الموضوع: هقدم شكوى فى جهاز حمايه المستهلك ، فاستفسار ؟

روح عدى عليهم زى ما قلت فى المصنع الاول و شوف ردهم ايه
او ما عاجبكش اطلع على حماية المستهلك طبعا و ان شاء الله حيجيبو ليك حقك

و ابقى طمنا عملت ايه

باشا
انت غلطة غلطة كبيرة جدا انك صبرت كل ده. كان المفروض من أول ملاحظت أن فى مشكلة في العربية كنت رجعتها على طول و كان قانون حماية المستهلك هيبقى في صفك. أنا لسه طالع من تجربة مع توكيل رينو . و الحمد لله تم استرداد المبلغ و ذلك بفضل جهاز حماية المستهلك آخر أجهزة الدولة المحترمة. على كل حال ملحوقة. أهم حاجة قبل ما تتقدم بالشكوى لازم يكون معاك كل الأوراق اللى بتثبت وجود مشكلة بالعربية و بتثبت محاولات حضرتك لحل الموضوع وديا. وربنا يوفقك.

المشاركة الأصلية كتبت بواسطة ah.farid

ابقى طمنا عملت اية ؟

عملت شكوى فى جهاز حمايه المستهلك
شكرا لحضرتك :)

المشاركة الأصلية كتبت بواسطة sharky

روح عدى عليهم زى ما قلت فى المصنع الاول و شوف ردهم ايه
او ما عاجبكش اطلع على حماية المستهلك طبعا و ان شاء الله حيجيبو ليك حقك

و ابقى طمنا عملت ايه

دول اسوء ناس ممكن تتعامل معاهم ، انا كنت قررت اطلع على جعاز حمايه المستهلك على طول و لما روحت كان فيه ورقه ناقصه الى هيا فاتوره شراء العربيه علشان ياخدوا منها تاريخ الشراء و يبقى ده تاريخ ضمان العربيه ، المهم الورقه دى مش معايا دى فى ملفى فى المرور فالراجل الى فى الجهاز قالى خلاص فيه اول ورقه فى كتاب الضمان اسمها تعريف السباره حاجه كده المفروض يلقى مكتوب فيها تاريخ الاستلام و يتختم من نيسان وهو عندى فاضى فطلب منى انى اروح نيسان املا الورقه دى و يختموها ، طلعت من عنده و روحت المصنع فى اكتوبر الى فى الاستقبال يقولى لا يا فندم الورقه دى مبتتعملش من عندنا انا اول مره اصلا حد يجيلى عايز حاجه كده دى تعملها عند القرش الى شارى منه العربيه ، قولتله هو حضرتك انا عربيتى ايه ؟ نيسان و انتوا مين ؟ نيسان ! و عربيتى مش خليجى ! عربيتى وكيل ! ولما جيت افعل الضمان فعلته عندكوا مش عند القرش ! ولما بعمل الصيانه عملتها عندكوا مش عند القرش ! انت عايز تقنعنى ان بيانات العربيه مش عندكوا ازاى امال انا مفعل الضمان فين ما عندكوا انتوا ! المهم حوارات من دى يجى نص ساعه و يدخل و يخرج يقولى نفس الكلام وانا اقوله مش مقتنع لحد ما تالت مره دخل فيها خرج و قالى دى طلعت مختومه اهى بس فى الجزء الى بالانجليزى ، قمت واخد الحاجه و مشيت و روحت تانى يوم قدمت الشكوى
شكرا لحضرتك :)

المشاركة الأصلية كتبت بواسطة dr.a.osman

باشا
انت غلطة غلطة كبيرة جدا انك صبرت كل ده. كان المفروض من أول ملاحظت أن فى مشكلة في العربية كنت رجعتها على طول و كان قانون حماية المستهلك هيبقى في صفك. أنا لسه طالع من تجربة مع توكيل رينو . و الحمد لله تم استرداد المبلغ و ذلك بفضل جهاز حماية المستهلك آخر أجهزة الدولة المحترمة. على كل حال ملحوقة. أهم حاجة قبل ما تتقدم بالشكوى لازم يكون معاك كل الأوراق اللى بتثبت وجود مشكلة بالعربية و بتثبت محاولات حضرتك لحل الموضوع وديا. وربنا يوفقك.

شكرا جدا لحضرتك انا فى الاول كنت مفكر انى بتعامل مع شركه محترمه يعنى بتعامل العملاء باحترافيه لانها المفروض اقل شئ بتخاف على اسمها وانا فعلا عملت شكوى فى جهاز حمايه المستهلك
شكرا لحضرتك :)

هل تم حل المشكلة من جهاز حماية المستهلك؟

يا فندم اطلع علي طول علي المصنع في المنطقه الصناعيه في 6 اكتوبر انا والله مغير منهم عربيه نيسان صوبر صالون موديل 2011 بواحده تانيه موديل 2012 وكانت العربيه مقلوبه ومتدغدغه ومرميه في توكيلهم في اسكندريه بس بردو كان عيب صناعه والناس مقصروش بس انتا خليك حازم معاهم واديهم وقت شويه وان شاء الله الموضوع هيتحل