الموضوع: وأخيراً وبعد تفكير ... إخترت الوحش الجميل ds5

المشاركة الأصلية كتبت بواسطة ghamrawy

احييك مرة تنية على التفكير خارج الصندوق و العرف و التقاليد البالية

ركوبة السيتروين+ التربو حاجة تانية خالص

ربنا يبارك لك

الله يباركلك ياأستاذ غمراوى ... والله لا تتخيل كم الإنتقادات اللى أخدتها على إختيارى ... لكن على مين ... أنا ودن من طين وودن من عجين وولا حاطط فى دماغى
وإن شاء الله كلها من يومين لتلاته وأستلم على خير وأشوف الدنيا هيبقى فيها أيه

اولا الف مبروك لحضرتك بس تسمحلي اقول رايي او نصيحه لوجه الله

العربيه علي حد علمي بتشتغل بنزين 95 فهل ده ماشي معاك وهل حضرتك عارف سعر اللتر كام

العربيه دي لو حضرتك هتجيبها يبقي لازم تعمل حسابك انك مش هتبيعها قبل 8 سنين علي الاقل ويوم ما تبيعها هتخسر مش اقل من 100 الف جنيه بالميت فهل ده مناسب لحضرتك

حضرتك هتدفع تقريبا 150 الف وهتقسط 150 اللي هما هيوصلوا ل 200 الف تقريبا

انا لو مكانك هشتري النيو سيراتو اعلي الفئات تقريبا ب 165 الف ويبقي كده سعرها خلصان بدون ما يكون ورايا اقساط
واخدت كل الكماليات الي محتاجها بخلاف الفخامه والبرستيج ويوم ما اقرر اجدد بعد 8 او حتي 6 سنين اكتر مبلغ مممكن اخسره هو 15 او 20 الف
بالاضافه لقوه ماتور جباره واستخدامها لبنزين 92

طبعا ممكن تقول في تفسم الراجل ده هيدخل يقرفني ويقولي بنزين 95 واقساط وسعر اعاده البيع وكلام فاضي
بس هرجع اقولك انك الكلام اللي بقوله ده فعلا هتحس بيه بس بعد ما تشتري العربيه

انما بقي لو مش فارقه معاك الكلام ده يبقي اوبل انسجنيا بدون اي نقاش او تردد .. بجد عربيه ولو سقتها ومشيت تحس انك في ملكوت تاني وتحس ان الشارع كله بيتفرج عليك بخلاف ماتور جبار يعلم علي اي عربيه ماشيه جنبك بدون خلاف

ارجو تقبل النصيحه بصدر رحب

المشاركة الأصلية كتبت بواسطة medosalah

اولا الف مبروك لحضرتك بس تسمحلي اقول رايي او نصيحه لوجه الله

العربيه علي حد علمي بتشتغل بنزين 95 فهل ده ماشي معاك وهل حضرتك عارف سعر اللتر كام

العربيه دي لو حضرتك هتجيبها يبقي لازم تعمل حسابك انك مش هتبيعها قبل 8 سنين علي الاقل ويوم ما تبيعها هتخسر مش اقل من 100 الف جنيه بالميت فهل ده مناسب لحضرتك

حضرتك هتدفع تقريبا 150 الف وهتقسط 150 اللي هما هيوصلوا ل 200 الف تقريبا

انا لو مكانك هشتري النيو سيراتو اعلي الفئات تقريبا ب 165 الف ويبقي كده سعرها خلصان بدون ما يكون ورايا اقساط
واخدت كل الكماليات الي محتاجها بخلاف الفخامه والبرستيج ويوم ما اقرر اجدد بعد 8 او حتي 6 سنين اكتر مبلغ مممكن اخسره هو 15 او 20 الف
بالاضافه لقوه ماتور جباره واستخدامها لبنزين 92

طبعا ممكن تقول في تفسم الراجل ده هيدخل يقرفني ويقولي بنزين 95 واقساط وسعر اعاده البيع وكلام فاضي
بس هرجع اقولك انك الكلام اللي بقوله ده فعلا هتحس بيه بس بعد ما تشتري العربيه

انما بقي لو مش فارقه معاك الكلام ده يبقي اوبل انسجنيا بدون اي نقاش او تردد .. بجد عربيه ولو سقتها ومشيت تحس انك في ملكوت تاني وتحس ان الشارع كله بيتفرج عليك بخلاف ماتور جبار يعلم علي اي عربيه ماشيه جنبك بدون خلاف

ارجو تقبل النصيحه بصدر رحب

لو حضرتك و صاحب الموضوع تسمحولى اقول رأيى و طبعا اتمنى انه ميزعجش حد فيكوا

الـ ds5 لا وجه للمقارنة بينها و بين السيراتو خالص .. الـ DS الفئة الفاخرة من عائلة ستروين و طبعا فيها خامات و تصميم و امكانيات افضل من الفئات العادية للستروين الـ C و احنا لو جينا نعمل مقارنة عادلة يبقى نقارن الـ cerato بالـ c4 و هنا نقدر نتكلم و نقول مميزات و عيوب ديه و ديه انما مع ds5 فالسيراتو تخسر فى كل حاجة لأنها مش من الفئة بتاعتها .. حضرتك زى ما تكون بتقول نقارن i20 بسيراتو مثلا فمش هيبقى فيه وجه للمقارنة اصلا لأن ديه فئة و ديه فئة .. الـ ds5 و من كلام سابق للتوكيل انها بتاخد 92 عادى من غير مشاكل على عكس الـ c5 على الرغم ان الموتور واحد بس واضح ان الـ tuning بتاع الموتور مختلف لأن القدرة الحصانية مختلفة كمان بس معرفش هل عدلوا الـ c5 كمان ولا لا و ممكن صاحب الموضوع يأكد على النقطة ديه لأن اللى انا اعرفه ان التوكيل بيقول ان الـ ds5 تاخد 92 عادى ..

سعر اعادة البيع كلامك سليم بس صدقنى عربية زى الـ ds5 عربية للاقتناء و صعب ان الواحد ينزل منها بسهولة لأن العربية ديه فعلا فيها كل ابداع ستروين سواء من الداخل او الخارج

الموتور مفيش وجه للمقارنة بين موتور 1600 تربو 163 حصان بموتور 1600 عادى ..

صدقتى الـ ds5 ملفتة جدا للنظر و عربية مميزة جدا و انا بدعو حضرتك لازم تنزل اى معرض ستروين و تتفرج عليها لأن العرربية ديه مجرد الفرجة عليها متعة

عموما يا باشا احنا بنتناقش و طبعا انا بحترم وجهة نظرك و ربنا يبارك لصاحب الموضوع فى العربية الجديدة و يحميها من العين لأنها فعلا بتلفت النظر جدا

المشاركة الأصلية كتبت بواسطة medoshabrawy

انا معايا ds5 من سنة عربية ما شاء الله تحفه وجايبها من عز العرب
بييجي معاها طقم دواسات اصلي + عده + فرده استبن مش جنط اعتقد 12 + مفتاحين ريموت
بس نصيحه قبل ما تجرب تجري جامد بالعربية جرب الفرامل للامان
العربيه موتورها قوي ومعدل التسارع عالى جدا ربنا يحفظك

أنا للأسف لسه واخد بالى من مشاركة حضرتك دلوقتى
العربية أنا جبتها من أوتو أباظة
وتصدق أنا زعلت وشكلى هزعلهم علشان موضوع طقم الدواسات ده
أنا إستلمت العربية وقلتلهم إذا كان بييجى مع العربية طقم دواسات قاللى لأ والعربية زى مابتيجى زى مابنسلمها
أنا لسه مستلمها إمبارح الساعة 10 مساءاً ولسه مجربتش فيها أى حاجة .. بس عموماً شكراً على النصيحة