الموضوع: تقييم أوكتافيا a7 بعد حوالى 5800 كيلو و مقارنتها بالسيفيك 2007 و بى ام e90 2008

المشاركة الأصلية كتبت بواسطة A.Adel

أنا هعلق على الكام جملة دول بس
ال passat تسارع عفريت من ناحية إيه ؟!!!!
من 0-100 في 10.5 ودة من الكتالوج بتاعها
سيبك من أرقام الكتالوج وخليك علي أرض الواقع..مفيش فتيس أسرع من الـ dsg ( أسرع من المنوال نفسه ) في مصر كلها إلا الـ ZF بتاع BMW

علي سبيل المثال الكتالوج كاتب السرعة القصوي 205 كم في أصعب الظروف في حين إني وصلت بيها 225 كم وأنا مش مركز معاها كنت علي طريق مفتوح

VW Passat 1.4 TSI 122PS DSG 0-100Km/H Bifuel Erdgas 2012 - YouTube

Volkswagen Passat 1.4 TSI DSG 0-100 - YouTube

Passat 1.4 TSI 0-100 - YouTube



أما بقى ال 508 فبتجيبها في 9.1 , يبقى إزاي تسارع أقل ؟!!!!!!!!!!!

الرقم ده رقم تسارع المنوال يا باشا مش الأوتوماتيك :)

علي ما أتذكر في حد في قسم البيجو حسب التسارع بتاعها لقاها 10.5 ثانية ببنزين 92 .. هدور عليه وأجيبه لحضرتك.


وازاي برده ال 508 أمان أقل
على حد علمي المتواضع , الإتنين فيهم نفس مواصفات الأمان
6 airbag و esp و(asr& msr)و abs و ebd و eba وcbc

الباسات البيزيك 10 ايرباج في حين الهاي لاين في البيجو 6 ايرباج.
ده غير ان فرامل الباسات أقوي منها وده بشهادة أحد ملاك الـ 508 وقال بالحرف الفرامل مش هقول عليها سوبر بس بتوقف العربية ومحستش بفرق بينها وبين الأوكتافيا A4




ال 508 شكل أحلى ( أذواق ) وارخص بما إن ال passat بتبدأ من 266 دلوقتي
وادي اللينك


وأوسع وقطع غيار ارخص و هتبعد عن وجع الدماغ بتاع ال DSG
وممكن يحصل مشاكل وممكن لأ
واعادة بيع أعلى لأن الناس مش خايفة منها

أوسع معاك فيها عشان البيجو أطول..قطع غيار معنديش فكرة غير إن تيل الفرامل بتاع الـ 508 سعره 2000 جنيه..وجع دماغ dsg الحمد لله مش واجع دماغي طول ما بستعمله صح وأتمني من الله ميحصلش مشكلة.

إعادة بيع أعلي دي مش معاك فيها خالص.

بصراحة الفئة دي , ال 508 هي أحسن عربية فيها دلوقتي
وبعدها ال insignia لأن وكيلها منصور

وجهة نظر

بعض الفروق بين العربيتين ممكن متكونش مهمة للبعض..مهمة بالنسبة ليا..

موتور البيجو 156 حصان
موتور الباسات 125 حصان
والموتورين متربنين
وتسارع الباسات أعلي نسبياً بالرغم من ان وزن البيجو 1400 كجم ووزن الباسات 1451 كجم
أكيد عشان ناقل الحركة

sound system جبار في الباسات بـ 10 سماعات هارمون

مقابل 6 سماعات ستوك في البيجو

تصفيح كامل في الباسات من تحت مقابل تصفيح مخرم تحت الموتور فقط في البيجو.

استهلاك بنزين عالمي في الباسات مقابل 10 أو 12 لتر لكل 100 كيلومتر في البيجو وده كلام ملاك العربية في القسم غير نسيبي اللي معاه العربية بقالها سنة بتعمل معاه 200 كيلو في الصفيحة ولو مشغل التكييف ومحمل بتعمل معاه 180-190 كيلو في الصفيحة.

الكارتيرات بتاعة العربية موكيت مش عارف ازاي ده في البيجو


العفشة في الباسات أنعم منها وأحسن منها وفي مشكلة في العفشة الخلفية في البيجو وفي عضو في قسم البيجو غير جوز المساعدين بعد ما جابت زيت علي 63000 كيلو متر.