الموضوع: اخيرا جهاز حمايه المستهلك تحرك ضد نيسان

المشاركة الأصلية كتبت بواسطة kHussien

انا اشتكيت من 3 اشهر كدة من صوت فى الفرامل وقالولى فى التوكيل "الدقى اللى عند مقار" ان دة بسبب "بلاتوهات الفرامل" هى عبارة عن غطاء على ماستر الفرامل انا عربيتى 2013 وعاملة 5000 كم هم قالوا كان المفروض تتعدل مع صيانة 1000كم لكن بتوع ابو رواش معملوش حاجة وانا سعتها مكنتش سامع صوت غريب ولا حاجة

أبعت لحماية المستهلك دلوقتي طالما الجهاز أتحرك وبقي عنده علم بالمشكلة.
وإن شاء الله تتحل لك قريب.


كنت أتكلمت في الموضوع دا من سنة عشان اللي بيشتري ما يلبسش العربية,
وعشان اللي أشتري العربية تتعالج له مشكلة الفرامل دي لأنها مش حاجة بسيطة,,
وحاجة خطيرة إن الفرامل تهرب منك وتلاقي مشوار بدال الفرامل طووويل في عربية موديل ٢٠١٣ و ٢٠١٤
يعني لو حد أتحط في موقف مفاجئ الفرامل مش هتسعفه. وربنا يستر طريق الكل,,

وهاجمني ناس للأسف.!! كل تفكيرها التعصب و أن العربية بنتهم
وأتبنوها لمجرد أنهم أشتروها فمينفعش يتقال عليها كخة.!!
ومحدش قال كخة,, وكنا بننادي بس بحل المشكلة, وبنبه اللي بيشتري من باب الأمانة لحد ما تتحل المشكلة دي.
http://www.nilemotors.net/Nile/36519...post3875065252

إنا مبسوط بالخبر دا جداً,, ولكل واحد كان عنده المشكلة دي وأنها هتتصلح له,
مبروك لكل أصحاب العربية المتضررين من مشكلة الفرامل واللي كانو منتظرين حل للمشكلة دي.
وإن شاء الله تتحل مشكلة الفرامل للكل قريب.