الموضوع: مشكلتى مع السياره الجميله

المشاركة الأصلية كتبت بواسطة shehabhopazone

كنت عاوز اسال الاخ العزيز تزت عنخ امون اكتر من سؤال للجين 2
1- ازاى افتح موتور و انا عامل دلوقتى 7200 كم
2-اعاده تهيئه العربيه
3-لازم كل الصيانات تون في التوكيل
4-دائما في السياره العداد كاتبلى ان استهلاك البنزين يوم ما يكون قليل بيبقى 10.2 و بعدين يسوصل ل 11 حتى على طريق السفر......

حلو الاسم الجديد اللي انت ادتهولي ده :k20:

بُص يا باشا
1 - أنت عملت تليينك ازاي ؟؟؟؟ و ايه هي أقصى سرعة جبتها بالعربية ؟؟ و بتستخدم بنزين اوكتانه كام ؟؟؟ و من محطة نظيفة و لا لاءة ؟؟؟ و زيت العربية نوعه أيه ؟؟؟ و نوعية قيادتك ( سريع أو مدن ) ؟؟

2 اعادة التهيئة دي تتعمل لو عملت كل اللي فوق صح و مجبتش نتيجة

3 طبعا علشان الضمان

4 ... أعمل اعادة تهيئة للعداد
و أمشي على سرعة 80 لمدة 10 كم على الغيار الرابع أو زود ل 90 على الغيار الخامس و لنفس المسافة و قولي عملت معاك أيه

لو الإستهلاك قل ....... يبقى كله تمام و تسوق بنفس الطريقة دي علشان تأخد الإستهلاك ده
لو مقلش يبقى أنت عندك مشكلة
و ممكن تكون اعادة تهيئة للشريحة الإلكترونية مع بوجيهات أو بنزين كما أسلفت ووضحت من قبل

بس أهم حاجة تجاوبني عن رقم 1 علشان أقدر اديك معلومات مفيدة إن شاء الله

أخوك توت

السلام عليكم و رحمة الله و بركاته
الأستاذ شهاب
أولا أنا عايزك تعرف حاجة مهمة جدا
مش علشان شوفت واحد أو أثنين بيغيروا مساعدين أو أي حاجة في العربية ........ تبقى العربية وحشة
لأن كل واحد له طريقة في السواقة

و أغلب ملاك الجين 2 من الشباب الصغير في السن و طبعا دول كدا كدا بيسوقوا بسرعة و بجنون ( عذرا الأخوة الزملاء صغار السن )
بالاضافة أنهم فاكرين أن الجين 2 لازم تتساق زي عربيات السباق

الجين 2 مش عربية سباق
الجين 2 راكب فيها موتور 1600
صحيح هو جامد بس في الأخر مش سباق
و صحيح عفشتها جامدة بس ليها قوة تحمل

الناس بتشتري الجين 2 و فاكرها عربية سوبر هايدخل بيها في الحيط و يطلع سليم

أي عربية في الدنيا ........... و بأكرر أي عربية في الدنيا
ألماني أو ياباني أو كوري أو هندي أو أي عربية

هاتهينها و تستعملها وحش و تأكل مطبات بعدم اعتناء و تجري و تحرق على الموتور
العفشة هاتبوظ و الموتور هايستهلك بنزين كتير


يبقى السر في أيه ؟؟؟
الإهتمام بالسيارة و الإعتناء بيها و معاملتها معاملة عادية و ليس على أنها سيارة سباقات لأنها ليست سيارات سباقات

و حتى لو سيارة سباقات
سيارة السباق مصنوعة علشان تدخل سباق أو أثنين و بعد كدا بيرموها في الزبالة
علشان كدا بيحرق و مش بيهمة ......... لأن الغرض الأساسي فيها هو الفوز بالسباق و ليس الحفاظ على السيارة


نرجع لموضوعك المهم
أنا عايزك تطمن إن شاء الله
أنا أعرف 3 غيري معاهم العربية
واحد معدي 90 ألف ....... و يمكن يكون عامل أكتر دلوقتي
و عربيته مفيهاش حاجة و مغيرش حاجة في الموتور و لا العفشة

و صديقين أخرين
كلاهما تخطى حاجز 30 ألف كم و لم يشتكوا من شئ و لم يغيروا لا عفشة و لا يحزنون

بالنسبة لعربيتك بقى
هل عملت اعادة تهيئة للعداد أم لا ؟؟؟؟
هل جربت استخدام منظف رشاشات ؟؟؟؟
و مرة أخرى منظف رشاشات و ليس منظف دورة الوقود
يجب الأنتباه عند الشراء
قياس الإستهلاك الفعلي أفضل من الإعتماد على العداد
لأن العداد بيعطيك مؤشر لطريقة قيادتك و ليس الإستهلاك الفعلي
يعني أنا مثلا العداد يكون قاري معايا 422 كم فاضلين مع الموجود من البنزين و بعد ما أقطع 20 كم مثلا ..... ألاقي العداد لسة عند 420 ......... لان مش بحرق على العربية
و أول ما أحرق ألاقي العدد نزل ل 400 مثلا ...... و أرجع أمشي طبيعي ألاقي العدد أرتفع تاني ل 415 مثلا

لذلك يجب قياس نسبة الإستهلاك الفعلي و ليس من قراءات العداد

حاجة تانية ............ زي ما قال فهد
شوف دواسة العربية .......... لو زانقة على دواسة البنزين .......شيلها شوية من تحت دواسة البنزين

أهم حاجة أنك تكون راضي نفسيا عن سيارتك
لأن لو غير راضي نفسيا
هايطلعلك العفاريت الزرقاء فيها
أنت معاك العربية و خلاص و إن شاء الله ميظهرش فيها أي حاجة
بحفاظك عليها و إعتنائك بيها هاتكون سيارة العمر بإذن الله تعالى


و متقلقش
و ابقى عرفنا اللي انت عملته بالتفصيل إن شاء الله

المشاركة الأصلية كتبت بواسطة shehabhopazone

انا اسف جدا على الغلطه المطبعيه :)
1-التليين فيه انا ماعدتش تماما 90 كم بس كنت بشغل تكييف كتيير الصبح عشان ظروف الحر الشديده.
2-اقصى سرعه كانت 180 بس طريق كان فاضى اللى هو ال n.a و انت رايح على التجمع طريق الى حد ما منزل وجبتهم بصعوبه جدا.
3-بنزين 92 من شل او امارات مصر دايما
4-الزيت اللي بيطحت في التوكيل مع الصيانه الدوريه بصراحه معرفتش نوعه ايه
5-نوع القياده سريعه و هاديه مره على طرق سريعه ومره هاديه و فى نفس الوقت سافرت بيها كتير جدا اقربها فى وقت التليين سافرت بيها اسكندريه و بعد التليين مباشره روحت مرسى مطروح.
- انا روحت النهارده التوكيل وقعدت معاهم هناك من 9 ص لغايت الساعه 3 كان دواسه البنزين عاليه جدا عملتها بس فيه عندي اسفسار اول ما نظفنا الفلاتر و فبتر الهواء نقطت مياه كتير من الشكمان المهندس قالى ان الموتور بيعرق و فالى ان ده حاجه كويسه وعاملى زجاج السياره و غير المفاتيح بتاعت الزجاج و اشتغل كويس الحمد لله وقالى الاستهلاك هيكون احسن للتوكيل ورجعت لغايه التجمع الخامس و انا سايق على 90 ماقللتش او زودت وبرضه مابينزلش عن 10 كم في 10 لتر نزلت مره واحده بس ل 9.9 ورجعت تانى تزيد
- سألت ناس كتيير اوى في التوكيل خوفونى اوي من العربيه منهم اللي بيغير مساعدين في ال 20000 كم و اللى غير تيل فرامل عند 10000 ومفيش حد واحد حتى قالى فيها كلمه شكر واحده وقالولى قطع غيارها موجوده بره التوكيل بس غاليه جدا برضه..
وبصراحه خالونى خارج من التوكيل مضايق جدا من العربيه لدرجه انى فكرت انى ابيعها -حاجه نسيت اقولها ان قولتلهم ان فى خشونه عند ار بي ام 3 قالولى ان في حاجه بتركب في علبه الدركسيون بتظبت الموضوع ده وبرضه مالقتش مكنه الفوانيس و قالى تعالى بعد اسبوعين مع انى اخدت اجازه مخصوص من الشغل النهارده بسبب العربيه و انا راجع استهلكت بنزبن عالى برضه يصراحه ياريت تتطمنى عشان فعل مضايق من العربيه مع مرلبنزين عشان تعرف تحدد المشكله اعات ان الموتور ما عرقش تانى من ساعت ما اخذتها...

متعتمدش على الكومبيوتر فى حساب أستهلاك البنزين عشان تعرف تحدد المشكله فين, هل فعلا العربيه بتستهلك بنزين أكتر من الطبيعى ولا الكوبيوتر عايز يتظبط و يتعمله calipration , جرب تحسب الأستهلاك بالطريقه العاديه وقارنها بالكومبيوتر

بالنسبه لموضوع تغيير المساعدين فده شيء طبيعى فالبلد اللى بقت كلها مطبات وبلاعات. ياعم بلدنا دى عاوزه شيروكى مش جين 2 عشان تستحمل المطبات و التكسير. وعلى فكره والدتى معاها لانسر بومه ومبوظه العفشه كلهامن بدرى مش المساعدين بس