مشكله اخري مطلعه عيني بجد

**waelfit** · 27-03-2014 01:09 PM

هل من مجيب يا استاذ احمد

**gadoo30** · 27-03-2014 02:09 PM

المشاركة الأصلية كتبت بواسطة hamisa08

اولا اتاكد انا الرياداتير عندك سليم مش بيسرب

ثانينا بص على المواسير ممكن يكون الريداتير تمام بس فى ماسورة متاكلة او فيها خرم صغير بيهرب مياه ويدخل هواء

ثالثا علشان درجة الحرارة تكون ثابتة معاك واقفة او بتجرى ركب ثرومستات كوعة او اكشف عليها او غير ها لو محتاجة تتغير

واخيرا اتاكد ان غطا الريداتير عندك سليم

الله ينور عليك

**gadoo30** · 27-03-2014 02:20 PM

فية واحد بتاع ريداتيرات كويس ادام باب مستشفى منشية البكرى فى الشارع الجانبى ادام الباب

**waelfit** · 27-03-2014 02:44 PM

مستشفي الكلب صح

**waelfit** · 27-03-2014 03:39 PM

حد عند اي اقتراح تاني

**Abo_Mazen** · 27-03-2014 05:53 PM

المشاركة الأصلية كتبت بواسطة waelfit

حد عند اي اقتراح تاني

آه ..أنا عندي إقتراح تاني ..روح لميكانيكي يكون صايع ..عارف حضرتك يعني يكون ميكانيكي مجابتوش ولاده ..ميكانيكي كده مفتري في صنعته ..وهو يديك فتوى صح في الموضوع ده ..يقولك بقى ده وش سلندر ..جوان وش سلندر ..سدد في الريداتير ..المراوح بتشتغل بس الثرموستات في مشكلة ..المهم إن الميكانيكي المفتري في شغلته ده ..يديك الفتوى التمام اللي تخليك تتحرك صح

**borio1704** · 28-03-2014 12:12 AM

ما دام الحرارة بتوطى لما بتتحرك.. فده معناه إن التبريد ضعيف.. وده ممكن ييجي من كذا سبب

أولا.. المية قليلة نتيجة تسريب في الدايرة... بس أنا مش شايف إن السبب هو التسريب

ثانيا... المية مش بتتقلب بالمعدل الكافي... واحتمال يكون فيه عيب في الطرمبة

ثالثا.. الهوا اللي بيبرد الرادياتير مش كفاية... وده ممكن يكون من المروحة أو ممكن جدا يكون الرادياتير مسدود بتراب وقش ... أو ممكن تكون الريش بتاعته متآكلة

على فكرة... ثرموستات الكوعة بيساعد على التبريد.. على عكس الفكرة السايدة بين الناس.. فلو متشال من العربية من الأفضل ترجعه.

...