رابطة مالكى فيكترا b

**shab** · 17-08-2014 04:56 PM

السلام عليكم - انا عضو جديد في المنتدي - و اتمني التكرم بنصيحتكم
عايز اشتري اوبل فيكترا ( ايه رأيكم في موديل 2002 1600 سي سي ) تنصحوني بالمانويل او الايتوماتيك - و ايه الفرق بينها و بين 2003 - ايه الحاجات اللي اخد بالي منها عند الشراء ( اللي ممكن يعدي و اللي يوقف البيعة ) - اكشف عليها فين و ازاي - متوسط سعرها لو حالة العربية كويسة
شاكر لمساعدتكم و مجهودكم
خالص تحياتي

**فادى محمد** · 17-08-2014 04:59 PM

عاوز تركب مانوال هتنبسط منها جداااا
عاوز اوتو يبقي اركب منها ال2000 سي سي بلاش ال1600
ماتاخدش عربيه مش شغال فيها المكيف والايه بي اس لان صيانتهم بتتكلف
السعر حسب الحاله
ربنا يوفقك

**hagagatc** · 18-08-2014 06:16 AM

المشاركة الأصلية كتبت بواسطة shab

عزيزي فادي
في البداية شكرا جزيلا لأهتمامك .
نظرا لان معظم تحركاتي داخل البلد ( كنت افضل الايتوماتيك ) بس ال 2000 بالتأكيد الضريبة بتاعتها عالية و سحبها للبنزين اكثر من 1600 ( هل 1600 سي سي مشاكل الايتوماتيك ما لهاش حل و لا حلها مكلف )
و بالنسبة لموديل 2002 و 2003 ايهما افضل
خالص تحياتي و شكري

مش كتيير اوي العربيه عدي عليها اكتر من ١٠ سنين ضريبتها حتلاقيها قلت جامد يعني في حدود ٤٦٠ لو موديل ٢٠٠٠ مثلا فرق الاستهلاك مش كبير حسب حاله الموتور

**h_crespo_9** · 20-08-2014 02:41 AM

السﻻم عليكم
النهارده شوفت عربيه فيكترا 97 دواخل فبريكا مغيره ماتور من سنه كده ومغيره ابواب برضو بس الراجل قالي بارومه. التكييف فى خرطوم عايز يتغير ومطلوب فيها 44.. فلو ممكن اعرف رأيكو وهل عادى ان الماتور مش الفبريكا وموضوع البارومه والتكييف وهل سعرها كويس وﻻ ﻻ ؟

**uglyman** · 27-08-2014 12:34 PM

المشاركة الأصلية كتبت بواسطة SPY123

يا رجاله انا عملت صفحه على الفيسبوك علشان سهوله رفع الصور وهيبقى فى نظام اكتر من المنتدى بمعنى ان احنا هنقسم المواضيع بالصور هنشوف احسن ناس فى الصيانه ونحط اساميهم بعنوانيهم بارقام تليفوناتهم على هيئه صور ويبقى ده موضوع وموضع تانى عن قطع الغيار الجديد والاستيراد لما حد يصلح حاجه فى عربيته هنعملها موضوع بالصور والصور مش هتتمسح او صوره تقع فى النص زى ما بيحصل هنا
الخلاصه ان احنا هنسهل الموضوع بس شويه انا رفعت 72 صوره لفيكترا بى بكل اشكالها والوانها وكنت بفكر كمان اعمل كده فى فيكترا ايه وكورس هاتش وسيدان واسترا بس لو هنكمل فى موضوع البيج فا ايه رايكو ؟؟؟

ممكن رابط الفيسبوك؟

**shoulah** · 28-08-2014 03:37 AM

وافد جديد بفكر اشترى vectra b ويكون لى الشرف لما انصم ليكم ان شاء الله
احمد شولح من دمياط

**islam hosny07** · 29-08-2014 01:14 AM

المشاركة الأصلية كتبت بواسطة uglyman

ممكن رابط الفيسبوك؟

ممكن رابط الفيسبوك ؟؟؟

**ahmed celevr** · 07-09-2014 10:38 PM

ارجوااااا الافادة ضرورى جداً جداً جداً
عايز اشترى اوبل فيكترا وخايف مش عارف ليه ... كان معايا لانوس 2006 وبعتها والفلوس اللى معايا ممكن تجيب فيكترا 1600 cc موديل 97 , 98 , 99 , 2000 , 2001 طبعاً كله على حسب الحالة .. انا معروض عليا موديل 97 فابريقا بره وجوه كاملة الكماليات على 60000 جنية بجد محتاج ارائكم ضرورى جداً .

**m7nsh** · 07-09-2014 10:53 PM

كتير اوى ... لو بتقول بابا وماما ممكن تجيب 55 .. وممكن مع ارتفاع الاسعار عموما و فى حاله ثقتك الكامله ان العربيه تمام اووووى ومش هتصرف ربع جنيه والرخصه فيها كتير وكيلو متر قليل "حاله شاذه فعلا "ممكن 56 57 "مشوفتهاش بس باتوقع الرينج"