الموضوع: رابطة مالكى فيكترا b

المشاركة الأصلية كتبت بواسطة amr_paolo

انا معايا فكترا بي1 مو98
بصراحة باستمتع لما آجي اركبها ومالقيتش فيها مشاكل زي اللي بأسمعها الحمد لله
قوة وثبات وصالون مريح جداً خصوصاً في السفر
باعمل الصيانات في صقر قريش عند عبد الراضي
ولسة حروح له عشان في صوت حكة كدة ونحر في العجل الخلفي لما أدوس فرامل
مش عارف من ايه
لما أروح وأشوف وحقولكم على التفاصيل

قولي عشان عندي نفس الموضوع هههههه

السلام عليكم اعضاء النتدى الجميل

انا ارغب فى شراء اوبل فيكترا لانى احب السيارات الالمانى جدا لكن بصراحه كل ما اسال حد على الاوبل فيكتراb2 موديل 2002 يقول لى ابعد عنها دى عربيه معقده و ما حدش بيعرف يظبطها كويس و لو لقيت حد يظبطهالك هياخد منك فلوس كثير اوى دى حاجه ، الحاجه التانيه الناس تقول لى ايضا لو حبيت تبيعها مش بسهوله تلاقى اللى يشتريها منك

ارجو الافاده من حضراتكم فى هذه المعلومات و ما هو مدى صحته الكلام ده

مع تحياتى

المشاركة الأصلية كتبت بواسطة محمد جمعه محمد

السلام عليكم اعضاء النتدى الجميل

انا ارغب فى شراء اوبل فيكترا لانى احب السيارات الالمانى جدا لكن بصراحه كل ما اسال حد على الاوبل فيكتراb2 موديل 2002 يقول لى ابعد عنها دى عربيه معقده و ما حدش بيعرف يظبطها كويس و لو لقيت حد يظبطهالك هياخد منك فلوس كثير اوى دى حاجه ، الحاجه التانيه الناس تقول لى ايضا لو حبيت تبيعها مش بسهوله تلاقى اللى يشتريها منك

ارجو الافاده من حضراتكم فى هذه المعلومات و ما هو مدى صحته الكلام ده

مع تحياتى

العربية دى كويسة جدا
الكلام اللى سمعته دة غير سليم بالمرة

المشاركة الأصلية كتبت بواسطة A.Sattar

قولي عشان عندي نفس الموضوع هههههه

روحت للميكانيكي رفع العربية وكشف عليها
طلع التيل الأمامي جاب آخره وهو اللي عامل المشكلة ديه
غيره جديد ماركة trucks فرنسي بيقولي ده ممتاز مع اني أول مرة أسمع عنه بـ 110ج
بيقول ما بيصفر خالص عكس الأنواع التانية
والحمد لله كله أتظبط وبقت تمام

السلام عليكم ورحمه الله وبركاته
دي اول مشاركه لي علي الموقع الجميل والكل فيه بيخاف علي بعض ربنا يدوم المعروف ان شاء الله
انا معي اوبل فيكترا1997 اتوماتيك 2000 cc والحمد لله العربيه معي من سنه تقريبا وتمام وزي الفل وفعلا الوبل بجد عربيه بحق
بس انا بسافر مشاوير طويل ابارح انا مسافر المنصوره حصل معي موقفين
الاول
ووانا ماشي علي 140 ك تقريبا وبعد حوالي ساعه من السفر لاقيت دخانه ظهرت من كبوت السياره وده كان الصبخ قبل الحر المهم وقفت فتحت الكبوت لاقيت الدخان ناتج عن وجود زيت تحت مكان البطاريه مش عارف المكان ده اسمه ايه بالتحديد هو مكانه تحت البطاريه وفيه زراع حديد المهم لاقيت زيت وعامل دخانه وقفت شويه زعرفش الزيت ده جاي منين وقفت شويه وزكلت علي وكملت المهم بعد ساعه تقريبا وقفت تاني لاقيت مفيش اي اثر للزيت اللي كان موجود ومعدش في دخانه قولت الحمد لله بس طبعا قلقان معرفش الزيت ده جه منين
المهم بيت في المنصوره وجبيت واحد بيقولو عليه ميكانيكي شاف العربيه وقال له تمام وقاس الزيت لاقي كل مظبوط قولت الحمد لله كله تمام لغيه ماارجع الاسكندريه واشوف الموضوع ده ياريت اعرف اي ده
التاني
بعد ماوصلت الاسكندريه من ساعه دلوقتي وانا بجرش العربيه و وبعمل الفتيس علي وضع p سمعت صوت تكته او زي ماتكوت صوت خربطه تروس في بعضها وده بيحصل بس اما اجي اعمل الفتيس علي p لكن الصوت ده مش بيحصل خالص علي وضع تاني الفتيس بيغير عادي من غير اصوات و ولما بطلت العربيه وحركت الفتيس علي وضع pالصوت راح لكن لما ادور العربيه واحرك الفتيس واجيبه علي وضع p اسمع الصوت خبط تروس في بعضها ارجو الرد للاهميه قبل مااروح لحد ميكانيكي ويقول حاجت وتطلع غلط ارجو من الاخو الكرام الرد مع العلم انا مغير زيت الفتيس فقط من حاولي 9 شهور
واسف جدا علي الاطاله بس ده من عشمي ولو حد يعرف ميكانيكي كويس بالعجمي او الاسكندريه ياريت يقولي عليه
واسف جدا اني دوشتكم مع

المشاركة الأصلية كتبت بواسطة احمد احمد

السلام عليكم ورحمه الله وبركاته
دي اول مشاركه لي علي الموقع الجميل والكل فيه بيخاف علي بعض ربنا يدوم المعروف ان شاء الله
انا معي اوبل فيكترا1997 اتوماتيك 2000 cc والحمد لله العربيه معي من سنه تقريبا وتمام وزي الفل وفعلا الوبل بجد عربيه بحق
بس انا بسافر مشاوير طويل ابارح انا مسافر المنصوره حصل معي موقفين
الاول
ووانا ماشي علي 140 ك تقريبا وبعد حوالي ساعه من السفر لاقيت دخانه ظهرت من كبوت السياره وده كان الصبخ قبل الحر المهم وقفت فتحت الكبوت لاقيت الدخان ناتج عن وجود زيت تحت مكان البطاريه مش عارف المكان ده اسمه ايه بالتحديد هو مكانه تحت البطاريه وفيه زراع حديد المهم لاقيت زيت وعامل دخانه وقفت شويه زعرفش الزيت ده جاي منين وقفت شويه وزكلت علي وكملت المهم بعد ساعه تقريبا وقفت تاني لاقيت مفيش اي اثر للزيت اللي كان موجود ومعدش في دخانه قولت الحمد لله بس طبعا قلقان معرفش الزيت ده جه منين
المهم بيت في المنصوره وجبيت واحد بيقولو عليه ميكانيكي شاف العربيه وقال له تمام وقاس الزيت لاقي كل مظبوط قولت الحمد لله كله تمام لغيه ماارجع الاسكندريه واشوف الموضوع ده ياريت اعرف اي ده
التاني
بعد ماوصلت الاسكندريه من ساعه دلوقتي وانا بجرش العربيه و وبعمل الفتيس علي وضع p سمعت صوت تكته او زي ماتكوت صوت خربطه تروس في بعضها وده بيحصل بس اما اجي اعمل الفتيس علي p لكن الصوت ده مش بيحصل خالص علي وضع تاني الفتيس بيغير عادي من غير اصوات و ولما بطلت العربيه وحركت الفتيس علي وضع pالصوت راح لكن لما ادور العربيه واحرك الفتيس واجيبه علي وضع p اسمع الصوت خبط تروس في بعضها ارجو الرد للاهميه قبل مااروح لحد ميكانيكي ويقول حاجت وتطلع غلط ارجو من الاخو الكرام الرد مع العلم انا مغير زيت الفتيس فقط من حاولي 9 شهور
واسف جدا علي الاطاله بس ده من عشمي ولو حد يعرف ميكانيكي كويس بالعجمي او الاسكندريه ياريت يقولي عليه
واسف جدا اني دوشتكم مع

الكلام ده كله انا فهمته بس انا ليا سؤال بصرف النظر عن سبب وجود الزيت تحت البطاريه ، لماذا حدث دخنه من هذا الزيت الموجود تحت البطاريه

المشاركة الأصلية كتبت بواسطة ahmedshk

احب اتشرف وانضم لحضرتكم
اوبل فيكترا موديل 1997 ايكوتك الالمانى مشتريها مليش شهرين وفى واحد محترم فى المنتدى اسمه محمد صلاح قريت ليه وصف لعربيته وهى نفس مواصفات بتاعتى :-
المواصفات:1600 ايكوتك التجار بسموه موتور تيجرا ش عارف ليه بس هو عمتا علي ابوها مش تسقيط
جير مانيوال

الكماليات:
1-مرايات كهرباء وضم مع السنتر
2-تكيف وشغال الحمد لله
3-تعديل كرسي السائق في 6 اتجاهات
4-شاشة توضح التاريخ واسلعة ودرجة الحرارة (بس بايظة عندي عشان مش مركب كاسيت الفابريكة)
5-لتحكم في اضائة الطابلوه
6-شوابير امامي وخلفي

وسائل الامان:
فراملabs
2 ايرباج

نيجي بقي للميزات

1-صوت ماتوور ناعم وهادي وله زنة كدة مميزة لما تقرص عليييه بشهادة كل الي بيركب معايا
2-تكيييف بيسقع حلو جدا لما يتزبط مع انه قرفني لحد ما اتظبط وبحسه احسن م اللانسر
3-ثبات محترم جدا علي سرعات وفي الملففات وكورنيش اسكندرية يشهد علي كدة وحسييت بنعمة الاوبل لما ركبت النوبيرا بتاعت صاحبي واخدت بيها ملفات الكورنيش
4-تصميم انيق وجميييل ولحد النهاردة لما العربية بتكون نضيفة ومش مهملة ومشدودة دايما تحس بشياكتها وخصوصا سحبة المراية وتصميمها الرائع
5-عربية حمالة اسية ماشاء الله عليها وخصوصا اننا بنهلكها ومش مهتمين اوي بصيانتها والحمد لله عمرها ما قلت معانا ربنا يديمها نعمة ويجعل كلامنا خفيف عليها
6-قطع غيارر موجودة في كل مكان جديد واستيراد اسعار كويسة جدا ومش غالية مقارنة بالانسر البومة
7-الموتور الي فيها انا شايفه كويس جدا وجراية وحلوة مش تقيلة
8- تقفيل محترم وخامات جودتها محترمة
9-باورالدركسيون خفيف وجميل وموزون


طبعا بعد ما اشتريت العربية لقيت فيها حاجات كتير مستخبية كتير من زيت بنزل على كرتيرة الماتور وطلع خرطوم البخر بتاع الماتور واتغير بواحد ارفع منه شوية بس حساب كلام مركز محسن ال فى شارع المنشية العشرين فيصل قالى ان مش مشكلة انه يكون شبيه الاصلى بالظبط اهم حاجة يؤدى المهمة ، المهم برضوا كان فى مشكلة ان شكمان بتاع العربية بيطلع دخنة سودة ، اول مرة رحت المركز بتاع محسن ده نضف البوابة والفلتر وقالى هى مخزنة دلوقتى امشي بيها شوية حتفضى المخزون وخلاص ، المهم رت سفرت حوالى650 كيلو القاهرة قنا ورحت الغردقة ورجعت بنفس الطريق وجيت ونفس المشكلة قائمة، رحت نفس المركز بس بعد مقريت شوية حاجات يعنى اهو الواحد ميبقاش زى العبيط هو وبيشتغل فى العربية فقريت فى المنتدى هنا عن سبب الدخنة حساس المية ، المهم كشف كمبيوتر وشاف البيجوهات قالى رششات لان البيجو مسود المهم غير الرشاشات استيراد من عنده ، وبرضو الموضوع منتهاش رحت قولتله على موضوع حساس المية قالى طب نغيره ، وغيرناه واخده نوع مكتوب عليه المانى بس الماركة مش فى دماغى ب50 ج المهم ممشتش برضوا الدخنة ، جات فكرة حساس الشكمان وملقتش نفس ال عندى استراد اوبل كويس فاضطرينا حساب كلام محسن صاحب المركز انى ممكن اركب بتاع الدايو ، وفعلا جبته من محل فى العشرين مخصص كوريى 130 ج بالفيشة بتاعته ،المهم الموضوع مخلصش الدخنة مرحتش ، طبعا اتعصبت وتخيلوا لما واحد من قنا يتعصب على الصنياعية ، طبعا لانى عملت كل الافكار ال قالوا عليها ودفعت كتير وفى الاخر انا فى مركز متتخص اوبل وصرفت ده كله والموضوع هو هو طبعا اتغظت دخلة شمال فيهم فواحد نط منهم وقالى استنا ابص على الماتور ، راح لقى خرطوم داخل مكان خرطوم تانى تقريبا حاجة زى السحب والفايض تقريبا وراحت الحكاية راحت ومفيش دخنة سودة ولا دربكة تحت رجلك من الماتور زى الاول ، ولقيت الصنيعية كانهم فى عيد ان الموضوع راح. وديه حكيتى مع اوبل فيكترا b 1997
لو فى حد عنده حاجات لموتور تيجرا يريت يقولنا

الساده الزملاء رابطه مالكى اوبل فيكترا اخباركم اى و يارب اكون منكم عن قريب ان شاء الله و اشترى اوبل فيكترا

الزميل العزيز كاتب ان السياره موديل 1997 موتور 1600 ايكوتيك مانيوال و انه موتورها مش متسقط لهل

بس انا معلوماتى ان :-

1- موديل 1997 موتور 1600 كان الموتور القديم مش الايكوتيك

2- الايكوتيك دائما بينزل مع فتيس اوتوماتيك

مع تحياتى

استاذن اسال حضرتك الفيكترا 2000 سي سي اوتوماتيك استهلاك البنزي بتاعها شكله ايه ؟