بتدى بقشيش للعامل فى محطة البنزين ؟

**mondy2010** · 10-10-2008 08:40 PM

دي مسألة ذوقية

**MoToRiZeR** · 10-10-2008 08:58 PM

انا بدي فلوس لأي حد بيشتغل فعلاَ خاصة لو ملمحش أو طلب بنفسه و يلزق جنب الباب و كل سنة و إنت طيب و الجو ده .. يعني طالما مش باراشوت في الشارع مفيش مانع طبعاَ كفاية إنه عايز يشتغل بجد .

انا بحترم العمال يتوع إمارات مصر بجد لأن واضح إن بياخدوا توجيهات من الإدارة بتاعتهم بطريقة خدمة العميل مش مجرد بيجيبوهم يقفوا في البنزينة و خلاص .. عشان كدة بحترم البنزينة دي أوي .

يعني سواء إديتله بقشيش أو مدتلوش بيقولك (ألف سلامة يا فندم شرفتنا) و كلهم بيقولوا نفس الجملة عشان كدة إستنتجت إنها توجيهات إدارية .. و اما بيمسحلك الإزاز بيمسحوا و يختفي من قدامك مش يفضل لازقلك عشان البقشيش عشان كدة دول بالذات بصمم إديهم بقشيش .

و بتوع الكافيه الملحق بالبنزينة و إنت بتحاسب الكاشير بيقولك نفس الجملة (ألف سلامة يا فندم شرفتنا) .. واضح إن إدارتهم محترمة .

**mrghost** · 11-10-2008 12:56 AM

بديه مالا يقل عن جنيه وساعات اكتر لانى علطول بفول بنزين 80 ولو ان فيه ساعات مساطيل بيسيبوا المسدس فى التانك ويهدر ساعات 2 او 3 لتر على الارض قدام عينى

**shanodaa** · 11-10-2008 12:58 AM

العامل في العاشر مع بنزيين 80 بياخد اكتر من جنيه غصب عن الناس

**nasr-eldeen** · 11-10-2008 01:56 AM

المشاركة الأصلية كتبت بواسطة nasr-eldeen

انا عندي بقسم عدد لترات التانك على عدد تقسيمات المؤشر ( مثلاً : اللانسر سعة التانك 50لتر و أمبير البنزين مقسم لستة اجزاء إذن كل جزء تقريباً 8لتر )وعلى ذلك بحدد عدد اللترات المطلوب.

عفواً تقسيم أمبير البنزين الخاص باللانسر 4 أجزاء كل جزء حوالي 12لتر
لكن البترا تقسيمها 8 كل جزء 6 لتر

**nasr-eldeen** · 11-10-2008 02:02 AM

المشاركة الأصلية كتبت بواسطة MOON5

بالنسبه لبنزين 80 فدا شغل عصابات
بياخدو الفلوس الى هما عايزينها يعنى ممكن من جنيه الى 3 جنيه وماتقدرش تقول حاجه
لسبب بسيط انك بيكون وراك طابور طويل وبتقول فى بالك انك اخذت وليمة عظيمة مش تموينة بنزين

ممكن تجهز القيمة زائد البقشيش قبل دخولك المحطة وتضعة أمام أمر واقع

**MaZaGAngeE** · 17-10-2008 11:01 PM

المشاركة الأصلية كتبت بواسطة sherif_84

أنا مختلف معاكم ياشباب
بعد البنزين ما غلى مابقتش أدى بقشيش لحد سواء محطات حكومية او خاصة يعنى ادفع فى لتر الـ 90 175 قرش وكمان عايز بقشيش
والشباب اللى بيقول دى صدقة خفية برضو باختلف معاه لان فيه ناس تانية كتير أولى بالصدقة دى عن عمال المحطات

كلام 100 100

**aalim** · 17-10-2008 11:42 PM

معلوماتى ان المحطات مش بتديهم مرتبات و لكن بيشتغلوا بالبقشيش و بيجمعوه و يقسموه عليهم. و بصراحه الواحد بيعتبرها صدقه لشخص يستحق لانهم فضلوا العمل الحلال و ايضا عمرى ما شفت واحد بيتمحلس او بيتنطط عشان تديله بقشيش وبيرجعلك المبلغ كامل بس فيه فكه كثير عشان يسيبلك الاختيار و كتير منهم معاهم شهادات و اضطرتهم الظروف للعمل فى غير عملهم الاصلى. و ايضا بيتعرضوا كثير للاهانات من بعض اصحاب السيارات.
(بس احيانا بعضهم بياخد البقشيش من غير ما يقول شكرا , هو صحيح الواحد عارف ان الاجر عند الله, انما بيحسسك ان ده حقه ومش فضل من حد .و زى ما هو محتاج تشجعه بالبقشيش بتحس انك محتاج نفس التشجيع عشان تحس انك اسعدت حد و تستمر فى اعطاء الصدقات. مجرد احساس عابر)

اهم شىء ان الواحد لما يدى اى فلوس بقشيش لواحد محتاج او شاب كادح يخليها بنيه صادقه ابتغاء لمرضاه الله عز و جل فقد تدخل احدنا الجنه

(n.b.: جنيه واحد=عشرين رغيف)