تقييم أوكتافيا a7 بعد حوالى 5800 كيلو و مقارنتها بالسيفيك 2007 و بى ام e90 2008

**amrsabet** · 29-04-2014 10:10 PM

وده عشان الباسات متزعلش VOLKSWAGEN Passat 1.4 TSI - 2010, 2011, 2012, 2013, 2014

**inspiron** · 29-04-2014 10:10 PM

بعض الفروق بين العربيتين ممكن متكونش مهمة للبعض..مهمة بالنسبة ليا..

موتور البيجو 156 حصان
موتور الباسات 125 حصان
والموتورين متربنين
وتسارع الباسات أعلي نسبياً بالرغم من ان وزن البيجو 1400 كجم ووزن الباسات 1451 كجم
أكيد عشان ناقل الحركة

نقطة التسارع دي أنا رديت عليها
وأنا رديت عليك فيها
sound system جبار في الباسات بـ 10 سماعات هارمون
مقابل 6 سماعات ستوك في البيجو

النظام ده في أنهي فئة ؟؟!!!!!
مش المفروض نقارن option قدام السعر
أنا معايا الفئة التانية حضرتك..والنظام ده كان موجود بالمناسبة في الفانتازيا وعملت تقرير عنه زمان بالفيديو :)

تصفيح كامل في الباسات من تحت مقابل تصفيح مخرم تحت الموتور فقط في البيجو.
انت تجاهلت النقطة دي ليه مش قولت متاخدش الكلام اللي علي مزاجك وتسيب الباقي..نفذ بقا
استهلاك بنزين عالمي في الباسات مقابل 10 أو 12 لتر لكل 100 كيلومتر في البيجو وده كلام ملاك العربية في القسم غير نسيبي اللي معاه العربية بقالها سنة بتعمل معاه 200 كيلو في الصفيحة ولو مشغل التكييف ومحمل بتعمل معاه 180-190 كيلو في الصفيحة.

طبيعي إن ال 1600 هيستهلك أكتر من 1400
بس قدام ده هتاخد برده فرق power
هو 23 حصان ده و 30 nm ده رقم قليل !!!

لما العربيتين بفرق المواتير اللي حضرتك شايفه واو..يدوني نفس الأداء واستهلاك أقل في الباسات..يبقا ميلزمنيش الـ 23 والـ 30 دول :)

العفشة في الباسات أنعم منها وأحسن منها وفي مشكلة في العفشة الخلفية في البيجو وفي عضو في قسم البيجو غير جوز المساعدين بعد ما جابت زيت علي 63000 كيلو متر.

مشكلة في العفشة عشان واحد بس اشتكى !!!!!!!

لا يا باشا مش واحد بس اللي اشتكي..كتير اشتكوا ومنهم نسيبي والشكوي تحديداً في العفشة الخلفية بالدبدبة اللي فيها

أُمال نقول إيه بقى عال DSG ؟؟!!!!

قول لا إله إلا الله .. الكمال لله هههههههه والحمد لله شغال معايا زي الفل.وربنا يديمها نعمة

واللي غير جوز مساعدين , إنت تعرف استخدامه عامل إزاي ؟؟
ما ممكن استخدامه مش كويس أو بيمشي في حتت مش ممهدة كتير
مطب جامد أو نقرة ممكن تجيب مساعدين عادي
المساعدين دي حاجة استهلاكية

في النهاية بردو لا منحاز لدي ولا لدي لأن ببساطة الحمد لله عندي اللي تحط عليهم هما الاتنين..وعشان متقولش اني بستعرض .. لا والله فضل ونعمة من ربنا..أنا بس بوضحلك إنها مش فارقة معايا دي ولا دي :)

دي آخر مشاركة ليا في الموضوع ده .. لأن أنا خدت بالي إن حضرتك دخلت معايا في مناقشة زماااااااان وانتهت بنتيجة مش كويسة :)

فبلاش تتكرر الصراعات مرة أخري الدنيا مش مستاهلة

تحياتي

**A.Adel** · 29-04-2014 10:45 PM

أنا مش هضيع وقتي أكتر من كده

اللي حابب يكلمني في عربيات اهلا وسهلا

كلامي كله بالأدلة
اللي حابب ياخد بيه أهلا و سهلا

**A.Adel** · 29-04-2014 10:48 PM

المشاركة الأصلية كتبت بواسطة amrsabet

باشا شوف اللينك ده
PEUGEOT 508 Berline 1.6l THP (156 HP) - 2010, 2011, 2012, 2013, 2014

المشاركة الأصلية كتبت بواسطة amrsabet

وده عشان الباسات متزعلش VOLKSWAGEN Passat 1.4 TSI - 2010, 2011, 2012, 2013, 2014

أنا مش بثق في الموقع دي بصراحة
المعلومة بفضل اجيبها من brochure العربية نفسه

بس عموما
شكرا على تعبك

**A.Adel** · 29-04-2014 11:02 PM

المشاركة الأصلية كتبت بواسطة inspiron

دي آخر مشاركة ليا في الموضوع ده .. لأن أنا خدت بالي إن حضرتك دخلت معايا في مناقشة زماااااااان وانتهت بنتيجة مش كويسة :)

فبلاش تتكرر الصراعات مرة أخري الدنيا مش مستاهلة

تحياتي

فاكر آه LOL

لما فضلت تكتب كماليات اد كده لل a7
وفي الاخر طلعت بتتفرج على عربيات خليجي

تحب اجبلك المواضيع ؟؟!!!!!!!

http://www.nilemotors.net/Nile/3875177341-post3.html

http://www.nilemotors.net/Nile/3875107066-post16.html

http://www.nilemotors.net/Nile/3875192914-post36.html

**JapRuleZ** · 30-04-2014 02:51 AM

معرفش انتوا تاعبين نفسكوا ليه كده كل الالمانى وحش و غالى عل فاضى

**Welsherif** · 28-05-2014 09:56 AM

المشاركة الأصلية كتبت بواسطة cosmicone

عربياتنا الفئه الاولى 2014 الى فيها الدركسيون بقا جلد

انا هكتب التقييم و لو فى اى اسئله حتى فى تفاصيل التفاصيل اسئلوا عادى , انا كده كده من النوع المحسوك اوى فبلاحظ دبه النمله فى العربيه للأسف :)

الموتور
لا يقارن طبعاً و لا بالسيفيك ولا بالبى ام خالص
ولا فى الأداء و لا فى استهلاك البنزوين

التربو مش مجرد 0 - 100 بس , التربو فى السواقه العاديه فوايدو انك بتشد على اى نقله لحد السابع عادى جداً
لو محمل ناس و تكييف و الشنطه مفيش أثر زى العربيات الى مش تربو , يعنى بتسوق عادى جداً مبتحسش بكل ده

طيب لو سايق ملمس على الدواسه و التربو شبه مبيشتغلش بتبقى موفرة بنزين جداً جداً
انا مشوارى يومياً مدينة نصر - القريه الذكيه عن طريق الدائرى

من غير شد و اى ان كانت السرعه ممكن اوصل و الكمبيوتر قارى 5 و كسور ليتر لكل 100 كيلو

طبعاً مع التربو و الضغط جامد على الدواسه بتشرب البنزين :)

التكييف
فوجئنا انو كويس جداً و لله الحمد حتى اجسن من بتاع الهوندا

الinfotainment system
من الكاسيت و الشاشه الى بين العدادات رائعه و فيها اغلب ما تحتاج اليه و زياده

الوسع و الشنطه انتو عارفين

العفشه
ناشفه و بتعمل ساعات اصوات مش عارف ليه بالذات ورا , يمكن بدأت دلوقتى تبقى احسن شويه مع الوقت بس مازالت نشفه
اصوات زى نبضات عاليه فى الحفر و ليها ايام تحس انها مخلعه شويه

الفرامل
قويه جداً لله الحمد علشان العربيه خفيفه كمان عن الفانتازيا فالفرامل كلبشه زى الفرنساوى كده من اول ما تلمس الدواسه

الثبات
فيه مشاكل و دى و حاجه تانيه هذكرها اكتر عيب مكناش متوقعينه فى العربيه انا و ابن خالتى
العربيه فعلياً بتلعب مع الرياح الجانبيه و بتلعب من الخلف بالذات مع الطريق :(
الدركسيون ناعم اوى و sensitive جداً و مفيهوش dead center خالص يعنى سنترتوا صعبه و حركتوا متواصله على طول محتاج inputs & correction من السواق بشكل ممل جداً

الغريبه ان العربيه احساس السرعه فيها منعدم مقارنة حتى بالبى ام يعنى انت فجاًه بتبقى 200كيلو عادى جداً بس العربيه بتتمرجح مع الهوا الجانبى و اطلع على محور n/a و حاول تفضل فى track بالعافيه

حتى الأن مش عارفين حل للموضوع ده و بسأل بره على موقع بريتش سكودا و بردوا محدش عارف حل بس العربيه فعلاً كبيره و عاليه و خفيفه

الفتيس
ناعم جداً فى نقلاته و سريع طياره فى النقل و المودز الى فيه رائعه
الخشونه الوحيده فيه لو طالع الاول او الرجوع للخلف و فيه عائق او مطلع بيخشن شويه لحد ما يطلع

العزل
ارض و موتور تحفه لله الحمد
المشكله التانيه بقا الغريبه عزل الصوت الخارجى
ضايع
لو واقف زيرو و مقفل كل حاجه تسمع بوضوح لو عدى جنبك ناس بتتكلم او موتوسيكل او عربيه نقل و تلاقى ايدك لا ارادى راحت لزراير الأزاز تتأكد من قفلها

ابن خالتى لاحظ ان الزجاج رفيع جداً جداً مقارنة بالبى ام و ده فعلاً حتى مقارنة بالألنترا الكورى و الأزاز الأمامى ضعيف تنين مقارنة لاسيفيك و البى ام و اخدنا انا و هو زلطه و عملت شروخ فعلا فى الأزاز
حاجه محصلتش معايا فى الهوندا مع ترزيع طوب و زلط على الدائرى حوالى 6 سنين.

الخلاصه العربيه حلوة جداً ما شاء الله لو بتمشى على 100 الى 120 فهيا برفكت مش مجرد حلوه بس
الأوبشنز الى فى اول فئه بصراحه متخليكش محتاج تتدفع فى الفئات الأعلى.

لو حنقارن العزل مع عربية كورولا 2014 مين افضل فى العزل و الثبات

**CosmicOne** · 28-05-2014 01:56 PM

المشاركة الأصلية كتبت بواسطة welsherif

لو حنقارن العزل مع عربية كورولا 2014 مين افضل فى العزل و الثبات

مسوقتش الكرولا بصراحه علشان اعرف احكم للأسف

بس من وجهة نظرى العربيه بالموتور التربو كانت فيها مميزات كتير عن الكرولا لكن بالموتور ال1600 كده الدنيا قربت اوى من وجهة نظرى

**Mahmoud88888** · 12-06-2014 01:21 AM

أنا أعتقد ان الماتور الخاص بالسياره a7 التربو والفتيس dsg له عشاقه ومعجبيه وايضاً الماتور 1600 له عشاقه ومعجبيه
انا بفكر في هذه السياره جدياً ممكن حد من مالكي السياره المحترمين يفيدني.