السلام عليكم
حبيت أوضح ايه اللي حصل علشان الناس المهتمة
استلمت العربية من حوالي ٣ ايام
جابوا وش سلندر مستعمل وركبوه وخصموا من المصنعية علي شوية حاجات مركبوهاش جديدة
علشان يخلوا الفاتورة في نفس القيمة
المهم دفعت ١١٨٥٠ العربية ادائها كويس مش وحش وفي مهندس هناك في الورشة اسمه عمرو شاطر
الملحوظات الناس دي معندهاش ضمير يعني كف المرتبة الشمال كان مسروق من عندهم روحت لقيتهم حاطين واحد مكسور
ولما زعقت راحوا حطوا واحد مستعمل أكيد من عربية تانية اصلي اكتشفت ان اي عربية مركونة في الورشة عندهم دي مصدر لقطع الغيار وعندهم عربيات توتال لوس كتير في الورشة بياخدىا اللي هما عايزينه منها
والمفروض انهم يحطوا بوجيهات جديدة لكن وهو بيعمل الكبس بتاع الموتور ادامي طلع البوجيهات واكتشفت انها قديمة وقاتله قالي دي بنجرب بيها شوية كده والله واعلم كان ناوي يحسبها ولا لأ
ثانيا كنت مغير السيور قبل ما اروحلهم ب ٢٠٠٠ كيلو اصلي من عندهم
روحت لقيته غير الكاتينة والبلية بتاعتها ب ٥٠٠ ويقولي انت قولتلي ولما اتزنق قالي كدا كدا لازم يتغيروا
وقالي سير البور والديناموا غيرنا هم علي حسابنا هدية
قولتله طيب أنا عايز حاجتي علشان دي لسا جديدة قالي ماشي وجابلي اي حاجة قديمة من عندهم وقالي هي دي والشاطر يثبت
والمصيبة دلوقتي لقيت سير البور بيزن جامد لما اجيب الدركسيىون علي الاخر
يعني شكلي حغيره
المهم ابعدوا عن التوكيل ده
جيبوا منه قطع الغيار
ولو لسا في الضمان اوعوا تسببوا العربية عندهم مدة
المفضلات