شوفوا الشرطة عملت في عربيتي إيه أما سحبوها بالونش (صور)

**Silent~Dream** · 17-03-2014 03:23 AM

انا كنت فى المرور قبل كده و عربيات كثير حوالى 15 راكنين ادامه و عاملين زحمه لعربيات الشرطه الطالعه و الداخله وده العادى دايما لما بروح هناك و حظهم المنيل طلع رئيس المرور اليوم ده و فضل يزعق عشان كان معظم اصحاب العربيات موجودين جوا المرور و جاب الراجل بتاع الونش و خلاه يشيل العربيات دى جوا المرور عشان يعملهم مخالفات و بصراحه صعب عليا منظر العربيات دى جدا و هى بتتكسر من قدام زى عربياك بسبب طريقه شيل الونش الغبيه ليهم و العربيات الاوتوماتيك المعشقه و دفع خلفى و كده و بالنسبه لى الى حصل معاك بصراحه ربنا يصبرك حاجه تحرق الدم فعلا ربنا معاك

**Music DJ** · 17-03-2014 04:07 AM

ربنا يعوضك عنها خير انا دمى اتحرق لما شوفت الموضوع حصل معايا موقف شبهك مشترى موتسيكل جديد وفى اول اسبوع رجلى اتكسرت وكانت فترة امتحانات ساعتها المهم كونت بروح بية انا وواحد صاحبى علشان رجليا ولسة معلقتش نمر المهم الموتسيكل اتاخد وراح الكيلو 10.5 عاوز اقول لحضرتك ان انا روحت جبتة متبهدل من هناك ومتكسر فية حاجات كتير ولونة كان ابيض والبنزين اتدلق على التانك والجنبين وطبعا بقا لونهم اصفر وهناك اغلب الموتسيكلات مرميين على بعض ومتبهدلين هما اصلا بينزلوهم من على الونش رمى ودفعت ساهتها حوالى 1600 جنية 850 مخالة وكملو 1100 ج علشان الورق يخلص ويمشى وحوالى 500 جنية عداد وفانوس وتانك وجنبين والحاجات الى اتكسرت وهوة اصلا كنت شارية ب 3500 وفى الاخر طبعا هتدفع وانتا ساكت

**colorado** · 17-03-2014 04:12 AM

بص يا باشا
أولا ليأجرك الله في مصيبتك و يبدلك خيرا منها
احتسب عند ربك
ثانيا من الصور اللي شفتها ممكن جدا متغيرش صدر
ممكن يتسحب و يستعدل و لو صنايعي كويس مش هيبان
القصة اكصدام وكبوت في حدود 500 جنيه و فانوسين وشبكة حسبة 300 كمان
و سمكرة مش هتعدي 350 مثلا و حالي 250 دوكو يعني حسبة 1500 جنيه و مش هتبقى راشة إن شاء الله
و ربنا يعوض عليك بالخير يارب