مشكله طلعت عيني في ال 504

**nabaster** · 11-12-2008 01:13 PM

الاول يا شباب سلام عليكم وكل سنه وانتو طيبين

دلوقت يا شباب كان عندي مشكله في ال 504 دلوقت الي بيحصل كالاتي والمشكله دي ليها 4 شهور :

دلوقت بدات الحكايه ان العربيه وانتا ماشي تقطع منك جامد ومهما ظبطت رجل البنزين مع دبرياج وتسايس العربيه تطفي
طبعا باخد يميني خالص واركن اجي اشغل العربيه تشتغل فل وتشتغل في السلانسيه فليين ان شاء الله تلات ساعات
اجي اطلع مكملش 30 متر وتعمل نفس الحكايه اركن بردو لو سبت بقي العربيه ساعه ساعتين مثلا ارجع تمشي شويه بقي اكتر يعني ممكن تروحني البيت لو سبتها تريح ساعه
المهم روحت البنزينه مونت العربيه وماشيه زي الفل ولا في مشاكل ولا حاجه اجي بقي في الاخر (اقصد اخر شرطتين في العداد) تعمل نفس الحكايه وتبان امتي بقي لو قرصت في العربيه لاكن لو انتا مشيت هادي هتبقي زي الفل معاك تقرص فيها تقطع وتتبهدل
دلوقت بقي التانك مليان تلات تربعه وبرده المشكله زي ما هيا شغاله حاليا العربيه ركنتها
وادي يا جماعه الحاجات الي عملتها فيها:

1- تغيير نص التانك الي تحت (الميكانيكي قال ممكن يكون في صدا جوه بيسد الخراطيم والكربراتير ومنه علي البكات).
2- تغيير طرومبة البنزين (مرتين).
3- فك الكربراتير وتنضيفه (قبل وبعد فك ولحم التانك).
4- اخر حاجه تغيير فلتر البنزين (مرتين برده).

دلوقت ايه الحل يا جماعه ويعني ايه حاجه اسمها تانك يبوز؟؟؟
يعني ايه حاجه اسمها التانك يتغير؟؟؟ التانك سليم ومفيهوش اي تسريب ولا مكسر ولا مخبوط ولا اي حاجه.
مع العلم تانك ال 504 الجي ار 570 جنيه وبدون فصال.

يا شباب فعلا محتاج مساعدتكم ياريت بسرعه شيرو عليا اعمل ايه وهل حد حصل معاه ده قبل كده مستني ردودكم وكل سنه وانتم طيبيين :k10:

**mohamed_rhem** · 11-12-2008 01:54 PM

جرب تشيل التانك وتجرب بجركن مكانه انا شوفت ناس عامله كده هو خرطومين
واحد بيغذي الطلمبه وواحد للفايز والبيجو اكيد الطلمبه مش في التانك فجرب الموضوع ده لو اتحلت بيقي المشكله في التانك لو فضلت بيقي ممكن في المواسير
لان التانك فعلا ممكن يكون تأكل

ابو اياد

**nabaster** · 11-12-2008 02:05 PM

جرب تشيل التانك وتجرب بجركن مكانه انا شوفت ناس عامله كده

اولا يا باشا شكرا جدا علي اهتمامك انا يا باشا عندي التانك تحت مش في الشنطه هتبقي مشكله لو عملت كده وعموما بردو هحاول اجرب الحل ده

التانك فعلا ممكن يكون تأكل

التانك يا باشا سليييييييييييييييم اتفتح قدامي من جوه واتغير نصه الي من تحت
التانك من جوه القصدير الي من جوه عليه زي ماهو ومتاكلش ولا اي حاجه

**mohamed_rhem** · 11-12-2008 03:26 PM

شوف الخراطيم
طيب امال ايه حكاية ان التانك عايز يتغير
انصحك تروح الحرفيين حتلاقي ناس هناك متخصصين
ثانيا الميكانيكي اللي قالك ان التانك عايز يتغير
اقولك تعمل معاه ايه
قوله ابعت هاته ونتحاسب
ولو طلع العيب مش فيه يتعامل هو مع بتاع قطع الغيار
او تقوله لو المشكله مش فيه تحاسب انت عليه وتركبلي القديم
وبصراحه مشكله غلسة قوي الناس اللي مش فاهمه شغلها وتخليك تغير حاجات ملهاش لازمه نصيحه روح لواحد شاطر حيريحك
علي فكره موضوع الجركن ده كان معمول في بيحو استشن 504 جي ال 79 فتيس في الزور
يعني تنفع عندك بأذن الله

**nabaster** · 11-12-2008 10:28 PM

يا شباب والله شكرا ليكم جدا ولاهتمامكم
بصو كده الي انا عملته انهارده
بس مبدايا انا من اسيوط وبتعامل مع واحد معروف انه ملك البيجو هوا اينعم حراااااااق موووووت بس برنس في البيجو اصراحه وعنده كل حاجه التانك وكل حاجه هوا بيجيب اصلا عربيات كامله ففكرتك يا محمد كانت هتنفع معاه بس هوا شويه مغرور ومبيحبش حد يعدل عليه انا لاقيت الدنيا كده وهدبس في تانك جديد قلت اعمل محاوله الاول
روحت لواحد تاني اقل منه في الحرفنه بس بياخد ويدي مع الزبون( من الاخر بيعرف يتعامل) وبقينا بقي ماشيين واحده واحده يعني عيوب التقطيعه دي ايه؟؟؟
طقم كهربا - موبينه- خراطيم - تانك- طرمبة البنزين- الفلتر مش نضيف - الكربراتير مش نضيف
بقينا بقي ماشيين واحده واحده علي كل حاجه

1- قالي التانك ميه ميه ومفيهوش اي حاجه
2- طرمبة بنزين جبنا واحده جديده فرنساوي(زي الي راكبه بس كل واحد ورايو اعمل ايه بس)
3- الفلتر غيرو وهات واحد تركي جديد (ماشي يا عم موافق)
4- الكربراتير هنشوف البكات ونضفها هيا وافواني ( ماشي يا عم والي عايزه اعمله بس العربيه تتصلح)

انا متابعه وشايف انه ماشي صح

5- موبينه كان عنده موبيه حطها ونفس العيب برده
6- طقم الكهربا سليم وشغال زي الفل مش محتاج يتغير
7- فاضل بقي ايه؟؟؟؟ الخراطيم دي بقي جاب منفاخ عجل وحطه في بوز الخرطوم من قدام وقاعد ينفخ فيه

اطلع بقي جرب( اصلا بعد كل مره من دول لازم نطلع نجرب ونلف بالعربيه واقرص فيها ويظهر فيها نفس العيب) المهم اطلع بقي المره دي اجرب العربيه تمشي زي الفل اقرص فيها جامد زي الفل (لدرجة فتحت في طريق هنا عند منقباد جبت فيه الـ160 مع انه ميسمحش بالسرعه دي) المهم بسم الله ما شاء الله شغاله فل الفل
قالي بقي في الاخر التانك عايز يتفك يتنضف بقي بس اليل كان جه وهروحله بأذن الله السبت
قلتله كل ده اتعمل في الاول ليه بقي نطقت دلوقت قالي العمل الشغل ده كله قبل كده منضفش الخراطيم ولو نضفها ممكن ميكونش نضفت معاه كويس المفروض كان ينضفها والتانك محلول

ودي كل الحكايه الي حصلت انهارده

في الاخر بشكركم جدا علي ردودكم وعلي اهتمامك وكل سنه وانتو طيبين يا احلي شباب في اروع منتدي

**bassem.naguib** · 12-12-2008 12:17 AM

كانت عندي نفس المشكلة ومجنناني على الأخر ومخلياني متعكنن .. وفي الأخر الميكانيكي بتاعي ناصح شويتين .. لأنه ملفش اللفات الكتيرة اللي عملتها دي .. كل اللي عمله جرب البوبينا وسلوك البوجيهات .. مطلعوش هما .. قام فاكك خراطيم البنزين من ناحية الكربراتير وحاطط كمبيروسر فيهم ونفخ فيهم .. أجارك الله من اللي طلع منهم .. وفعلاً العربية فاقت جداً .

-

-

-

الموضوع: مشكله طلعت عيني في ال 504

LinkBack

أدوات الموضوع

عرض

مشكله طلعت عيني في ال 504 - انشر الموضوع فى :

-

-

-

-

المواضيع المتشابهه

شخص اتقتل قدام عيني

شقة طالعة من عيني

يا عيني في اللي حصل لل bmw اية دة !!!!!!!!!!!

الفيوزات اللي طلعت عيني ... ارجو المساعده

مشكله صغيره بس طلعت عنيا ومحتاج مساعدتكم

الكلمات الدلالية لهذا الموضوع

المفضلات

المفضلات

ضوابط المشاركة