الموضوع: الميجان بتبطل ارجو المساعدة

المشاركة الأصلية كتبت بواسطة Super_Star_h

السلام عليكم

الميجان بتعتل فى الدواره شويه وساعات مش بترضى تدور الا بعد عدة محاولات كتيره
صوت مرش وبس !
وبطلت منى كذا مره على السلانسيه وانا ماشى !
وساعات تدور طبيعى جدآ واركنها واجى ادور تانى مترضاش !
عيب ايه ؟ ممكن يكون الطرمبه او فلتر البنزين مثلآ ؟
وعندى مشكله تانيه ان العربيه فيها رجه خفيفه كده وعلى السلانسيه والسكه واقفه واجى ادوس فرامل العربيه بترج على خفيف
مع العلم انى لسه مغير السيور من قريب ولكن المشكله لسه موجوده

دى مشكلة حساسات.....
حساس سرعة أو حساس كرنك
حساس السرعة هتلاقى العربية مش بتدور و علشان تلقط لازم تعلى الأر بى أم و أنت بتدور فوق 3 علشان تلقط
حساس الكرنك هتلاقيها بتبطل لوحدها لو طالع مطلع و العربية باردة أو كده....
و طبعاً ممكن تكون فيشة ده أو ده.....
أكشف كمبيوتر و شوف مين فيهم مسجل error....نظف الفيش كويس بال wd40 و دور و شوف error هيظهر تانى و لا لأ....لو ما ظهرش بعد التنظيف يبقى تمام أما لو ظهر يبقى تغير حساس.....

الرجة ممكن تكون قواعد....فيه 2 للموتور و واحدة للجيربوكس....هما دول اللى بيدوا احساس الرجه و ان الموتور سايب....أكشف عليهم....

هي القصة دي بتحصل و العربية سخنة و بعد مشوار طويل ؟

بص يا باشا.....فيه حاجة حصلت قبل كده معايا

ساعات بيبقى فيه تسريب زيت من أويل سيل الكرنك الخلفي......التسريب ده مع الوقت بينزل على حساس (غالباً الكرنك بس مش متأكد ) مع الوقت.....التسريب بيأثر على جودة الحساس.

بس حتى قبل ما يأثر على جودة الحساس.......لما تاخد مشوار طويل و خصوصاً لو الجو حر شوية..... و بعد كده تبطل تلاقيها مش راضية تدور بسهولة.....هيبقى غالباً هو.

و فى الحالة دي لازم تتأكد من جودة الحساس و تصلح التسريب الأول ( التسريب تصليحه مش قصة......بس مصنعيته غالية علشان فيه فك كتير)

التسريب ده ممكن يبان بالعين المجردة بس لو حد عارف مكان الأويل سيل.