رابطة مالكى فيكترا b

**mh.mohamed** · 02-06-2014 03:49 PM

معايا أوبل فيكترا بى موديل 96 الشكل الجديد 2000 سى سى اوتوماتيك عامله 169 الف كيلو مفيهاش اى مشاكل ومش محتاجه اى مصاريف الحاله ممتازه فابريكه التاره multifunction كنت محتاج اعرف تعملها كام دلوقت

**mo.ad.hosny** · 11-06-2014 10:16 PM

نسعد بإنضمامكم لجروب رابطة ملاك اوبل استرا وانسجينا

* * * * * * * * * * * *

**هشام السيد** · 18-06-2014 02:09 PM

لو سمحتوا ياجماعه انا عندي العربيه في الجنب اليمين في الحتت المكسره بسمع في دبدبه خفيفه كده وعلي السرعات مطبات الهوا بتعمل دبه جامده اوي ده من ايه ؟

**فادى محمد** · 18-06-2014 05:55 PM

احتمالات كتير . عامود ميزان - بطاحه مساعد ... لازم عفشجي يجرب ويسمع الصوت

**فادى محمد** · 19-06-2014 04:32 PM

طالما هبد يبقي مساعد ..

**elbasha_shico** · 23-06-2014 12:49 AM

الأسم.. شادى محمد.... مهندس برمجيات .. Programmer
اوبل فكترا 1997 ..
مكنه 2000 ايكوتك .. الانين كامه .. كامله اتوماتيك
..................................................

بصراحه انا كان معايا رينو فويجو .. عربيه هايله.. من فئات Sports Car
بس التقدم و الجواز و الاطفال بيجبرك على التغيير لسيارات عائليه..

.................................................. ..

بصراحه لما اشتريت الفكترا حسيت ان للقياده طعم اخر .. حاجه كده زى ما بيقولوا .. ماشى و سايب ايديك.. اه و الله زمبؤلك كده..
للأمانه .. العربيه الفكترا و بالأخص B >>>> حاجه كده من نوع اخر..
طبعاً من فتره و انا بتابع الشباب المحترمه الموجودين فى المنتدى المحترم .. و بصراحه ناس زى الفل .. بس عندى مشكله .. ان البرمجه و شغلى واكلى دماغى بمصطلحات شغلى المعقده بسلطاته ببابا غنوجه .. فلما بشوف كلام الشباب و خصوصاً فادى بيتكلم فى تفاصيل التفاصيل .. بحس انى بخاف من العربيه .. لانى اكيد مش هتعلم الكلام ده و خصوصاً انى مبرمج و دماغى مش ناقصه شحن .. هى والعه جاهزه
على العموم انا اتشرفت جداً بوجودى وسط الناس المحترمه الموجوده هنا ..

**هشام السيد** · 24-06-2014 05:14 PM

انا عندي استفسار كده انا عندي dead lock شغال في كل الابواب عدا باب السواق دا ايه سببه ؟فيكترا ٩٧

**mwetsh** · 27-06-2014 12:09 AM

المشاركة الأصلية كتبت بواسطة haisam ali

اخوكم / هيثم على فهمى حموده ..... مركز مطوبس - كفر الشيخ ..... بينى وبين مدينه رشيد حوالى ٧ دقايق بالعربيه ومنها للاسكندريه باذن الله
السياره :- اوبل فيكترا b2 موديل ٢٠٠٣ موتور ٢٠٠٠cc ايكوتك اوتوماتيك ( منصور )
الصيانه :- مبداءيا كده الحمد لله انا واخد العربيه اللى معايا دى فابريكا كده من صاحبها لكن طبعا متهانه اخر ٦٠ حاجه فالحمد لله فورتها كلها وشدتها من الألف للياء ( سمكره - دوكو - صيانه موتور - عفشه )
اعتمادى الكلى فى الصيانات هنا فى المنتدى من آراء الاساتذه بتوعنا بجد
الميكانيكى بتاعى فى البلد على قده شويه بعمل عنده الحاجه اللى نقدر نعملها كده بالعافية على قد قدراته
اول مابحس ان فيه حاجه عويصه بروح لمهندس فى دمنهور حافظ العربيه صم زى اساتذتنا هنا كده بس هوه حراق شويتين فبخليه اخر سبيل ليا
قطع الغيار الجديد اللى بجيبها بسال عليها الاول فى التوكيل لو رخيصه او فرق بسيط بجيبها عالطول او بجيب من اسكندريه من صلاح الدين من عند خميس رويدا يعنى بحسه ضميره صاحى شويه ..... والاستيراد بجيبها من عند عصام اوبل السيوف او عصفور اوبل الفراهده او أى تاجر استيراد فى الفراهده بلاقى حاجته نظيفه ومحترمه
وشاكر جداً للأستاذ احمد فهمى على الفكره الهايله دى وبجد شكرًا ليكم كلكم انتم اكتر من الأخوات

هذا وبالله التوفيق

ممكن اعرف من حضرتك جبتها بكام و شدتها على كام و ايه قطع الغيار اللى جبتها و جزاك الله خيرا