الموضوع: هقدم شكوى فى جهاز حمايه المستهلك ، فاستفسار ؟

المشاركة الأصلية كتبت بواسطة gutsyguy71

السلام عليكم و رحمة الله
الاخوة و الزملاء الافاضل
كان لى تجربة مماثلة و لكن بما وصفته حضرتك ده انا كنت و مازلت فى نعمة من الله
باختصار اشتريت قاشقاى بتاريخ 6-4-2012 و بتاريخ 10-4-2012 يعنى استخدام 4 ايام فقط اكتشفت انها بتجيب زيت ... و انا شرحت موضوع الاصلاح فى مشاركة سابقة http://www.nilemotors.net/nile/285425-a.html
بعد الاصلاح انا فضلت مصر انى اخد حقى من نيسان مصر
و اشتكيت لجهاز حماية المستهلك (فى اول تجربة ليا معاهم و كنت اعتقد انهم جهة حكومية و الشكوى لا حتقدم و لا حتأخر زى اى مكان فى مصر لكن كنت مخطئ و الناس دى فعلا ممتازين)
طلبو منى شهادة ضمان السيارة موضح بيها ان ضمانها 3 سنوات صورة رخصة العربية و صورة من شهادة الاصلاح موضح بها الوصف للمشكلة و كيفية اصلاحها
و فى اقل من اسبوعين لقيت مكالمة من جهاز حماية المستهلك بيبلغونى ان موعد الجلسة بعد اسبوع و روحت فى موعدى المحدد و شرحت للجنة الموضوع و طلبت ان الضمان يمتد على الاجزاء التى تم فكها اما يصبح ضمان الموتور و الفتيس 100 الف كم بدون حد اقصى للسنوات او يصبح خمس سنوات بدون حد اقصى للكيلومترات و مندوب نيسان رفض و فى المقابل قال للجنة انه ممكن يدينى صيانتين مجانيتين فقط كتعويض ... و رئيس اللجنة قبل ما اتكلم رفض العرض و قال لنا نستنى بره حبة عشان يتوصلو لقرار
و بعد ما دخلنا تانى رئيس اللجنة قال ان الشاكى (اللى هو انا) معاه كل الحق و قدم كل المستندات المؤيدة لكلامه و بالتالى رأت اللجنة انى ضمان العربية بالكامل يصبح 120 الف كم او 4 سنوات ايهما اسبق و ذلك بالاضافة ل 4 صيانات مجانية (5 و 10 و 15 و 20 الف كم) و اذا رفضت نيسان مصر هذا الكلام (و قبل ما المندوب يعترض) يجب عليها استبدال السيارة بواحدة جديدة يختارها العميل (عشان ما يفكروش انهم يدونى واحد معيوبة او مخبوطة) و بالتالى مندوب نيسان وافق مباشرة
و فضل جهاز حماية المستهلك متابعين معايا لغاية ما بلغتهم ان نيسان مصر بعتولى ميل مطبوع بما يفيد قرار اللجنة و لغاية ما عملت صيانة 10 الاف كم و و ما قفلوش الشكوى الا لما انا قولتلهم ان كل الامور تمام الحمد لله
اوعى تتهاون فى حقك ... و حضر اوراقك و ابعتها للجهاز و ربنا حينصفك ان شاء الله

متشكر جدا لحضرتك و انا ورقى يعتبر كله جاهز : معايا كتيب الضمان و الرخصه و ورقه من اوتو ايجيبت ان فيه عيب فى قطمه الدريكسيون و عايزه تتغير كانت الورقه دى من صيانه ال ٥٠٠٠ و ورقه تانيه من صيانه ال ١٠٠٠٠ ان القطعه لسه متغيرتش و هتبقى تتغير
فانا دلوقتى اروح بكره لنسيان مصر فى اكتوبر اقولهم ياتحلولى المشكله دى حالا بطرق واقعيه يا هطلع من هنا على جهاز حمايه المستهلك ؟ ، ولا اروح بكره على جهاز حمايه المستهلك على طول ؟
شكرا حدا ليك

المشاركة الأصلية كتبت بواسطة شادى عبدالمنعم

بالتوفيق ان شاء الله تعالى وتحل مشكلتك فى اسرع وقت ممكن واتمنى استفادتك من تجربة الاستاذ gutsyguy71 .....تحياتى .

شكرا ليك :)

المشاركة الأصلية كتبت بواسطة msanad

بس يا اخى الكريم
جهاز حماية المستهلك من الاجهزة الممتازة جدا - وهيحلولك مشكلتك وبالبلدى كده هيطلعوا عين نيسان
انت جهز كل اوراقك واعمل شكوى بالتفصيل على موقع جهاز حماية المستهلك وهيجيلك حقك - ولا تكلم حد من نيسان ولا من اوتو ايجيب - هما اللى هيكلموك وهيتمنولك الرضا ترضى بالبلدى :)))
عن تجربة سابقة مع نيسان وحماية المستهلك

شكرا ليك انا املى فى ربنا كبير و ربنا جعلكوا سبب ليا
شكرا :)

أنا جربت حمايه المستهلك في موضوع تافه جدا مقارنه بموضوعك -الله يصبرك و تاخد حقك - الناس فعلا تحس إنك بتتعامل مع حد من أوروبا .. مش معقول جهه حكوميه أبدا ..
توكل ع الله و ربنا معاك

معلومة : لما غيرت قطمة الدركسيون عندي في التيدا لنفس سببك وهو نقر في الدركسيون في اوتو ايجيبت
النقر راح ورجع بعد شهر ورجع معاه لمبة اير باج، الي عرفته بعد كده لما كشفت عليها برا انهم بوظوا السبرينج إلي ما بين الإير باج غطاء الطارة،،

حمايه المستهلك وفي اقل من اسبوع هتكون عربيتك اتصلحت او خدت عربيه جديده

المشاركة الأصلية كتبت بواسطة mostafa magdy

أنا جربت حمايه المستهلك في موضوع تافه جدا مقارنه بموضوعك -الله يصبرك و تاخد حقك - الناس فعلا تحس إنك بتتعامل مع حد من أوروبا .. مش معقول جهه حكوميه أبدا ..
توكل ع الله و ربنا معاك

و نعم بالله
شكرا :)

المشاركة الأصلية كتبت بواسطة omar_4ever

معلومة : لما غيرت قطمة الدركسيون عندي في التيدا لنفس سببك وهو نقر في الدركسيون في اوتو ايجيبت
النقر راح ورجع بعد شهر ورجع معاه لمبة اير باج، الي عرفته بعد كده لما كشفت عليها برا انهم بوظوا السبرينج إلي ما بين الإير باج غطاء الطارة،،

ربنا بكون فى عونك
اوتو ايجيبت سيئين جدا و واخدين سمعه على الفاضى انا برده للاسف كل صيناتى كانت عندهم لكن الى عرفته بعد كده من كذا واحد ان مودرن موتورز الى فى ابو رواش برده افضل منهم
شكرا