الموضوع: القول الفصل في موضوع النيتروجين ده و بالتجربه

المشاركة الأصلية كتبت بواسطة mmamdouh

على فكرة الاختبار بتاع فرق الضغط مع الحرارة مش صح... دى قلشت جامد من tiff

الهوا حرارتة بترتفع داخل الاطار لما الاطار بيلف و الهوا بينضغط داخل الاطار و عشان كدة دايما بيقولوا فى كتالوج العربية ان الضغط الصحيح للاطارات يجب مراجعتة و الاطارات باردة و دة مش بيتحقق لو مشيت بالعربية مسافة تزيد على 300 متر تقريبا... مفيش كتالوج بيقول انك مينفعش تضبط الكاوتش و الجو حر...
خد فى أعتبارك أيضاً إن الكتالوج بيوصى بضغط معين للكاوتش حسب الموسم سواء صيف أو شتاء....فمثلاً لو بتزود 32 شتاء تزود 31 صيف وكدا يعنى ...ودا دليل على إن حرارة الجو تؤثر على حرارة الهواء داخل الإطار وبالتالى ارتفاع وانخفاض ضغطه .... معنى كلامك بقى إنك لو زودت الإطار بهواء ساخن فى الشتاء مش هيبرد بعدها بدقيقة ؟ الجنط مش بيوصل الحرارة برضه ؟
والهواء بترتفع درجة حرارته نتيجة احتكاك والغاز يتمدد وليس ينضغط بزيادة الحرارة داخل الإطار مسبباً إرتفاع ضغط الإطار
الفرن بيزود الحرارة واحتكاك الاطار بيزود الحرارة والفرملة بتزود الحرارة
اللى عملة tiff هنا انه حط الفردة فى فرن.. اساسا الكاوتش عازل للحرارة و الجنط اتخن بكتير من انة يسخن لدرجة انة يسخن الهوا اللى جواة بالتالى وضع الفردة فى فرن لا يعنى ان درجة حرارة الهوا جواها هترتفع

لو كان عايز يعمل الاختبار دة صح كان يقيس ضغط الكاوتش قبل اختبار السرعة و بعدة... النتيجة كانت هتفرق كتير جدا و دى التجربة اللى انا عملتها بالفعل و لقيت ان الزيادة فى ضغط الفردة الهوا كان اربع اضعاف الزيادة فى الفردة النيتروجين

mmamdouh

هو أنا بشكل عام لم أستطع مشاهدة الفيديو كى أعرف ما جرى تحديداً

ودائما حرارة الهواء داخل الإطار من حرارة الجو المحيط
وبالتالى لو دخلته فرن هتزيد حرارته ويزيد ضغطه حسب درجة حرارة الفرن

انا ليا بالواقع

وهو ان مقيش حاجة اسمها نيتروجين ب 5ج او 10ج للفرده

دى اساسا اشتغالة

واكبر بتاع كاوتش ب م.نصر عميل عندى بيقسم لى ان دا ضحك عالناس

وهو مستحرم يعمل زى النصابين دول

وواحد تانى بيقسم لى ان بيزود الكاوتش هوا عادى من مكنة النيتروجين وبيحاسب الزبون

ب 5ج للاربع فرد وبيقولهم ان هو زود هوا عادى زى كل المحلات ومفيش حاجة اسمها هوا نيتروجين

دى نصباية

زى عندنا البلازما بالتكييفات تماما نصباية

المشاركة الأصلية كتبت بواسطة carrier

انا ليا بالواقع

وهو ان مقيش حاجة اسمها نيتروجين ب 5ج او 10ج للفرده

دى اساسا اشتغالة

واكبر بتاع كاوتش ب م.نصر عميل عندى بيقسم لى ان دا ضحك عالناس

وهو مستحرم يعمل زى النصابين دول

وواحد تانى بيقسم لى ان بيزود الكاوتش هوا عادى من مكنة النيتروجين وبيحاسب الزبون

ب 5ج للاربع فرد وبيقولهم ان هو زود هوا عادى زى كل المحلات ومفيش حاجة اسمها هوا نيتروجين

دى نصباية

زى عندنا البلازما بالتكييفات تماما نصباية

بص يا باشا هو فعلاً موضوع النيتروجين بيننا كمستهلكين مصريين وبين محلات الكاوتش نصباية ...... ولكن فيه أجهزة بتطلع غاز النيتروجين بنسبة عالية جداً ودى بتستخدم فى تزويد عجل الطائرات عشان الاحتكاك الرهيب

ولو استعملت الأجهزة دى فى نفخ عربياتنا مش هيبقى تأثيرها ملحوظ برضه لأن أغلب عربياتنا بها مشاكل وطرقنا زفت وحتى الكاوتش اللى بنستخدمه كتير منه ليس كما يجب .... فأكيد نصباية مقابل اللى انت بتدفعه فيه


لكن لو قصدك على البلازما بالتكييفات النظام الأيونى لتنظيف الهواء من الميكروبات دا مش نصباية ولا حاجة..... وفعال جداً عليك وعلى البيئة

والفلتر الأيونى بكل بساطة جهاز بيعمل بفرق جهد عالى حوالى 3500 فولت وبيسبب تحليل جزء من الرطوبة فى الهواء الجوى وبيحلل ال h2o وبيسبب تكون غاز الأوزون o3 ويتحد الشق الآخر مع الميكروبات فى الهواء ويبطل مفعولها

بس أنا سمعت أن carrier تكييف تعبان

طبعاً أحنا عارفين إن الأجهزة المستخدمة فى محلات الكاوتش فى مصر 99.9999% منها مبتطلعش نسبة النيتروجين عالية .... وكفاءتها تعبانة .... خصوصاً إن الهواء فيه ما يقرب من 78% نيتروجين ....إحنا هنفرض إن فيه جهاز بيخلى نسبة النيتروجين فى الهواء اللى بيطلعه 98.5% ... تمام قوى

وأنا هركب فردة جديدة تيوبلس ... هنفك الفردة القديمة ونركب الجديدة على الجنط .... مش برضه فيه نسبة هواء ما بين الفردة والجنط ! أكيد هتأثر على نسبة النيتروجين فى الهواء الداخل بنسبة 98% من الجهاز الأصلى النضيف اللى محدش بيستخدمه

معنى كدا عشان أضمن إن نسبة النيتروجين اللى بيطلعها الجهاز هتفضل 98% ... يبقى لازم أعمل vaccum للهواء الموجود داخل الكاوتش ودا عملياً أعتقد إنه مينفعش

فما بالك بقى بجهاز صينى معفن بيطلع هواء عادى !!!!! وب 5 جنيه للفردة