الموضوع: القول الفصل في موضوع النيتروجين ده و بالتجربه

المشاركة الأصلية كتبت بواسطة mmamdouh

انا مشوفتش الكلام دة الصراحة... كل اللى شوفتة كان فرق فى الضغط بين مقاسات العجل المختلفة او بين السرعات اللى هتسوق بيها العربية او فى اجمالى حمولة العربية... انما صيف و شتا دى مشوفتهاش خالص

موجود فى ملف يخص الميجان عندى على الجهاز .... والحمولة أيضاً منصوص عليها وموضوع زيادة الضغط بزيادة الحمولة عشان لما العربية بتزيد حمولتها بنبقى محتاجين ضغط أعلى للهواء داخل الإطار عشان يفضل الإطار محافظ على المساحة المخصصة له للتلامس مع الأرض ونقلل المساحة المعرضة للاحتكاك وميسخنش الكاوتش .... عشان كدا الكتالوج يقولك زود الضغط 1 ولا 2 زيادة عن المعدل الطبيعى عشان يقدر الهواء يقاوم انبعاج الكاوتش من الأجناب نتيجة الحمولة الزائدة


الهوا طبعا هيبرد بس مش بعد دقيقة.... هيحتاج وقت اطول من كدة بكتير لان الجنط البارد ملامس ل25% فقط من الهوا... باقى الهوا ملامس للكاوتش و دة موصل ردىء للحرارة
ماشى ماشى ... معنى كدا إن الجنط هيسخن وبعدين هيسخن 25% من الهواء ومعروف إن الهواء الساخن يصعد لأعلى والبارد يهبط لأسفل وهكذا هيسخن 100% من الهواء الموجود داخل الإطار
وهيزيد الضغط .... وهتختلف فترة التسخين التى تحدث تغيير للضغط حسب درجة حرارة الفرن دا بفرض إن الكاوتش مش هينقل حرارة نهائى
معاك برضه إن الكاوتش ردئ التوصيل للحرارة .... مش معنى كدا إنه مش هينقل الحرارة أو إنه عازل حرارى كفء ... لكن قد يكون ردئ التوصيل للحرارة مقارنة بحديد أو ألومنيوم الجنط فى الظروف العادية اللى هى درجة حرارة الجو .... ولكن هناك ظروف غير عادية ... مثل حرارة الفرن والتى تكون أعلى من حرارة الجو ... هنا الكاوتش هينقل الحرارة للهواء عن طريق الملامسة السطحية .... زيه زى الجنط بالضبط .... لكن بدرجة أقل من الجنط
والظرف الآخر هو احتكاك الكاوتش بالطريق بفرض ثبات الضغط .... برضه المفروض فى الحالة دى الكاوتش ردئ التوصيل زى ما أنا وإنت متفقين .... طيب ليه بيسخن الهواء داخل الكاوتش وبيزيد الضغط للكاوتش ؟؟.... الكاوتش يحك ... وبعدين يسخن وبعدين الهواء الملامس له من الداخل يسخن تزيد سرعة حركة جزيئاته ويزيد الضغط داخل الإطار
يبقى الإحتكاك يؤدى لارتفاع حرارة الكاوتش مؤدياً زيادة ضغط الإطار .... والفرن يرفع حرارة الكاوتش أيضاً مؤدياً لزيادة ضغط الإطار

هتقولى برضه احتكاك الكاوتش بيولد حرارة أكبر من حرارة تسخين الفرن .... طيب إنت دخلت الفرن دا وقست درجة حرارته ؟؟؟؟ أكيد لا يبقى منقدرش نحكم ... لكن أكيد فيه حرارة هتتنقل من الفرن للكاوتش ومنه للهواء ... وهنا عامل الوقت هيكون ليه دور كبير فى كدا كمان ... ومتنساش إن الكاوتش فيه هواء خارجى بيبرده وبيبرد الجنط أثناء السير وإن تلامس الكاوتش بالأرض بيختلف حسب السرعة اللى انت ماشى عليها ولكن داخل الفرن الحرارة بتزيد وبس وبتثبت أو تفضل تزيد بزيادة حرارة الفرن

طبعاً على كلامك إن إطار السيارة كله كاوتش وفى الحقيقة إطار السيارة بيبقى radial وكذا نوع كاوتش وكل نوع منهم يختلف عن التانى

فأنا من وجهة نظرى ... شايف إن ضغط الكاوتش هيسخن لسخونة الهواء بسبب تلامسه مع الجنط الحديد أو الألومنيوم الساخن والكاوتش الساخن أيضاً

وأثناء سير السيارة يزداد ضغط الإطار أيضاً نتيجة الاحتكاك بين الكاوتش والأسفلت مما يسبب ارتفاع حرارة الكاوتش ومن ثم الهواء داخل الكاوتش وبالتالى ازدياد الضغط العام للإطار ... مع سخونة الجنط جراء الفرملة الشديدة المتكررة على الطريق مما يؤدى لزيادة الضغط العام للإطار



الفكرة كلها فى انتقال الحرارة من الجنط للهوا... صحيح انت سخنت الجنط فى الفرن... المهم مدى تاثر الهوا اللى جوة الجنط بتغيير الحرارة الخارجية مقارنة بنفس التاثير نتيجة انضغاط الاطار اثناء المشى مبدئياً الإطار يزيد الضغط عليه من الداخل ولكن مبينضغطش زى ما إنت بتقول ... طيب وإيه اللى بيخلى ضغط الإطار يزيد أثناء المشى ؟ مش برضه الحرارة ؟ والحرارة مصدرها إيه ؟ الاحتكاك وسخونة الجنط من الفرملة ودوران العجلة صح ؟ وبعدين خد بالك إن حرارة الفرن ثابتة وبتفضل تدى الكاوتش حرارة ومفيش حاجة بتبرد .....والعربية على السرعات العالية بيقل احتكاك الكاوتش بالأرض ..... كمان الهواء اللى بيصطدم بالكاوتش أثناء سير السيارة على السرعات العالية بيبرده
الفرن بقى ضغط السيارة على الإطار ثابت ولكن حرارة الإطار بتزيد .... ومفيش حاجة هتبرد والضغط بيزيد باستمرار بزيادة حرارة الفرن ...يعنى بيئة عمل السيارة خارج الفرن فيها تبادل حرارى يبرد الكاوتش ويساعد أن ضغطه يفضل ثابت ... أما داخل الفرن مفيش الكلام دا الحرارة بتزيد أو بتثبت بحرارة الفرن

هو الهوا داخل الاطار بيحتك بايه؟... و لو كلامك صح يبقى فين الاحتكاك اللى حصل فى الفرن؟
طبعاً أنا وضحت فوق .... والهواء ملامس للإطار من الداخل ويضغط عليه مما يسبب الانتفاخ .... وأنا أقصد احتكاك الكاوتش بالأسفلت يزيد حرارة الهواء وبالتالى ضغطه وبالتالى زيادة ضغط الإطار
مرة أخرى ... الاحتكاك يولد الحرارة
والفرن مصدر حرارى ... يعنى حرارة جاهزة
اكتر حاجة بترفع درجة حرارة الهوا داخل الاطار هى الانضغاط اللى بيحصل مع المشى الكلام دا غلط جداً واللى بيخلى درجة حرارة الهواء ترتفع داخل الإطار ومن ثم زيادة الضغط و ليس الإنضغاط هو الاحتكاك نتيجة المشى ومفش حاجة اسمها الانضغاط نتيجة المشى بترفع حرارة الهواء ... حرارة الهواء هى اللى بترفع نتيجة الاحتكاك وهى اللى بترفع الضغط العام للإطارو الدليل على كدة انك لو قيست ضغط الاطارات قبل ما تمشى و قيستة بعد ما تمشى بالعربية مسافة 2 الى 3 كيلو هتلاقى الضغط زاد... مع ان درجة حرارة الجو لم تختلف ولا انت استعملت الفرامل بشكل مفرط يرفع درجة حرارة الجنط بشكل ملحوظ
ضغطه زاد عشان حرارة الهواء اللى جواه زادت بسبب الاحتكاك المصاحب لمشى السيارة
انا عملت الاختبار دة بالمشى و الفردة الهوا زادت 8 psi و الفرد النيتروجين زادت 2 psi فقط



الفرن بيرفع حرارة الجنط و الجنط ملامس ل 25% فقط من مساحة الهوا

احتكاك الاطار بيرفع حرارة الاطار... و الاطار مصنوع من المطاط اللى هو موصل ردىء للحرارة

الفرملة بترفع حرارة الجنط... اللى هو ملامس لمساحة قليلة من الهوا و دة فى حالة الاستعمال المفرط للفرامل

mmamdouh

وحضرتك كررت كلمة انضغاط كتير ...والحقيقة أن الهواء داخل الكاوتش منضغط بالفعل ... والحرارة بتخليه يقلل انضغاطه أى يزيد ضغطه داخل الكاوتش

لذلك الإنضغاط يحدث عند برودة الكاوتش وليس سخونة الكاوتش

فعلاً صحيح أنه بخصوص أن أغلب الكتالوجات لا تأتى بسيرة تغيير ضغط الإطار فى فصل الشتاء أو الصيف
ولكن فيه كتالوجات بتقول الكلام دا ....للبلاد الباردة التلج وهناك بيستخدموا كاوتش مخصص للشتاء وتصميم ونوع الكاوتش دا بيلزمه ضغط مختلف بيكون أزيد من ضغط الكاوتش الصيفى والكاوتش اللى بيمشى صيف وشتاء

وإحنا عندنا فى مصر الجو يعتبر صيف طول السنة ومبنستخدمش كاوتش شتوى لأن درجة الحرارة عندنا مبتنزلش للدرجة المصمم عليها الكاوتش دا

ولكن فى النهاية ... حرارة الهواء داخل الكاوتش من حرارة الهواء خارج الكاوتش

وأنا لولا النت عندى بطئ كنت رفعتلك ملف رينو وكونتنتال
بص هنا الموقع دا
http://www.tirerack.com/winter/tech/...jsp?techid=168


شوف الحتة دى تحديداً عشان هى لب موضوعنا بتبينلك قد إيه إن ضغط الهواء بيتأثر بدرجة حرارة الهواء المحيط حتى لو فى نفس الموسم ولكن فى مكان أقل برودة ... بمعنى أن لو واحد عنده جاراج أدفى قليلاً من درجة حرارة هواء الجو الطبيعية .... وهو متعود يقيس الضغط فى الجاراج لازم يزودله 2 أو 3 بار زيادة عشان العربية لما تطلع من الجاراج هيقل ضغط الهواء على الإطار بسبب البرودة الأكثر خارج الإطار فال 2 أو 3 بار الزيادة بيعوضوا فرق الضغط دا .... طبعاً دا فى البلاد الباردة ... نفس ا لحكاية الفرن برضه

all tire pressures are intended to be measured cold, which means when the tires are at the same temperature as the air outside. Unfortunately, unless you park your vehicle outside or in an unheated, detached garage, and measure its tire pressures first thing on dark, cold mornings, the influence of attached garages or higher ambient air temperatures later in the day often means that drivers are actually measuring tires that are not completely cold. In this case the 3-5 psi higher recommended inflation pressure increase helps offset the reduced tire pressures associated with the conditions in which the tire pressures are typically measured.