الموضوع: فتيسك على ما تعوده.....

المشاركة الأصلية كتبت بواسطة r_gamal1

شكرا على الشرح العميق والبسيط فى توصيل المعلومه
بس ليا استفسار لو انا سواقتى هاديه والفتيس اتعود على الطريقه دى لما اجى احرق مرة واحدة سواء كنت فى موقف صعب او نازل فى فرح او واحد عايز يتعلم الادب بمعنى تكون مرة كل مدة طويله الفتيس ساعتها هيعمل ايه؟

المشاركة الأصلية كتبت بواسطة hany saad

الزميل العزيز و المحترم r_gmal
الفتيس بيعود نفسه على طبيعة سواقتك و لكن طبعاً محتاج وقت او عدد كيلومترات معين علشان يعيد برمجة نفسه على نهج القيادة الجديدة....
لو كان الشد و القرص لفترة قصيرة او مشوار صغير و رجعت هادى تانى يبقى ممكن ميقدرش يأقلم نفسه على النمط الجديد
اما لو استمر الشد لمشوار طويل شوية ساعتها بتلاقى من اقل دوسة العربية عايزة تجرى معاك....
المقصود ان التغيير مش لحظى او قصير و لكن بيحتاج مسافة معينة ليتأقلم على النمط الجديد

تحياتى

أعتقد أن كلامك خاطئ يا هندسة وان صح دل على أنه فتيس غبى والطبيعى أن الفتيس يستجيب حسب قوة و سرعة ضغط القائد على دواسة التسارع ورد الفعل لحظى وليس توليفى أو تعويد ولا يتعلق بعدد كم
عندما تضغط على دواسة التسارع ببطء تجد ان السيارة تنقل عند عدد لفات منخفضة للمحرك ولو ضغطت ع الدواسة بسرعة تجد السيارة تنقل عند عدد لفات مرتفعة مناسبة لسرعة نزول دواسة التسارع لأسفل والمعبرة عن رغبة اطقائد السيارة فى تسارع أفضل فتجد السيارة تؤخر النقل أو بالمعنى الدارج تحرق ع الغيار وتستطيع التنقل بين الأنظمة الهادئة للقيادة والأنظمة العنيفة فى نفس الرحلة لأن الستجابة فورية وليست توليفية