شوفوا الشرطة عملت في عربيتي إيه أما سحبوها بالونش (صور)

**starlanos** · 17-03-2014 11:38 AM

حسبي الله ونعم الوكيل
برده امبارح ماشي عند نادي السكة 9صباحا لقيت لجنة بيقلي رخصك وقفت بطلع لسه قاالي اركن لسة بركن لقيت تلاتة بيحوطو علي العربية كاني ههرب ضحكت وطلعتله الرخص شافها وقالي اتفض
حسسوني ان ارهابي معدي مع اني كنت لسه حالق ذقني
وفي نفس اليوم لجنة وقفتني قبل هايبر وبرده وانا راجع عند المحور بس الحمد لله محدش وقفني تاني
متعرفش ايه الي بيحصل

**tareksaber** · 17-03-2014 12:14 PM

هم كانوا بيفتشوها ولا بيدمروها حسبنا الله ونعم الوكيل فى كل كلب اتمدت ايدة على العربية

**salah656** · 17-03-2014 12:17 PM

يرفع قضية على الداخلية ماينفعش بعد ما يتجرأ ويعملها المحضر هايتكتب فية انهم فككو ا القنبلة الموقوتة اللى صاحب العربية كان زارعها فى العربية وان هدفة كان نسف الهرم الاكبر بدليل انه كان راكن فى صلاح سالم

**algeneral** · 17-03-2014 06:09 PM

لاحول ولاقوه الا بالله

**r0xer** · 17-03-2014 06:37 PM

كل الردود ردود سلبية ومحبطة وتجيب شلل...

الراجل عربيته اتخبطت واتدمرت من قدام بسبب الداخلية على حد تصريحه وكلامه...طيب ايه العمل؟

سعادتك تطلع عالتفتيش وتقولهم عاللي حصل وتكتب مذكرة رسمية باللي حصل ولازم يستقبلوها منك وتاخد رقم، وبعدها هنشوف الداخلية هتجيبلك حقك ولالا...لو اللي عملوا كدا اتعاقبوا يبقى اهو اول الغيث قطرة، ولو طالبوا يدفعولك التعويض المناسب لعربيتك مقابل النتازل عن الشكوى يبقى برضو خدت حقك.

المشكلة انك كنت انسان "سلبي" ومقدمتش اي شكوى ولا حتى عملت اثبات حالة...وماشي زيك زي الاعضاء الكرام في تمثيلية البلد باظت والمعرفش ايه حصل وكمية رهيبة من الاحباط هتجيبوا للناس النقطة.

انت ليك حق؟ قدم شكوى وهنشوف ايه هيحصل...حتى لو محصلش حاجة ولاخدت حقك انت هتخسر ايه؟؟؟بس قدم الاول شكوى وبعدين نشوف!!

**lanos2004** · 17-03-2014 08:19 PM

المشاركة الأصلية كتبت بواسطة r0xer

كل الردود ردود سلبية ومحبطة وتجيب شلل...

الراجل عربيته اتخبطت واتدمرت من قدام بسبب الداخلية على حد تصريحه وكلامه...طيب ايه العمل؟

سعادتك تطلع عالتفتيش وتقولهم عاللي حصل وتكتب مذكرة رسمية باللي حصل ولازم يستقبلوها منك وتاخد رقم، وبعدها هنشوف الداخلية هتجيبلك حقك ولالا...لو اللي عملوا كدا اتعاقبوا يبقى اهو اول الغيث قطرة، ولو طالبوا يدفعولك التعويض المناسب لعربيتك مقابل النتازل عن الشكوى يبقى برضو خدت حقك.

المشكلة انك كنت انسان "سلبي" ومقدمتش اي شكوى ولا حتى عملت اثبات حالة...وماشي زيك زي الاعضاء الكرام في تمثيلية البلد باظت والمعرفش ايه حصل وكمية رهيبة من الاحباط هتجيبوا للناس النقطة.

انت ليك حق؟ قدم شكوى وهنشوف ايه هيحصل...حتى لو محصلش حاجة ولاخدت حقك انت هتخسر ايه؟؟؟بس قدم الاول شكوى وبعدين نشوف!!

طيب
مواطن مين الى له حق بدون ظهر او بلطجه

**شاهين - بنز** · 18-03-2014 12:43 AM

المشاركة الأصلية كتبت بواسطة r0xer

كل الردود ردود سلبية ومحبطة وتجيب شلل...

الراجل عربيته اتخبطت واتدمرت من قدام بسبب الداخلية على حد تصريحه وكلامه...طيب ايه العمل؟

سعادتك تطلع عالتفتيش وتقولهم عاللي حصل وتكتب مذكرة رسمية باللي حصل ولازم يستقبلوها منك وتاخد رقم، وبعدها هنشوف الداخلية هتجيبلك حقك ولالا...لو اللي عملوا كدا اتعاقبوا يبقى اهو اول الغيث قطرة، ولو طالبوا يدفعولك التعويض المناسب لعربيتك مقابل النتازل عن الشكوى يبقى برضو خدت حقك.

المشكلة انك كنت انسان "سلبي" ومقدمتش اي شكوى ولا حتى عملت اثبات حالة...وماشي زيك زي الاعضاء الكرام في تمثيلية البلد باظت والمعرفش ايه حصل وكمية رهيبة من الاحباط هتجيبوا للناس النقطة.

انت ليك حق؟ قدم شكوى وهنشوف ايه هيحصل...حتى لو محصلش حاجة ولاخدت حقك انت هتخسر ايه؟؟؟بس قدم الاول شكوى وبعدين نشوف!!

أنا لحد إنهارده مش عارف أخلص إجرائات خروج العربية وشغال كعب داير من مرور الدراسة لقسم مدينة نصر أول لمحكمة السابع فتخيل لو قدمت فيهم بلاغ ،إللي حخسرة إني مش حستلم العربية من أساسه
لازم أدفع ضريبة معيشتي في البلد وأحط شبشب في بؤي وآخد العربية من سكات
أبوة البلد بايظة وأيوة مفيش منها فايدة
وزي ماأستاذ لانوس ٢٠٠٤ قال ، من غير ضهر مش حتقدر توصل لحاجة

**شاهين - بنز** · 18-03-2014 01:04 AM

الأخوة الأعضاء في تفسير منطقي جدا للأستاذ lanos 2004 حنقله في آخر المشاركة بيوضح إللي حصل وللعلم أنا برضو مش أول مرة عربيتي تتسحب بونش ياما إتسحبت بونش الجيش أيام تشريفة حسني مبارك وعمرها ماتأذت

هوا ازاى داه حصل هوا مبدأيا فى حاجة غلط طيب مانا عربيتى اتاخدت قبل كده ونش وماحصلش كده اكيد فى حاجة مش مظبوطة ودا برده يعلمنا اننا مانقفش فى وسط الطريق ونعطل حركة المرور بس انا متأكد ان فى حاجة غلط ازاى كل داه

خلينا ناخد خبرة من الاعضاء اللي تم سحب عربياتهم بالونش قبل كده
دي صورة للونش و يلاحظ وجود شدادات كاوتش عشان مقدمة العربية

الصور المرفوعة الفوانيس و الاكصدام و الشبكة متكسرة اقرب لكونها حادثة من ان الونش شدها -رأي شخصي - يعبر عن وجهة نظر كاتبة مع كامل الاحترام

النقطة التانية : وقوفك خطأ حطك في مرمي نيران الونش واعتقد ان الخطأ الاكبر انت تتحملة كان ممكن تركن بعيد شوية و تنزل تمشي افضل من ان انت تصدر العربية في نص الشارع

عموما قدر الله وماشاء فعل و يعوض عليك خيرا ان شاء الله
تحياتي

أشكرك على الدعاء

انا دمى اتحرق بصراحة ربنا معاك

بس دى مستحيل تكون رفعة ونش ابداا

دى حد كان سايقها وعمل بيها حادثة وش

انا مش بكدب حضرتك بس ممكن يكون للموضوع ابعاد تانية !!

رد الأستاذ lanos 2004 :

العربيه دى متربطتش صح على الونش ووقعت والونش فرمل وهوب دخلت فى الونش من ورا
وبما انك واننا منقدرش نعمل حاجه للحكومه دور على الونش نفسه وقيم عليه الحد وعاقب الونش نفسه

+111111 فعلا زي ماحضرتك قلت ملهاش تفسير تاني غير كده