تقييم ال 1000 كم IslamGen2

**m7madayman** · 06-10-2008 01:07 PM

الجين 2 بتستهلك بنزين زياده وفي اعضاء كتير هيعارضوني في الكلام ده ومنهم الاستاذ توت حبيبي ولكن انا والله في صيانة 1000 كم قلتلهم اني كنت بلين وممشيتش اكتر من 110 ومش بقرص وماشغلتش تكييف نهائيا وقالولي هنشوف موضوع البنزين ده
ولكن طبعا اي كلام وهي العربيه ياجماعه كده دي طبيعة الموتور يمكن لانه 110 حصان 1600 سي سي وكمان لوتس اللي عاملاه وكمان اعتقد انه 16 صباب
والرفاهيه دي كلها والمان ده مش ببلاش
عموما انا عرفة العربيه في ظروف مشي اي بني ادم طبيعي مهما تهدي بس الطبيعيانها بتاخد لتر كل 8 كلم صدقوني
اما بالنسبه للتزييق كلنا عربياتنا العفشه بتزيق في مطبات معينه واعتقد ده طبيعي
والحدفه اليمين دي كل الزيرو اللي ركبتوا على الطرق السريعه تلاقي الدريكسيون محمل يمين شويه
وبالنسبه للنشفان اللي في العربيه دي العفشه الرياضيه لان الاسفللت اللي عندنا في مصر طبعا مش زي اللي بره
بالنسبه للاوتوماتيك اخر سرعه بيها وعلى يدي 185 مهما تقرص عليها
وده طبيعي انا اخويا معاه جيتا 2008 اخرها 190 مع ان عدادها 260
العربيه بتبقى مخنوقه شويه في الغيارين الاول والتاني طبعا في الاوتوماتيك وخصوصا مع التكييف ده كمان عاااادي
الجين 2 عربيه حلوه وربنا يحافظ لنا عليها بس كل الكماليات والجمال ده ب90000 جنيه
والكمال طبعا لله وحده يعني ماتقارنش عربيه ب90000 جنيه بعربيه ب200000 جنيه مثلا زي الجيتا لان فيها بردوا نفس الكماليات
اتمنى تكونوا فهمتوني
واللهم ارزقنا القناعه والحمد لله رب العالمين
اخوكم احمد الشاعر

ma3lesh bs 7abet a2ool en el jetta a5erha msh 190 la2eny gebt 190 beeha 3ala taree2 el fayoum we kan el rpm kan 3ala 5500 ya3ni kan lessa fadel 2500 rpm we bel nesba lel gen2 ana bardo el 3arabeya el 3afsha nashfa shwaya tab3an da 3ashan teb2a sabta we sa3at bardo betzaya2 we estehlakha lel banzeen kteer shwaya bs da 3ashan heya 3arabeya sport shwaya we zai ma 2al a7mad el sha3er el 3arabeya 3andy bte7def yemeen bardo

**bassam nagy** · 06-10-2008 01:16 PM

الف مبروك وربنا يباركللك فيها

**momenhamdy** · 06-10-2008 07:38 PM

الف مبروووووووووووك يا استاذ اسلام
و بالنسبة العربية السحب مخنوق الاداء بتاع العربية بيتحسن لغايت ال 5000 كيلو
بالنسبة للملتي فنكشن لو فيه حاجة ممكن يتغير كلو في الصيانة
بالنسبة للعفشة زي ما الاخوه الافاضل قالوا علشان العفشة اسبور ف نشفه شوية ( متنساش ان الطرق عندنا جميلة اوي اوي و مفيهاش مطباب خالص )
الريموت طبعاً انا افضل انو يكون كدا و لكن لو ضعيف اوي معاك جرب تغير البطارية
و ربنا يوفقك

**AhmedGen2** · 06-10-2008 08:02 PM

انا شاكر ليكم ردودكم يا جماعة بس ياريت فعلا لو حد يقدر يوصفلى الطريق لعز العرب الصحراوى من هليوبليس مصر الجديدة بالتفصيل الممل.

**MoDyBeNz2008** · 06-10-2008 08:04 PM

مبروووووووووووك يا اسلام جين2

ربنا يديك خيرها و يكفيك شرها

تقييم حلو بجد

**khpopo** · 06-10-2008 10:03 PM

مبروك عليك جين 2 الجميلة ربنا يحميهالك ويحميهلنا
بالنسبة للطريق من هليوبلس
كوبرى 6 اكتوبر من صلاح سالم مثلا وبعدين تخش فتحة 15 مايو وتخليك على طول لغاية المحور 6اكتوبر وبعدين تنزل منزل الصحراوى تلاقى عز العرب على اليمين قبل بنزينة شل ودة اقصر طريق تقريبا
لى بس رد على الريموت لانة كل الى قولتة من مشاكل المفروض يتحل فى صيانة الاف لكن الريموت بيجيب 10 م فعلا لو البطاربة نوع كويس وغالبا البطارية الاولى بتتغير بسرعة وهما عملو 10 م عشان عبث الاطفال وتفتح العربية من بعيد وانت مش شايفها ودة للامان هما قالين كدة مش من عندى فى حاجة كمان لو معرفتش تفتح بالريموت افتح بالمفتاح (لو البطارية ضعفت) وبعدين الغى من الزرارالى فى التابلوة اخر واحد فى الشمال عشان الانذار يقف ودور العربية عادى
وربنا يديك خيرها ويكفيك شرها

**AhmedGen2** · 06-10-2008 10:51 PM

الله يبارك فيكم ..

شكرا ً يا خالد يارب بس متوهش وإلا ذنبى فى رقبتك:D

**AhmedGen2** · 07-10-2008 03:51 PM

أنا لسه راجع من التوكيل وتمت الصيانة الحمد لله إلا إن المالتى فانكشن قالى إن معندهمش جديد هيبقى يغيرهالى الصيانة الجاية ، مش مهم.

خالد باشا الطريق كان حلو أوى ووصلت بسلام بس للأسف تهت جامد وأنا راجع :( رغم إن الراجل شرحلى وقالى وانت راجع بلاش المحور عشان زحمة وخليك فى الدائرى وقالى تسيب أول كوبرى وعند التانى تاخد تانى ملف طبعا انا رحت للكوبرى التانى لاقيت ميت ملف معرفتش أخش أنهى واحد فلاقيت نفسى فى شارع الهرم ولا الأهرام مش عارف ، وقعدت أسأل بقى كل اللى رايح واللى جاى فى الآخر مشيت شارع الهرم دة كله لآخره طلعت على كوبرى كدة وصلنى للقلعة ومن ثم العباسية وهكذا ...

بس بجد لفيت جامد ، ياريت يا خالد لو تشرح الطريق وانا راجع.

بعد الصيانة سحب العربية فل أوى وبعد 3000 آر بى إم العربية بتطير ، وشغلت التكيف براحتى الحمد لله كله حلو ، فاضل حاجتين ، أنضف العربية عشان مليانة تراب ، وكمان عاوز أحافظ على الفرش بس مش عارف أعمله ايه مفيش حاجة أرخص من فرش الجلد؟ مش معايا حاليا 1500 جنيه عشان أفرشها فرش محترم ، لو حد يعرف كوفرات أغطى بيها الفرش مؤقتا ً ياريت يدلنى.

**TrickyAhmed85** · 07-10-2008 05:30 PM

فى كفرات قطيفه شيك أوى وحلوه بس للكرسيين اللى قدام بس
انا جبتهم ب 120 جنيه , هتلاقيهم عند أى حد بتاع كماليات

**وليد عفيفى صابر** · 07-10-2008 06:03 PM

أستاذ/IslamGen2
مبروك علي اتمام الصيانة وربنا يحفظلك السيارة ويبارك لك فيها
أرجو الاستفسار من حضرتك علي تفاصيل الصيانة :
يعني روحت الساعة كام وكان بأسبقية الحضور ولا حجز
وانتظرت قد ايه وقت
واتعاملت معاهم ازاي
وموضوع استهلاك البنزين عملت فيه ايه
ودفعت كام بالضبط وما تم عمله في الصيانة
فأرجو الافادة لآني ناوي إن شاء الله أروح أعمل صيانة الألف كيلو يوم الخميس 9/10 وعاوز أعرف التفاصيل قبل ما أروح
وجزاك الله خيرا