الموضوع: لغيت حجز البيجو :(

المشاركة الأصلية كتبت بواسطة TryToB

الحمد لله ربنا سهلها و فترة الحجز بتاعه البيجو خدمتنى فى انى قدرت اجمع مبلغ زيادة كافى لشراء الداستر 4*4.

حزين انى هاسيب مجموعة الاسود و مش هتابع اسود ال 301 زى زمان و خصوصا احمد امين و ابو هند ونونا اللذيذة و ناس كتير يا ريت ما يزعلوش منى انى ما ذكرتش اسمهم بس اكيد هتكونوا فرحانينلنى لان الداستر هتبقى مناسبة لاستاذ عمر "4 شهور".

اتمنى للجميع ربنا يباركلهم فى عربياتهم و يكفيهم شرها و يا ريت اللى ما استلمش يستلم على خير و يا ريت الوكيل يشوف حل فى موضوع فترة الانتظار اللى بتخلى اى حد دمافه تلف تلف كل يوم 100 مرة :)

ياباشا والله أنت اللي هتوحشنا,,
وهتابعنا برضه ومش بمزاجك وإلا هنسيب عليك الأسود.

أنت كنت ردودك محايدة, ومحترمة,, وعن فهم خبرة,
وأنا عن نفسي لما كنت بلاقي رد ليك في أي موضوع كنت لازم أوقف عنده وأقراه لأخره لأني كنت بستمتع بردودك وفهمك.

ربنا يبارك لك في الداستر عربية جميلة, ومناسبنا لطرق بلدنا الجميلة.
وربنا يخليك لك أستاذ عمر وتفرح بيه دايماً يارب.