الميجان بتبطل ارجو المساعدة

**Ahmed Selim** · 30-03-2014 03:27 PM

المشاركة الأصلية كتبت بواسطة Super_Star_h

انا كان عندى من قريب تسريب زيت ومبهدل الدنيا الجمب الشمال
وغيرت اول سيل الكامه الامامى والخلفى واول سيل الدفيزور وسير التقسيمه والدينامو
والمشكله دى متحلتش بسهوله لانه بعد ما ركب كل حاجه لاقينا ان اويل سيل الدفيزور لسه بيجيب زيت وحلينا الجمب تانى
وطبعآ كل حاجه فى المكنه جى عليها زيت ونضفت بصعوبه
انا شاكك فى الكويلات لان كان فيه كويل الكوتشه بتاعته مقطوعه ولحمتها
وبعدين جبت كاوتشه سليمه وركبتها بس مش بتاعتها
هل ممكن يكون الكويل نفسه باظ ؟ واعرف ازاى ان الكويلات كلها سليمه ؟

هتفك الكويلات واحد واحد بالتبادل

اللى صوت المكنة هيبرجل بعد ما تشيله يبقى سليم و شغال.

اللى تشيله و تلاقي صوت المكنة زي ما هو يبقى ده بايظ.

بس عادة لو هو قاطع هتلاقي صعوبة فى السحب و الطلعات و هتلاقي رسالة check gearbox

**eng.mfawzi** · 30-03-2014 08:04 PM

متابع

**Super_Star_h** · 03-04-2014 10:54 AM

المشاركة الأصلية كتبت بواسطة ahmed a.maksoud

هتفك الكويلات واحد واحد بالتبادل

اللى صوت المكنة هيبرجل بعد ما تشيله يبقى سليم و شغال.

اللى تشيله و تلاقي صوت المكنة زي ما هو يبقى ده بايظ.

بس عادة لو هو قاطع هتلاقي صعوبة فى السحب و الطلعات و هتلاقي رسالة check gearbox

روحت للمكانيكى وجرب الكويلات زى ما انت قولت
الكويل التالت مش حاسه المكنه بيه
وللأسف جربنا كويل جديد من عنده مش نافع برضو
وبدلنا كويل من الكويلات التانيه اللى شغاله مش نافعه برضو
قالى كده البستم ده فيه مشكله !!
والبوجيه طالع مفحم !
بس فى ناس قاللتلى ممكن يكون عيب فى الرشاشات عايزه تتنضف
مع ان العربيه فى السحب مافيهاش مشكله وبسافر بيها وبجيب ال 150 ولو عايز افتح كمان عادى !

**Ahmed Selim** · 03-04-2014 12:36 PM

ممكن تكون المشكلة دي من ساعة ما أنت جبت العربية و أنت مش واخد بالك علشان كده حاسس ان السحب كويس ؟

طبعاً هتشوف الرشاشات الأول علشان تشوف البنزين اللى داخل على البستم ده أخباره أيه و تدفقه عامل إزاي.

لو طلع المشكلة من الرشاش يبقى خير و بركة......و لو مطلعش من الرشاش.....مش عارف بصراحة ممكن يكون أيه المشكلة تاني.

**أسامه الحسيني** · 16-04-2014 03:33 PM

متابع

**MohammedAladel** · 16-04-2014 06:11 PM

المشاركة الأصلية كتبت بواسطة hany saad

دى مشكلة حساسات.....
حساس سرعة أو حساس كرنك
حساس السرعة هتلاقى العربية مش بتدور و علشان تلقط لازم تعلى الأر بى أم و أنت بتدور فوق 3 علشان تلقط
حساس الكرنك هتلاقيها بتبطل لوحدها لو طالع مطلع و العربية باردة أو كده....
و طبعاً ممكن تكون فيشة ده أو ده.....
أكشف كمبيوتر و شوف مين فيهم مسجل error....نظف الفيش كويس بال wd40 و دور و شوف error هيظهر تانى و لا لأ....لو ما ظهرش بعد التنظيف يبقى تمام أما لو ظهر يبقى تغير حساس.....

الرجة ممكن تكون قواعد....فيه 2 للموتور و واحدة للجيربوكس....هما دول اللى بيدوا احساس الرجه و ان الموتور سايب....أكشف عليهم....

بالنسبة للقواعد نحن نقول فعلاً 2 للموتور وواحدة للجيربوكس ولكن الحقيقة أن الشداد السفلى متصل فى الفتيس عند نقطة اتصال المحرك بالفتيس
لذلك 2 للفتيس وواحدة للمحرك ولكن لن يفرق كثيراً لأن الفتيس والمحرك جزء واحد فى حوض السيارة

**Super_Star_h** · 17-04-2014 02:17 AM

المشكله دى كانت فى الماتور نفسه وليس عيب كويلات او كهربا
الماتور كان بيلتقط انفاسه الاخيره لغايت اما بقى يرزع
ولما اتفك طلع وش السلندر مش نافع وكمان البساتم مبوشه
واشتريت ماتور وريحت دماغى

**Super_Star_h** · 17-04-2014 02:20 AM

وموضوع التبطيل والدواره ده كان عيب فى الضفيره والفيش

-

الموضوع: الميجان بتبطل ارجو المساعدة

LinkBack

أدوات الموضوع

عرض

-

-

-

-

-

-

المواضيع المتشابهه

ارجو المساعدة ، العربية بتبطل و انا ماشي

فيرنا بتبطل لوحدها ارجو المساعدة !

نيسان صني 2005 اوتوماتيك بتبطل مني ارجو المساعدة ارجوكم

ارجو المساعدة عشان تعبت - العربية بتبطل

الفيرنا بتبطل منى ارجو المساعدة..

الكلمات الدلالية لهذا الموضوع

المفضلات

المفضلات

ضوابط المشاركة