الموضوع: تخليط البنزين مضر 80 مع 92

شكرا ياجماعة علي المعلومات، بس المشكلة اساسا في اني عايز اخلط غلي تمن تفويلة البنزين، ومفيش بنزين 90 في السوق.

اكبر غلطة بيقع فيها السائقين هو خلط البنزين
وده خطأ كبير جدا
يجب ان نستقر على نوع بنزين واحد فقط
ولكن ما هى مقولة ( بيغيروا برمجة الكمبيوتر و الرشاشات عشان تشتغل فى مصر ) هل هذا يحدث في السيارات التي يتم استيرادها لمصر
وهل هذا يؤثر على عمر العربية
برجاء الرد والتوضيح

المشاركة الأصلية كتبت بواسطة maheralsisi

سيدى الفاضل و هل يختلط الزيت بالماء ؟؟؟
انت كده بتبرجل العربية لاسباب كتير
اولا معروف ان الكثافة مختلفة فمش هايتخلطوا ببعض زى ما حضرتك فاهم و تاخد اوكتان متوسط لا ابدا
كل الحكاية ان واحد هايبقى اخف من التانى فهيبقى فوق و التانى تحت و اظن ان ال 92 هو اللى هايبقى فوق و العوامة كده كده بتسحب من اللى فوق يعنى 92 هايخلص تلاقى العربية شعالة ع ال 80 تانى و طبعا حضرتك مرة واحدة هاتحس ان العربية خنقت منك و سحبها ضعف و مش هاتبقى عارف السبب .
ثانيا العربية لو كاربراتير الميكانيكى بيسألك انت شغال بنزين ايه او ما بيسألكش و بيظبط ع اللى موجود فى العربية بصوت الماتور و الار بى ام
ال 80 كهربا اعلى . مقاس بيكات اكبر و بوجيهات اقوى
ال 90 العكس
بالنسبة للانجكشن انت كده بتبرجل الماتور و كمبيوتر العربية
لان ( على حسب معلوماتى المتواضعة ) مثلا العربيات الجديدة كلها حد ادنى 95 و لما بتنزل مصر بتنزل بنفس الماتور و كله بس بيغيروا برمجة الكمبيوتر و الرشاشات عشان تشتغل فى مصر 92 يعنى التغيير بيبقى فى عقل العربية عشان تقدر تقاوم
و طبعا مع كده بتبتدى المشاكل و الشكوى من عمر الماتور و الصيانة و السحب
و اظن اقرب مثل لكده كان فى البيجو و المرسيدس السنة اللى فاتت
النهاية حضرتك هاتمشى ب 80 ماشى بس يبقى 80
92 مافيش مشكلة بس يبقى كده دايما 92 انما ما تبدلش لأن البدل أذى للعربية على المدى الطويل
ناهيك طبعا عن سداد الفلاتر فى ال 80 ووساخة التنك و سداد الكاربراتير و الرشاشات
ده لو ما طلعش مضروب اساسا

كلام سليم سليم سليم و هى دى الخلاصه و بكرر هتحط 80 يبقى 80 كلو و متخافش من المشاكل الموضوع قله فى السحب بس لكن و لا وسخ و لا التنك هيتسد و لا الكلام القديم دة انا شغال على البنزين ال 80 من 3 سنين و مفيش اى مشكله حصلت معايا و بحطه فى عربيات مش عاوز اقلك عشان اعضاء المنتدى ممكن يجولى البىت و يسحبو منى العربيه عقاب على اللى بعملو ..... و بكرر كلام العضو خلط البنزين برجله للموتور لانك لو عرفت دورة البنزين و عقل العربيه شغالين ازاى مش هتقول الكلام دة ..... الموضوع دة عامل زى ما يكون واحد عازم التانى على وجبه محترمه على الغداء و مستخسر فيه العزومه و حاططلو طبق فول جنب الاكل عشان يشبع

المشاركة الأصلية كتبت بواسطة alzelafy

الموضوع دة عامل زى ما يكون واحد عازم التانى على وجبه محترمه على الغداء و مستخسر فيه العزومه و حاططلو طبق فول جنب الاكل عشان يشبع

هههههههههههههههههه

المشاركة الأصلية كتبت بواسطة mohamedsotohy

هوا ايه اللي عادي ده
ده اسمه تهريجججججج

ا/محمد انا جايب مونديو 98 اتوماتك 2000 cc ،ومشكلتها باختصار انها بتنتش فى نقل الغيارات والار بى ام طبعا بيطلع وينزل تحس ان العربيه مش قادره تنقل الغيارات وف الغالب مش قادر ازود عن ال 60 بسبب النتش دا ..ممكن تفيدنى بخبرتك
دا ممكن يكون ايه ..
ولو ممكن بردوا تدلنى على كهربائى نظيف و لينك كتالوج المونديو 1998 ... 2000 cc

وجزاكم الله خير