp مهم اوى يعنى لحد، ممكن تشوف الفورد فييستا، وكيل جدي و فيها كوا عوامل الأمان الأساسية و ٢ ايرباجز زى الكورولا

اقصدفرق ٢٠ الف مش ٣٠ الف

المشاركة الأصلية كتبت بواسطة horas3000

يعني الناس سابت الموضوع الاصلي و بقي الكلام بين الكورولا و الفلوينس
ماشي مهو مفيش فايده

المهم السنترا انا شايفها و من و انا في الكويت
و هي هناك اصلا بنفس المواصفات دي تقريبا بخلاف الفئه ال 1800 سي سي
و لو نزلت هنا فوق ال 150 الف هتواجه صعوبه كبيره بصراحه
و هي المفروض متزدتش عن كده لان التيدا ب 165 و المفروض الهاتشباك دايما اغلي
فال 150 حلوين قوي عليها و هتبيع كويس بسمعه نيسان
فوق كده في خيارات تانيه كتييير تكسب

بالضبط كده، قلت الخلاصة و الله، هى لو نزلت بسعر اعلى من 160 حتحصل التيدا اختها فى فشل المبيعات. المفروض يتعلموا من فشل بلوبيرد اللى كانت عربية كويسة بس الناس فالت دى تقفيل صينى و ايه اللى يخلينى اشترى عربية صينى بالسعر ده لما ازود شوية و اجيب كورولا يابانى بعد ما نزلت 2011 يابانى تانى

[QUOTE=Ahmad Bayomi;3875476457]

المشاركة الأصلية كتبت بواسطة Meggieboy

اتفق معاك، و عايز ازود حاجة انى لما كنت بقارن بين الكورولا(اللى هيا بالنسبالى ماركة محترمة) و الفلوانس لقيت ان ١٩٠ الف يجيبو فلوانس فيها ٦ ايرباجز و يجيبو كورولا ٢ ايرباج، و اكيد الايرباجز اهم عامل امان، للعلم انا كان معايا بى ام ٢٠٠٥ فيها esp و اهميته لا تقارن باليرباجز، كورولا فى الفئة الاخيرة فيها ٧ ايرباجز بس كتير اوى اوى البلغ، فرق زيادة عن الفلوانس ب ٣٠ الف، و اظن ان الفروض ان الفءة الاخيرة اللى فى الكورولا ( اللى ب ٢١٥) تتقارن بالفئة الأخيرة للفلوانس ( اللى ب ٢٠٠ الف)
لو موضوع ال esp مهم اوى يعنى لحد، ممكن تشوف الفورد فييستا، وكيل جدي و فيها كوا عوامل الأمان الأساسية و ٢ ايرباجز زى الكورولا

الخيار صعب جدا بين العربيتين دول، بس الأحساس بتاع القعدة يتاعت الفلوانس بصراحة يكسب، بيديك وهم إنها سيارة فخمة و فئة اعلى من فئتها، ال ميكانيكا و إعادة البيع الكورولا طبعا، ما فيش حاجة كاملة. و بصراحة لو حأدفع 215 فى الكورولا معلهش حأحوش 30 الف كمان و اجيب الأويل الإينسجينيا وجش خرافى هائل، عليها ابواب و بودى، حاجة رهيبة بصراحة