الموضوع: وأخيراً وبعد تفكير ... إخترت الوحش الجميل ds5

المشاركة الأصلية كتبت بواسطة densfog

الف شكر على ردودك المفيده ... وكفايه ان موضوعك كان سبب انى رجعت افكر انى اشتريها - لما تسمح الظروف - بعد ما كان كل تفكيرى كان راح ناحيه الأنسيجنيا التوب لاين

وده فيديو استفدت منه عن العربيه مش عارف حضرتك شوفته قبل كده ولا لأ

https://www.youtube.com/watch?v=c7vCp8Q6JaU

الإنسجنيا عربية أكتر من ممتازة هيه كمان وكفاية إنها ألمانى بالكامل ... بس أنا بالنسبالى كانت الراحة النفسية للسيتروين .. أنا هرجع من السفر بإذن الله كمان شهر بعدها إن شاء الله هعمل التقرير .. أنصحك تنزل تتفرج على الإتنين وتسأل هل هيبقى في زيادة في الأسعار ولا لأ وشوف إنت هترتاح نفسياً لأى عربية .. وعليك وعلى صلاة الاستخارة

المشاركة الأصلية كتبت بواسطة Silent~Dream

الف مبروك الترخيص و بحييك مره تانيه على اختيارك و متابع فى انتظار التقرير الشامل ان شاء الله بس يا ريت حضرتك تبقى تظبط الصور تبقى 1280*1024 او اى حاجه معقوله بحيث لما تكبر تكون مش اكبر من حيز الصفحه

الله يبارك فيك ... أنا نزلت الصور ى ماهيه يادوب دخلت على الـ paint علشان أقلل المساحة بتاعة الصور لأقل من 2 ميجا .. أنا قلت بس علشان الصور تبقى كبيرة كده وواضحة للى عايز يقرب .. عموماً حاضر هظبطها علشان خاطرك إنت بس

المشاركة الأصلية كتبت بواسطة احمد الثورجي

جرب تفول بنزين 95 وشوف سخونة الماتور هتروح ولا لا وربنا يباركللك فيها ان شاء الله

أنا مش عايز أعودها من الأول على ال95 .. أنا قلت أديها 92 علشان لما أجى مرة أديها 95 تحس بالفرق وتحس بالنعمة اللى هيه فيها .. انا مش عايز العربية تتنطط عليه من أولها

المشاركة الأصلية كتبت بواسطة ALshahba

اولا : الفين مبروك علي حسن الاختيار .........فعلا دي اسمها "عربيه"

ثانيا : بنزين 95 لايؤثر تماما فى سخونة الموتور او تبريده ......ده نظام حرق من المصمم ... وانا يؤثر علي السحب والكفائة النهائية performance

انا شخصيا من محبي الفرنساوي بعد ماكنت من اكثر كارهيه
وانا من عشلق C5 و بيجو 508 ورينو فلوانس

اللي مش حيلحق الايام دي يشتري فرنساوي ........... فلن يدخل فى ركب السيارات المطوره الفارهه

فى امان الله

يعنى معنى كلامك إن موضوع السخونية ده هيأثر على الـ Performance وإنه مش طبيعى؟؟ ولا الفرنساوى كله كده ؟؟؟
أصل الموضوع ده كان بيحصل في السيراتو برده السخونية اللى ناحية الشمال وإنت واقف أودام الكبوت

المشاركة الأصلية كتبت بواسطة S O P H O S

الف مبروووك

الله يباركلك