الموضوع: أرجو الإفادة عن بعض فنيات القيادة

المشاركة الأصلية كتبت بواسطة alalfi

السلام عليكم
وعليكم السلام ورحمة الله وبركاته
انا مش عارف بصراحة إستفساري محله القسم ده ولا قسم تاني فمعلهش أعذروني
عموماً انا كنت مش بعرف أسوق غير الأتوماتيك وبعدين إتعلمت مانيوال من حوالي سنة ومن أول يوم في تعلم المانيوال إتعودت على 3 حاجات مش عارف صح ولا غلط .

1- مبعرفش أدوس فرامل إلا لما أدوس ديبرياج سواء كنت داخل على مطب أو على تقاطع أو إشارة أو ملف .. يعني لو بدوس فرامل لمجرد التهدئة البسيطة وهستمر على نفس الغيار أو للتهدئة الشديدة أو للتوقف ... وطبعاً في الغالب بسيب العربية على الغيار لحد ما تهدي وبعد كده أغير أو أمور على حسب .
من غير دبرياج العربيه هتبطل
2- لما أكون على الرابع مثلاً وأهدي السرعة وهنزل للتالت بنزل مباشرة من غير ما أمور غالباً وكذلك الحال من التاني للأول . طبعاً من الخامس للرابع ومن الرابع أو التالت للتاني غصب عني بعدي على المور وطبعاً بدوس دبرياج وفرملة علشان أهدي وأنزل بالغيار بعد ما أهدي (يعني غيار عكس).
دبرياج و الغيار اللى انت عايزه و مش لازم بالتدريج
3- في الزحمة وعلى الكباري لما يكون الطريق واقف في الغالب بكتف العربية بالدبرياج .. يعني نص كبس دبرياج وسنة بنزين .. علشان العربية متبطلش مني ..
فالزحمه مور بس او دوس دبرياج و انت على الغيار من غير بنزين فالكبارى استخدم فرامل اليد
هل الثلاث أشياء دي عادية مفيش منها ضرر ولا فيها ضرر ... ولو فيها ضرر إيه هي أضرار كل واحد منها .. وإزاي أكتشف الأضرار دي لأني بقالي سنة بسوق مانيوال وبعمل الحاجات دي بصفة مستمرة ...

وجزاكم الله خير

اتمنى تكون معلوماتى صحيحه و لو فيه غلط او لبس ارجو من الأعضاء تصحيح المعلومات الخاطئه و كلنا بنتعلم و بنستفاد

شكراً على مروركم الكريم وأتمنى إفادتنا أكثر من أهل الخبرة والفنيين فمن المؤكد أن هناك الكثير من مبتدأي قيادة المانيوال يفعلون مثلي

shiko85
من غير دبرياج العربيه هتبطل
**************************
معلوم أخي الكريم إنك لو بتفرمل علشان تقف تماماً لازم تدوس ديبرياج وإلا العربية تبطل ... أنا بسأل على الديبرياج مع الفرامل حتى لو بتهدي عشان مطب ولا ملف .... يعني مثلاً أنا ببقى على 90 ولا 100 وبلاقي عربية قدامي بطيئة شوية ومش عارف أتخطاها فبضطر أنزل بالسرعة شوية فبفرمل خفيف لكن تلقائي بتلاقيني دايس ديبرياج أو على الصحراوي وماشي على 140 وداخل على منحنى بحمل سنة فرامل وبرضو بالديبرياج .. فهل ده صح ولا الديبرياج يستخدم مع الفرامل لما أكون ناوي أقف تماما .

توضيح للنقطه الاولى انت لو مش هتنقل من غيار لغيار يبقى ليه تدوس دبرياج انا عارف انها ممكن تكون مسئلة تعود لكن حاول تبطلها لانك بتاكل فى طقم الدبرياج كده وعلى الفاضى زى برضوا ناس كتير بتمشى وبتريح رجليها على الدبرياج وده غلط برضوا اما باقى النقط فالاعضاء الافاضل تكرموا وفسروها

معرفش ليه بحس ان الموضوع ده نسبى بيختلف على حسب الموقف و ظروفه