تعرف علي نظام التبريد داخل السيارة

**AhMeD MeTwAlY** · 02-04-2014 05:01 PM

تعرف علي نظام التبريد داخل السيارة
بسم الله الرحمن الرحيم
كلنا عرفين ان السيارة بتاخد دورة اشتعال ودورة الاشتعال والاحتكاك بيولد درجة حرارة عالية جدا وفي حالة عدم التخلص من درجة الحرارة دي لقدر الله هتعمل مشاكل وكوارث كتيره جدا
والأجواء المناسبة لتشغيل السيارة هي من درجة حرارة 70-90 مئوية ودا في الغالب
لان لو المحرك اشتغل في درجة حرارة اعلي من كدا هتعمل عملية فقط للمياة لان كلنا عرفين انها بتغلي علي درجة 100 مئوية
طيب لو اشتغلت علي درجة اقل من ال 70 هتسبب فقد في الوقود لانه لا يتم حرقة بشكل سليم
وفي كل الحالتين بيأثر علي العمر الافتراضي للموتور فمنفرحش ان مؤشر الحرار مبيعلاش لان فيه ضرر بردو
بتعتمد دورة التبريد علي مجموعة عناصر وهي
1. طرمبة المياة
2. الرديتر
3. ترموستات الحرارة
4. مروحة التبريد
5. مجموعة خراطيم
6. قربة المياة
اولا طرمبة المياة :
هي الأول بتشتغل عن طريق عمود الكردان بسير بيربطهم ببعض عشان يزيد لفات الطرمبة وبالتالي زيادة الضخ كل ما سرعة العربية تزيد او تدوس بنزين طبعا االضخ بيكون في اتجاهات معينة يعني مش كدا والسلام لا الماية بتروح عند الفرغات الي موجوده حولين جدار البستم وبعدين عند الصبابات وعدين عند قواعد البويجهات طبعا الحرارة دي بتكون ناتج الاشتعال الي بيتم بين البنزين والهواء لعملية دفع البستم والاشتعال دا مش بيتم مره او اتنين لا دا يتم الف المرات فلازم التبريد يكون مستمر

ثانيا الرديتر :
دا بيكون في وجة السياره او المقدمة ورا الشبكه علي طول لانه الشبكه دي مش فيها فتحات زينة او منظر تجميلي هي عشان تدخل هوا للرديتر
طيب الرديتر بيشتغل ازاي
اول حاجه بتدخل الماية من فوق اعلي فتحه في الجسم مش الفتحه الي في الرأس لا في فتحه في صدر الرديتر بيركب فيها خرطوم كبير دا بيكون جايب ماية سخنه من الموتور
بتمر الماية السخنه داخل انابيب فيها زعانف الزعانف دي بتعمل علي تبريد الماية من خلال الهواء الي بيمر منها تحس ان الرديتر عامل بالبلدي كدا زي المنخل بيمر منه الهواء عادي والزعانف دي الي بتخلي الهواء دا يمتص الحرار من الماية لترجع تاني مياة باردة وتتدخل علي الطرمبة من تاني وتكمل شغل وهكذا
وحركة الماية داخل الرديتر بتكون بشكل منتظم بتتدخل من الفتحة العلوية وبتنزل لتحت اخر الرديتر وترجع تترفع تاني في منتصف الرديتر وبترجع تنزل للاسفل تاني وتخرج من الفتح السفلية في اتجها الي الطرمبة
طيب بقيت الأجزاء الي قولنا عليها دي وظايفها جاية

تم نقلة لقسم التعليمى .

**AhMeD MeTwAlY** · 02-04-2014 05:01 PM

ثالثا ترموستات الحرارة :
لو تفتكرو في اول الموضوع قولنا العربيه لازم تشتغل في درجة حرارة ما بين 70-90 درجة مئوية فالترمسوتات دي وظيفتها انها تشغل العربية لما الماية توصل لدرجة حرارة معينة حسب الترموستات لان في ترموستات بتفتح عند درجة 85 وفي عن 80 وغيره وغيره من الترموستات حسب العربية وحسب وتصنيعها ودي ترموستات المروحه لو كانت المروحه كهربه انما في نوع تاني عادي هنشرحه بعدين في حالة علط الترموستات الكهربة هنقوم بنزع السلكين الخاصين بالترموستات وتوصلهم ببعض وبكدا المروح تشتغل باستمرار لحد لما نصلح الترموستات بس متنساش لما تفصل السيارة تنزل تفصلهم عشان البطارية متنمش وتتدور علي حد يزقك
وفي ترموستات تانية في الكوع ودا بيكون خارج موجود مع جسم الموتور ودا بيقفل ويفتح حسب درجة حرارة الماية بردو عشان لو العربية مش سخنه عند بداية التشغيل بتفضل مقفوله لحد لما توصل لدرجة حرار معينه الي هي يلزم فيها التبريد بتفتح وتروح للرديتر ودي لو السير اتقطع حلك الوحيد تجيب سير جديد ويفضل يكون معاك واحد احتياطي في الشنطه

رابعا مروحة التبريد :
مروحة التبريد بيبق حجمها علي حسب حجم الرديتر وقريبه من الرديتر وتعمل علي شفط الهواء داخل السيارة
وفي منها كهربة وعادي الفرق بين الاتنين بسيط
الكهربة بتشتغل اتوماتيك حسب الترموستات الاولي الي اتكلمنا عليها وساعات بتكون درجات حسب درجة التبريد المطلوبه
النوع التاني بيكون عادي ودا بيشتغل بسير وبيكون مرتبط بطرمبة الماية ودي بتشتغل مع بداية التشغيل ودي انتهت في العربيات الصغيره وبدأ الاعتماد علي الكهربة
خامسا مجموعة الخراطيم
الخراطيم الي بتقوم بتوصيل الماية من والي الموتور هما بيكون واتنين في حالة عدم وجود القربة الي هنشرح وظيفتها بعدين واحد واصل في الطرمبة ودا الي بيدخل الماية للرديتر والتاني خارج من الموتور من اعلي عشان يخرج الماية السخنه لعملية التبريد وطبعا لازم يكونو محكومين بقفزان عشان مفيش خرطوم يقع او يسرب ماية
دي الكهربة طبعا مع الاختلافي التصميم

دي العادية

سادسا القربة :
ودي زيها زي الخزان بتاع الماية بيمد الرديتر بالماية كل ما يتحتاج ماية وبيكون فيها خرطومين واحد من اعلي والتاني من اسفل وليها حد معين بتتملي وحد ادني يجب الا تنقص الماية عنه وفيها فاتحه علوية لتزويد القربة بالمياة

الخرطومين الأسفل بيمد الردتير بالمياة والاعلي بيزود القربة في حالة وجود زيادة في الرديتر
وبكدا تكون دورة التبريد انتهت والحمد لله
ولو في أي نقص في الموضوع احب اشوف التكملة او التعديل من الاخوه الأعضاء الأكثر خبره في السيارات
لكم تحياتي

MeTwAlY

**AhMeD MeTwAlY** · 02-04-2014 05:02 PM

هو الموضوع كا مزود بصور بس مش عارف راحت فين

**monamize4** · 02-04-2014 05:11 PM

المشاركة الأصلية كتبت بواسطة ahmed metwaly

سادسا القربة :
ودي زيها زي الخزان بتاع الماية بيمد الرديتر بالماية كل ما يتحتاج ماية وبيكون فيها خرطومين واحد من اعلي والتاني من اسفل وليها حد معين بتتملي وحد ادني يجب الا تنقص الماية عنه وفيها فاتحه علوية لتزويد القربة بالمياة

الخرطومين الأسفل بيمد الردتير بالمياة والاعلي بيزود القربة في حالة وجود زيادة في الرديتر
وبكدا تكون دورة التبريد انتهت والحمد لله

metwaly

مجهود رائع تسلم ايديك

عندى سؤال بعد اذنك ,, ليه فى عربيات فيها القربة متوصله بالراديتير بخرطوم
واحد فقط ؟

**monamize4** · 02-04-2014 06:41 PM

المشاركة الأصلية كتبت بواسطة ahmed metwaly

دي بتكون قربة للتزويد فقط يعني مبتخدش الزيادة وبيكون الرديتر مصمم علي كدا والعربية مجهزه لكدا

بس يا باشا الخرطوم بيكون فوق مش تحت ,, يبقى متهيألى وظيفتها مش " التزويد فقط "

**MOTOR HEAD** · 03-04-2014 01:23 AM

مشكور على المعلومات الجميله

لكن انا عندى استفسار

ايه المشكله لو كبرت حجم الردياتير مع الابقاء على ثيرموثتات الكوعه سليم و شغال ؟؟؟

**AhMeD MeTwAlY** · 03-04-2014 09:26 AM

المشاركة الأصلية كتبت بواسطة motor head

مشكور على المعلومات الجميله

لكن انا عندى استفسار

ايه المشكله لو كبرت حجم الردياتير مع الابقاء على ثيرموثتات الكوعه سليم و شغال ؟؟؟

حجم الريديتر كل ما بيزيد كل ما بيتزود الماية المستخدمه وبيدي تبريد اعلي طبعا للموتور ودا كويس وبيساعد علي سرعة التبريد بس في حالة تانية ممكن يخلي الموتور ميوصلش لدرجة الحرارة المطلوبه عشان يشتغل بالكفائه والاداء المطلوب يعني يخلي العربيه درجة حرارتها تحت 70 ودا بيأثر علي استهلاك الوقود والعمر الافتراضي
لان الموتور لما بيسخن الزيت بيوصل لدرجة من الحرار وبيكون لين شوية عن الزيت ما يكون بارد وتقيل
جرب كدا حركة الزيت وهو لسه في العلبة بتعته بدرجة حرارة عادية انما لما يتعرض للتسخين جرب كدا حركته هتلقي الحركه بقيت اسرع شوية " ودا علي حد علمي "

**MOTOR HEAD** · 03-04-2014 01:13 PM

يعنى حتى لو ثيرموثتات الكوعه موجود المتور هيفضل بارد علطول بشكل مضر ؟

الموضوع: تعرف علي نظام التبريد داخل السيارة

LinkBack

أدوات الموضوع

عرض

-

-

-

-

المواضيع المتشابهه

تسريب من مياة التبريد داخل الصالون

نظام التبريد في محرك السيارة

كيفية عمل نظام التبريد في السيارة موضوع شامل بجد

نظام التبريد للوجان

نظام التبريد

الكلمات الدلالية لهذا الموضوع

المفضلات

المفضلات

ضوابط المشاركة