الموضوع: رابطة مالكي الكريستالة..لانسر 1996 - 2000

المشاركة الأصلية كتبت بواسطة mohammedabdallh

لو عرفت انا بمشى فى ايه هتقولى حرام غسيل العربيه
انا بمشى فى تراب يعنى الحاجات دى مش فارقه معانا
يوم ما عملت بوليش علشان كنت رايح ارخص المره التانيه بعد ما رشيت الجنب عملها كلها بالصاروخ
ههههههههههه
يعنى الكلام الى بتتكللموا فيه ده ميكولشى مع العربيه عندى
هههههههههههههههههههههه
:copy of new:

ال يعنى انا اللى ساكن فى مكان لا يخلوا منّوا التراب :d

عربيتى لونها زيتى وتبقى غاسل العربيه ومفيش ربع ساعه بالعدد تمشى ايدك علي الازاز او اى مكان فى العربيه من برا تلاقى كف ايدك بقى كلّه تراب ^^

عادى يعنى :)

المشاركة الأصلية كتبت بواسطة د.أبونضال

عندي مشكلة رخمة مضايقاني قوي ... ربنا أكرمني بلانسر 1998 من حوالي ثلاثة أسابيع ولما اشتريتها كان المالك السابق بيحط فيها 80 والسلانسيه كان عالي وكان صوت الكهربا بيبان مع دوسة البنزين .. فبدأت احط 92 فراح صوت الكهربا مع دوسة البنزين ... وبعدين لاحظت ان العربية بتاكل بنزين فرحت للميكانيكي حل الكاربراتير وخلاني أجيب أنبوبة اسبراي إبرو بتاعة تنظيف الكربراتير ولما جه يجمع الكربراتير تاني لقى قطعة كده سألته على اسمها بعد كده قالي اسمها الكباس الكاوتش بتاعها متمدد وبايش على حد قوله يعني واسع عن مقاسه ولما يحاول يدخله مكانه تاني يحشر ... فقعد يدور في درج الخرده بتاعه مالقاش زيه فقام داخل المكتب بتاعه وطلع بكاربراتير أخو الكربراتير بتاعها وفك منه الكباس بتاعه وركبه عندي وكانت الكاوتشه بتاعته ناشفه وماسكة على مكانها .. وأخذ البايظ ركبه في الكاربراتير بتاعه ... ووطى السلانسيه ونظف البوجيهات ... استهلاك البنزين اتحسن جدا بقى حوالي 200 في الصفيحة على الطريق --- نيجي بقه للمشكلة ... فيه رعشه رخمة على الأيدل وفي الريفرس وعلى فكرة العربية أوتو - رعشه رخمة كده تنرفز ... رجعت للميكانيكي قالي عادي هو الهيدروماتيك كده لأنك بتكتم الفتيس فبيرعش ... رحت للعفشجي قالي بدايات كراسي وما تعملهاش دلوقت .. فأنا شاكك إن الرعشة دي لأن السلانسيه واطي فالموتور بيرعش مع الأيدل ومع الريفرس علشان البنزين اللي واصله مش كفايه خصوصا إنها بطلت كام مرة كده مع كبسة الفرامل ... إيه رأي حضراتكم؟

اولاً ربنا يباركلك فى عربيتك يادكتور ويكفيك شرها :)

فى البدايه عايز اقول حضرتك إن بنزين 80 مش ضلعه ومش وحش ولا اى حاجه واللى بيقولك فيه شوائب ومتوسخ والكلام ده يبقى انا اسف ميعرفش حاجه .

مشكلة بنزين 80 انه اشتعاله بطيء فـ لما حضرتك بتكبس علي المكنه بتسمع تسيقفه فى الموتور

ودى بتتعالج عند الميكانيكى بيأخر الشراره بتاعة الكهرباء ( ده المصطلح اللى بيقولوه ) والعربيه بتبقى تمام

وحاجه تانيه اللى هى عزم العربيه بيبقى ضعيف وبيضعف اكتر مع التكييف ..


بالنسبه لمقارنة البنزين الـ 200 كيلو دول علي السريع ولا وانت جوا البلد ؟


بالنسبه للأيدل العربيه وهى واقفه بيبقى الار بى ام علي كام ؟

المشاركة الأصلية كتبت بواسطة sasa3

بس عاوز اعرف يعنى ال 200 للصفيحة دول جوا البلد ولا على الطريق؟؟؟

علشان انا عندى برضه البنزين مجننى بس اديها ماشية يعنى و عاوز اعف منك مين الميكانيكى الى انت بتروحلة و ان كان كويس ولا متعرفوش ؟؟


بس بدام الكهرباء مضبطه العربية تمام و التكييف شغال معاك كويس ولا ايه


و موضوع الرعشة الصراحة مقدرش افيدك فيه :t_thum1[1]:

الاستهلاك أصبح 10 كم / لتر يعني التفويلة 30 من ربع التنك بتعمل 300 كم متوسط جوة البلد وعلى الطريق وكله بالتكييف ..
الميكانيكي أنا بتعامل معاه من يوم ما ركبت عربيات من ست سنين واللي قال لي عليه واحد سواق تاكسي ومدير جراج حكومي في الوقت نفسه وكانوا بيصلحو عنده عربيات الحكومة البيجو والمرسيدس اللي ما حدش كان بيعرفلها .. وهو شغله نضيف بس فيلسوف شويه.. وهو بيشتغل في ورشته اللي فاتحها في بيته هو وأولاده ... اسمه السيد بخيت وورشته خلف عوض الله الجديد هتلاقي شارع طويل بعد المطافئ بشوية مرصوف كده وواسع وفيه فيه محلات كتير بيودي لحي المجزر أول شارع شمال بعد اربع خمس بيوت هتلاقي الورشة هتلاقيه كاتب عليها "السيد بخيت وأولادة لتشخيص وإصلاح أعطال السيارات بالكمبيوتر" ... معاه ابنه أحمد دبلوم صنايع سيارات خمس سنوات وأنا برتاح لشغله جدا وواد فاهم صح وشاب صغير لسه أول العشرينات وبيجمع بين العلم والخبرة اليدوية ومتواضع ودي اهم صفه ... وفيه كمان مصطفى وده الصغير وده اللي بيخدم عليهم وكان فيه الكبير محمد بس ده فتح ورشه لوحده... الأسطى الكبير أبوهم فيلسوف زي ما قلت لك وشاطر جدا ولا يؤمن في عالم السيارات إلا بالسيارات الألمانية وهو نفسه عنده عربية فولكس خمسينات تحفة مش عارف ماشية ازاي لغاية دلوقت. لو عربيتك محتاجة قطع غيار غير عادية هييجي معاك أو هيبعت معاك ابنه للمحل اللي انت عايزة علشان تجيب الحاجة صح وجنبهم هناك بتوع استيراد كتير والخضري كمان فاتح هناك.
تحياتي

المشاركة الأصلية كتبت بواسطة no_rules

اولاً ربنا يباركلك فى عربيتك يادكتور ويكفيك شرها :)

فى البدايه عايز اقول حضرتك إن بنزين 80 مش ضلعه ومش وحش ولا اى حاجه واللى بيقولك فيه شوائب ومتوسخ والكلام ده يبقى انا اسف ميعرفش حاجه .

مشكلة بنزين 80 انه اشتعاله بطيء فـ لما حضرتك بتكبس علي المكنه بتسمع تسيقفه فى الموتور

ودى بتتعالج عند الميكانيكى بيأخر الشراره بتاعة الكهرباء ( ده المصطلح اللى بيقولوه ) والعربيه بتبقى تمام

وحاجه تانيه اللى هى عزم العربيه بيبقى ضعيف وبيضعف اكتر مع التكييف ..


بالنسبه لمقارنة البنزين الـ 200 كيلو دول علي السريع ولا وانت جوا البلد ؟


بالنسبه للأيدل العربيه وهى واقفه بيبقى الار بى ام علي كام ؟

شكرا يا فندم على الدعوة الحلوة
بالنسبة لبنزين 80 أنا عارف إنه ما لوش علاقة بعدم النظافة ...مشكلتي معاه السحب الضعيف والاضظرار لرفع السلانسية ..أنا حسبتها قبل كده لقيت إن اللتر 90 أو 92 في الاستهلاك ب لتر ونص 80 فكده مع الطوابير ووجع الدماغ يبقى الفرق ما يستهلش اللتر ونص 80 بجنيه ونص ولتر ال92 ب190 بالبقشيش الفرق 40 قرش يعني 12 جنيه في التفويلة غير كده بحس العربية مبسوطه ومرتاحه وبتزغرط وهي ماشيه ...
بالنسبة لاستهلاك البنزين أنا عداد الكيلو بايظ بيروح وييجي يعني يختفي بتاع اسبوع ويبان النص التحتاني بس من الأرقام ومرة واحده يظهر بتاع خمس دقائق ويختفي ثاني ... عليه عفريت باين وكمان العربية مافيهاش عدد لفات الموتور فأنا حسبتها كده العربية فولت وسافرت القاهرة لغاية مدينة نصر ورجعت والمؤشر كان فوق النص بكتير ... حتى لو كان خد النص يعني 25 لتر فالمسافة أكثر من 250 بشوية حلوين .... عكس قبل تظبيط الكاربراتير رحت الاسماعيلية من المنصورة حوالي 220 ومشيت جوه البلد شوية وكنت مشغل التكييف واستهلكت أكثر من 25 لتر كان المؤشر تحت الربع وعند بداية السفر كان على أول شرطه
قريب إن شاء الله هاطلع بورسعيد اجيب كام حاجة منهم عدادات أر بي ام ان شاء الله

اكيد طبعاً حضرتك بعد التنضيف وتغيير الكاوتش اللى كان بايظ هيفرق كتير فى الاستهلاك بس انا كنت بعقّب علي نقطة الـ 80 :)

وبالنسبه للرعشه فـ كده العربيه واطيه بزياده :)

عشان انا عندى rpm واما بدور العربيه بتبقى واطيه فـ بتقعد ترعش شويه لحد ماتسخن والـ rpm يعلى علي 7 والعربيه بتبقى حرير مش بترعش ولا بتعمل حاجه :)

وانا مع حضرتك طبعاً إن بنزين 90 و 92 افضل مليون مره من الـ 80 فى السحب والعزم والتكييف بس حبّه كده وحبّه كده : )

وربنا يباركلك فيها بإذن الله :)

المشاركة الأصلية كتبت بواسطة no_rules

اكيد طبعاً حضرتك بعد التنضيف وتغيير الكاوتش اللى كان بايظ هيفرق كتير فى الاستهلاك بس انا كنت بعقّب علي نقطة الـ 80 :)

وبالنسبه للرعشه فـ كده العربيه واطيه بزياده :)

عشان انا عندى rpm واما بدور العربيه بتبقى واطيه فـ بتقعد ترعش شويه لحد ماتسخن والـ rpm يعلى علي 7 والعربيه بتبقى حرير مش بترعش ولا بتعمل حاجه :)

وانا مع حضرتك طبعاً إن بنزين 90 و 92 افضل مليون مره من الـ 80 فى السحب والعزم والتكييف بس حبّه كده وحبّه كده : )

وربنا يباركلك فيها بإذن الله :)

الله يبارك في حضرتك ويجازيك خير
وشكرا للإفاده
أنا كده هذاكر موضوع ضبط السلانسيه والسخان وأظبطها بنفسي

مش محتاجه مذاكره :)

اتفضل حضرتك دى صورة مسمار السلانسيه




ودى صورة مسمار التكييف تقدر حضرتك تظبطهم بنفسك




ولو حضرتك عوزت حاجه وفى استطاعتنا الافاده مش هنتأخر عليك بإذن الله لأن الواحد استفاد من ناس كتير زى الفل هنا والله :)