الموضوع: وأخيراً وبعد تفكير ... إخترت الوحش الجميل ds5

المشاركة الأصلية كتبت بواسطة medosalah

اولا الف مبروك لحضرتك بس تسمحلي اقول رايي او نصيحه لوجه الله
الله يبارك فيك

العربيه علي حد علمي بتشتغل بنزين 95 فهل ده ماشي معاك وهل حضرتك عارف سعر اللتر كام
العربية حسب كلام التوكيل بتمشى ب 92 .. وطبعاً عارف ال 95 بكام وطبعاً مش ماشى معايا .. يعنى أروح أفول ب بأكتر من 300 جنيه .. ده خراب بيوت

العربيه دي لو حضرتك هتجيبها يبقي لازم تعمل حسابك انك مش هتبيعها قبل 8 سنين علي الاقل ويوم ما تبيعها هتخسر مش اقل من 100 الف جنيه بالميت فهل ده مناسب لحضرتك
عملية إعادة البيع من وجهة نظرى دى عملية نسبية
بمعنى حضرتك لو اشتريت عربية ب 100 ألف وبعتها بعد 3 سنين ب 70 ألف .. حضرتك خسرت 30% من تمن العربية
إذاً لو اشتريت عربية ب 300 الف ولو بعتها ب 200 ألف بعد 3 سنين فهيه هيه نفس النسبة اللى إنت خسرتها

حضرتك هتدفع تقريبا 150 الف وهتقسط 150 اللي هما هيوصلوا ل 200 الف تقريبا

انا لو مكانك هشتري النيو سيراتو اعلي الفئات تقريبا ب 165 الف ويبقي كده سعرها خلصان بدون ما يكون ورايا اقساط
واخدت كل الكماليات الي محتاجها بخلاف الفخامه والبرستيج ويوم ما اقرر اجدد بعد 8 او حتي 6 سنين اكتر مبلغ مممكن اخسره هو 15 او 20 الف
بالاضافه لقوه ماتور جباره واستخدامها لبنزين 92
أنا بدفع 300 ألف في براند قوى وموتور قوى وشكل جميل وتجهيزات عالية وكماليات مبهرة وشاسية ممتاز ونظام تعليق محترم ووسائل أمان حقيقية
قوللى بقى مع إحترامى لكل ملاك السيراتو إنت بتدفع 165 ألف في أيييييه ؟؟؟؟؟؟؟؟ موتور وكماليات فقط لا غير وكمان كوووووررررى .... ولا بتدفعهم علشان سعر إعادة البيع ؟؟

طبعا ممكن تقول في تفسم الراجل ده هيدخل يقرفني ويقولي بنزين 95 واقساط وسعر اعاده البيع وكلام فاضي
طبعاً كلامك مش فاضى .. بس أنا بصراحة كان نفسى في عربية عفية ومتكونش كورى علشان ظروفى بتستدعى السفر بالعربية لمسافات طويلة ويكون فيها وسائل أمان محترمة بعد الحادثة اللى عملتها بالسيراتو اللى كانت معايا
بس هرجع اقولك انك الكلام اللي بقوله ده فعلا هتحس بيه بس بعد ما تشتري العربيه

انما بقي لو مش فارقه معاك الكلام ده يبقي اوبل انسجنيا بدون اي نقاش او تردد .. بجد عربيه ولو سقتها ومشيت تحس انك في ملكوت تاني وتحس ان الشارع كله بيتفرج عليك بخلاف ماتور جبار يعلم علي اي عربيه ماشيه جنبك بدون خلاف
معرفش ... بس الراحة النفسية كانت لصالح السيتروين

ارجو تقبل النصيحه بصدر رحب
ربنا يباركلك على نصيحتك الغالية.. وطبعاً على راسى من فوق
وعلى فكرة أنا المناقشات دى أنا بستفيد منها جدااااااً

المشاركة الأصلية كتبت بواسطة mohab.nabil

لو حضرتك و صاحب الموضوع تسمحولى اقول رأيى و طبعا اتمنى انه ميزعجش حد فيكوا

الـ ds5 لا وجه للمقارنة بينها و بين السيراتو خالص .. الـ ds الفئة الفاخرة من عائلة ستروين و طبعا فيها خامات و تصميم و امكانيات افضل من الفئات العادية للستروين الـ c و احنا لو جينا نعمل مقارنة عادلة يبقى نقارن الـ cerato بالـ c4 و هنا نقدر نتكلم و نقول مميزات و عيوب ديه و ديه انما مع ds5 فالسيراتو تخسر فى كل حاجة لأنها مش من الفئة بتاعتها .. حضرتك زى ما تكون بتقول نقارن i20 بسيراتو مثلا فمش هيبقى فيه وجه للمقارنة اصلا لأن ديه فئة و ديه فئة .. الـ ds5 و من كلام سابق للتوكيل انها بتاخد 92 عادى من غير مشاكل على عكس الـ c5 على الرغم ان الموتور واحد بس واضح ان الـ tuning بتاع الموتور مختلف لأن القدرة الحصانية مختلفة كمان بس معرفش هل عدلوا الـ c5 كمان ولا لا و ممكن صاحب الموضوع يأكد على النقطة ديه لأن اللى انا اعرفه ان التوكيل بيقول ان الـ ds5 تاخد 92 عادى ..

سعر اعادة البيع كلامك سليم بس صدقنى عربية زى الـ ds5 عربية للاقتناء و صعب ان الواحد ينزل منها بسهولة لأن العربية ديه فعلا فيها كل ابداع ستروين سواء من الداخل او الخارج

الموتور مفيش وجه للمقارنة بين موتور 1600 تربو 163 حصان بموتور 1600 عادى ..

صدقتى الـ ds5 ملفتة جدا للنظر و عربية مميزة جدا و انا بدعو حضرتك لازم تنزل اى معرض ستروين و تتفرج عليها لأن العرربية ديه مجرد الفرجة عليها متعة

عموما يا باشا احنا بنتناقش و طبعا انا بحترم وجهة نظرك و ربنا يبارك لصاحب الموضوع فى العربية الجديدة و يحميها من العين لأنها فعلا بتلفت النظر جدا

إنت قلت كل اللى أنا عايز أقوله وزياااااااااااااااااااااا اادة

أسيبكم بقى علشان عايز أرووووح المرور أرخص .. ولما آجى إن شاء الله هقولكم عملت أيه وأديلكم شوية صور لما أرجع بس ياريت ألحق المرور ...
عموماً آدى صورة كده على ما قسم لحد مارجع .. صورتها من البلكونة

بسم الله ماشاء الله ربنا يباركلك فيها ويحفظها من العين .... واحب احييك على اختيارك ......

اختيارى القادم باذن الله
لانى بعشق سيتروين و بيجو
انا معيا بيجو ٤٠٧ خياااااال
و ان شاء الله c5 الخطوه الجايه بره مصر
لكن دى فى مصر ان شاء الله
ربنا يباركلك و يحفظهالك

المشاركة الأصلية كتبت بواسطة minicooper20

اختيارى القادم باذن الله
لانى بعشق سيتروين و بيجو
انا معيا بيجو ٤٠٧ خياااااال
و ان شاء الله c5 الخطوه الجايه بره مصر
لكن دى فى مصر ان شاء الله
ربنا يباركلك و يحفظهالك

اهلا بالعاشق الجديد فى العائلة الستروينية

و مستنيين يا باشا مغامراتك مع الستروين